جمعرات, اکتوبر 28 Live
Shadow
سرخیاں
جمناسٹک عالمی چیمپین مقابلے میں روسی کھلاڑی دینا آویرینا نے 15ویں بار سونے کا تمغہ جیت کر نیا عالمی ریکارڈ بنا دیا، بہن ارینا دوسرے نمبر پر – ویڈیویورپی یونین ہمارے سر پر بندوق نہ تانے، رویہ نہ بدلا تو بریگزٹ کی طرز پر پولیگزٹ ہو گا: پولینڈ وزیراعظمسابق سعودی جاسوس اہلکار سعد الجبری کا تہلکہ خیز انٹرویو: سعودی شہزادے محمد بن سلمان پر قتل کے منصوبے کا الزام، شہزادے کو بے رحم نفسیاتی مریض قرار دے دیاملکی سیاست میں مداخلت پر ترکی کا سخت ردعمل: 10 مغربی ممالک نے مداخلت سے اجتناب کا وضاحتی بیان جاری کر دیا، ترک صدر نے سفراء کو ملک بدر کرنے کا فیصلہ واپس لے لیاترکی کو ایف-35 منصوبے سے نکالنے اور رقم کی تلافی کے لیے نیٹو کی جانب سے ایف-16 طیاروں کو جدید بنانے کی پیشکش: وزیر دفاع کا تکنیکی کام شروع ہونے کا دعویٰ، امریکہ کا تبصرے سے انکارترک صدر ایردوعان کا اندرونی سیاست میں مداخلت پر 10 مغربی ممالک کے سفراء کو ناپسندیدہ قرار دینے کا فیصلہبحرالکاہل میں چینی و روسی جنگی بحری مشقیں مکمل – ویڈیونائجیریا: جیل حملے میں 800 قیدی فرار، 262 واپس گرفتار، 575 تاحال مفرورترکی: فسلطینی طلباء کی جاسوسی کرنے والا 15 رکنی صیہونی جاسوس گروہ گرفتار، تحقیقات جاریامریکی انتخابات میں غیر سرکاری تنظیموں کے اثرانداز ہونے کا انکشاف: فیس بک کے مالک اور دیگر ہم فکر افراد نے صرف 2 تنظیموں کو 42 کروڑ ڈالر کی خطیر رقم چندے میں دی، جس سے انتخابی عمل متاثر ہوا، تجزیاتی رپورٹ

امریکی جنگوں نے پونے چار کروڑ افراد کو بے گھر کیا: تحقیق

امریکہ کی جامعہ براؤن نے ستمبر 11 کے بعد امریکی قیادت میں شروع ہونے والی مغربی ممالک کی جنگوں پر ایک جامع رپورٹ مرتب کی ہے۔ رپورٹ میں کہا گیا ہے کہ ان جنگوں کے باعث اب تک دنیا بھر میں کم از کم تین کروڑ 70 لاکھ لوگ بےگھر ہوئے ہیں۔

تحقیق کاروں نے بتایا کہ یہ بھی ایک ’محتاط‘ اندازہ ہے کیونکہ ان بےگھر ہونے والوں کی اصل تعداد چار کروڑ 80 لاکھ سے پانچ کروڑ 90 لاکھ تک ہو سکتی ہے۔ اس رپورٹ کے بارے میں کہا گیا ہے کہ یہ اپنی نوعیت کی پہلی رپورٹ ہے جس میں امریکہ کی جانب سے دنیا بھر میں جنگوں میں ملوث ہونے کے بےگھر آبادیوں پر ہونے والے اثر کو ناپا گیا ہے۔

رپورٹ کے مطابق ان جنگوں کے باعث صرف افغانستان اور عراق نہیں بلکہ پاکستان، یمن، صومالیہ، فلپائن، لیبیا اور شام میں بھی دسیوں لاکھ لوگ بےگھر ہوئے۔ اگرچہ رپورٹ میں کہا گیا ہے کہ ان میں سے ڈھائی کروڑ سے زیادہ لوگ واپس اپنے گھروں میں آ گئے ہیں، تاہم تحقیق کاروں نے کہا: ’واپسی سے بےگھری کا صدمہ ختم نہیں ہوتا، نہ ہی اس کا مطلب ہے کہ یہ بےگھر لوگ اپنے اصل گھروں یا محفوظ زندگی کی طرف لوٹے ہیں۔‘

منگل کو شائع ہونے والی اس رپورٹ کا عنوان ’پناہ گزین سازی: امریکہ کی نائن الیون کے بعد جنگوں سے پیدا ہونے والی بےگھری،‘ ہے۔ اس کے مصنفین میں ڈیوڈ وائن، کالا کافمین، کیٹیلینا خاوری، میڈیسن لوواچ، ہیلن بش، ریچل لوڈک اور جینیفر واک اپ شامل ہیں۔

امریکہ نے 2001 میں القاعدہ سے منسلک دہشت گرد حملوں کے جواب میں ’دہشت گردی کے خلاف عالمی جنگ‘ شروع کر کے کم از کم 24 ملکوں میں فوجیں بھیجی تھیں اور وہ تقریباً دو دہائیوں سے مسلسل عالمی حالتِ جنگ میں ہے۔

رپورٹ میں لکھا ہے: ’تاریخ میں ہونے والی دوسری جنگوں کی طرح نائن الیون کے بعد چھیڑی جانے والی جنگوں نے دسیوں لاکھ لوگوں کو، جن کی بڑی اکثریت عام لوگوں پر مشتمل ہے، اپنی جان کے لالے پڑ گئے اور وہ تحفظ کی خاطر نکل بھاگے۔ دسیوں لاکھ لوگ فضائی حملوں، بموں، توپ کے گولوں، ڈرون حملوں، بندوق کی لڑائیوں اور جنسی زیادتی کی وجہ سے بھاگے۔

‘لوگ اپنے گھروں، محلوں، ہسپتالوں، سکولوں، نوکریوں اور مقامی خوراک اور پانی کی ذرائع کی تباہی کی وجہ سے بھاگے۔ وہ امریکی جنگوں، خاص طور پر افغانستان اور عراق میں چھیڑی جانے والی جنگوں کی وجہ سے زبردستی بےدخلی، قتل کی دھمکیوں اور بڑے پیمانے پر ہونے والی نسل کشی سے فرار ہوئے۔‘

جب امریکہ دنیا بھر میں فوجی کارروائیاں کر رہا تھا تو خود امریکہ میں پناہ گزینوں کے بارے میں رویہ سخت متنازع رہا۔ اگرچہ رائے عامہ کے ملک گیر جائزوں سے پتہ چلتا ہے کہ امریکی عوام کی اکثریت پناہ گزینوں کو آنے دینے کے حق میں ہے اور ان کا خیال ہے کہ ترک وطن کر کے امریکہ آنے والے لوگوں کی وجہ سے امریکہ مضبوط ہوا ہے۔

نئی رپورٹ کے مطابق جب امریکہ نے 2002 میں صومالیہ میں فوجیں بھیجیں تو ملک کی تقریباً آدھی آبادی (46 فیصد) بےگھر ہو گئی۔امریکی اخبار نیویارک ٹائمز کو ایک بیان میں رپورٹ کے ایک شریک مصنف ڈیوڈ وائن نے کہا: ’اس سے پتہ چلتا ہے کہ ان ملکوں میں امریکی مداخلت ہولناک حد تک قیامت خیز اور ہولناک حد تک تباہ کن تھی جس کا میرا نہیں خیال کہ بہت سے امریکیوں کو اندازہ ہے، جن میں میں خود بھی شامل ہوں۔ ان لوگوں نے اس کا ہلکا سا بھی ادراک یا اس سے نمٹنے کی کوشش نہیں کی۔‘

دوست و احباب کو تجویز کریں

تبصرہ کریں

Contact Us