دنیا بھر میں مقیم کشمیری 13 جولائی 1931ء کے شہدا کی یاد میں پیر کو یوم شہدا منائیں گے۔
مقبوضہ کشمیر میں کل جماعتی حریت کانفرنس نے کشمیری عوام سے مقبوضہ وادی میں مکمل ہڑتال کی اپیل کی ہے۔
ڈوگرہ مہاراجہ کی فوج نے 13 جولائی 1931ء کو انتہائی المناک اور انسانیت سوز واقعہ رقم کرتے ہوۓ 22 کشمیریوں کو شہید کر دیا تھا۔ اس وقت کے حریت پسند عبدالقدیر نے کشمیری عوام کو ڈوگرہ حکومت کے خلاف متحد ہونے کو کہا تھا۔ 13 جولائی 1931ء کو عبدالقدیر کے خلاف عدالتی کارروائی کے دوران سرینگر میں سینٹرل جیل کے باہر نماز ظہر کے وقت ایک نوجوان نے اذان شروع کی لیکن مہاراجا کے سپاہیوں نے اس کو گولی مار کر شہید کر دیا۔ یہ شائد تاریخ کی واحد اذان تھی جسکی تکمیل تک بائیس نوجوانوں نے اپنی جانوں کا نذرانہ پیش کر دیا۔
ڈوگرہ حکومت کی فوج کے ہاتھوں 22 کشمیری نوجوانوں کی شہادت تاریخ کا ناقابلِ فراموش واقعہ ہے۔