اتوار, اکتوبر 25 Live
Shadow

صدرٹرمپ عراق اور افغانستان سے مزید فوجی انخلاء کا آج اعلان کریں گے: روسی میڈیا

روسی خبر رساں ادارے کے مطابق امریکی صدر آج بروز بدھ افغانستان اور عراق سے مزید امریکی فوجی نکالنے کا اعلان کریں گے، اور انخلاء بھی آئندہ چند روز میں شروع ہو جائےگا۔

رپورٹ کے مطابق اعلان کی اہمیت اس لیے بھی زیادہ ہے کیونکہ چند روز قبل صدر ٹرمپ نے ایک بیان میں واضح طور پر کہا تھا کہ امریکی جنگوں سے کچھ جرنیل، اسلحہ ساز کمپنیاں اور ان سے وابستہ افراد کمائی کرتے ہیں۔

رپورٹ کے مطابق افغانستان میں امریکی فوجیوں کی تعداد 4 ہزار تک کر دی جائے گی، جبکہ عراق میں یہ تعداد تقریباً 5 ہزار ہو گی۔

یاد رہے کہ امریکی صدر ڈونلڈ ٹرمپ عراق اور افغانستان کی جنگوں کو کبھی نہ ختم ہونے والی جنگیں کہتے ہیں اور پچھلے انتخابات سے قبل بھی وہ انہیں فوری ختم کرنے کا عندیا دیتے رہے ہیں۔ نومبر میں آئندہ انتخابات سے قبل وہ اس وعدے کو پورا کرتے ہوئے اپنے حامیوں کو وعدے پورا کرنے والا صدر کے طور پر پیش کرنا چاہیں گے۔

روسی خبر رساں ادارے کی رپورٹ کی تصدیق امریکی ذرائع ابلاغ کے نمائندوں نے بھی کی ہے۔

دوست و احباب کو تجویز کریں

تبصرہ کریں