امریکی ٹی وی پروگرام “دی ویو” کی میزبان جائے بیہار نے گزشتہ روز ٹی وی پروگرام میں طنزیہ انداز میں کہا تھا کہ وہ تب تک کووڈ 19 کی ویکسین نہیں لگوائے گی جب تک صدر ڈونلڈ ٹرمپ کی بیٹی ایوانیکا ٹرمپ ایسا نہیں کرتی۔ جس پر ایوانیکا ٹرمپ نے ردعمل میں میزبان کو ٹویٹر پر مخاطب کرتے ہوئے کہا ہے کہ وہ ایسا کہیں اور نہیں، اسی پروگرام میں کرنے کو تیار ہے، وہ بھی براہ راست۔
ایوانیکا ٹرمپ کا کہنا ہے کہ وہ امریکی محکمہ صحت پر بھرپور اعتماد کرتی ہے، اور تمام امریکیوں کو بھی ایسا ہی کرنا چاہیے۔
واضح رہے کہ امریکہ میں انتخابات نزدیک آنے پر تمام مسائل سیاسی رنگ اختیار کر رہے ہیں۔ یہاں تک کہ کووڈ ویکسین پر بھی سیاسی جماعتیں گندی سیاست کر رہی ہیں۔ ڈیموکریٹ جماعت کے حامی، خصؤصآً امریکی لبرل میڈیا یہ پراپیگنڈا کر رہا ہے کہ امریکی صدر انتخابات میں کامیابی کے لیے نومبر سے قبل ویکسین متعارف کروانے پر زور دے رہے ہیں، تاکہ انہیں سیاسی فائدہ وہ سکے، تاہم اس سے لوگوں کی زندگی خطرے میں پڑ سکتی ہے۔
دوسری طرف ریپبلکن جماعت کے حامیوں کا کہنا ہے کہ ویکسین کو لے کر ڈیموکریٹ جماعت عوام میں خوف پھیلا رہی ہے۔ ویکسین کی تیاری میں صدر کا کوئی ہاتھ نہیں، پر ڈیموکریٹ سیاسی دباؤ پیدا کر کے عوامی صحت کے مسئلے پر سیاست کر رہی ہے۔