پیر, جون 14 Live
Shadow
سرخیاں
ترکی: 20 ٹن سونا اور 5 ٹن چاندی کا نیا ذخیرہ دریافت، ملکی سالانہ پیداوار 42 ٹن کا درجہ پار کر گئی، 5 برسوں میں 100 ٹن تک لے جانے کا ارادہحکومت پنجاب کا ویکسین نہ لگوانے والوں کے موبائل سم کارڈ معطل کرنے کی پالیسی لانے کا فیصلہموساد کے سابق سربراہ کا ایرانی جوہری سائنسدان اور مرکز پر سائبر حملے کا اعترافی اشارہ: ایرانی سائنسدانوں کو منصوبہ چھوڑنے پر معاونت کی پیشکش کر دییورپی اشرافیہ و ابلاغی اداروں کے برعکس شہریوں کی نمایاں تعداد نے روس کو اہم تہذیبی شراکت دار و اتحادی قرار دے دیاروسی بحریہ نے سٹیلتھ ٹیکنالوجی سے لیس جدید ترین بحری جہاز کا مکمل نمونہ تیار کر لیا: مکمل جہاز آئندہ سال فوج کے حوالے کر دیا جائےگاٹویٹر کو نائیجیریا میں دوبارہ بحالی کیلئے مقامی ابلاغی اداروں کی طرح لائسنس لینا ہو گا، اندراج کروانا ہو گا: افریقی ملک کا امریکی سماجی میڈیا کمپنی کو دو ٹوک جواب، صدر ٹرمپ کی جانب سے پابندی پر ستائش کا بیانکاراباخ آزادی جنگ: جنگی قیدی چھڑوانے کے لیے آرمینی وزیراعظم کی آزربائیجان کو بیٹے کی حوالگی کی پیشکشمجھ پر حملے سائنس پر حملے ہیں: متنازعہ امریکی مشیر صحت ڈاکٹر فاؤچی کا اپنے دفاع میں نیا متنازعہ بیان، وباء سے شدید متاثر امریکیوں کے غصے میں مزید اضافہچین 3 سال کے بچوں کو بھی کووڈ-19 ویکسین لگانے والا دنیا کا پہلا ملک بن گیاایرانی رویہ جوہری معاہدے کی بحالی میں تعطل کا باعث بن سکتا ہے: امریکی وزیر خارجہ بلنکن

ترک حکومت نے فیس بک کو صارفین کی معلومات تک رسائی دینے پر وٹس ایپ پر پابندی لگا دی: متبادل ایپ “بِپ”کیلئے مہم تیز

ترک صدر رجب طیب ایردوعان کے ابلاغی دفتر نے سرکاری کاموں کے لیے اہلکاروں پر وٹس ایپ کے استعمال پر پابندی عائد کر دی ہے اور ملک بھر میں مقامی ایپلیکیشن کے استعمال کی مہم کا آغاز کیا ہے۔ نئی پالیسی کے تحت ترک حکومت اب ابلاغیات کے لیے مقامی سطح پر تیار کردہ ایپلیکیشن “بپ” کا استعمال کرے گی۔

ترک حکومت کا فیصلہ وٹس ایپ کے فیس بک کو صارفین کی معلومات تک رسائی دینے کی پالیسی کے بعد سامنے آیا ہے، جس سے فرار کی کوئی سہولت صارفین کو نہیں دی گئی ہے، اور اگر کوئی صارف معلومات تک رسائی سے انکار کرتا ہے تو اسکا کھاتہ بند کر دیا جائے گا، پالیسی پر فروری 2021 سے عمل شروع ہو گا۔

واضح رہے کہ بپ کو ترک موبائل نیٹ ورک کمپنی ترک سیل نے بنایا ہے۔ ترکی کے ڈیجیٹل دفتر کے سربراہ علی طحٰہ کوچ نے حکومتی پالیسی کا اعلان کرتے ہوئے کہا ہے کہ ایسی تمام غیر ملکی ایپلیکیشنوں پر پابندی لگائی جائے گی جن کے ذریعے ترک شہریوں کی معلومات کے چوری ہونے کا خطرہ ہو گا۔ انہوں نے شہریوں سے بھی مقامی سطح پر تیار کردہ ایپلیکیشنوں کو استعمال کرنے پر ابھارا اور کہا کہ صدر ایردوعان کی ہدایات کے مطابق سب کو مل کر ڈیجیٹل کمپنیوں کی فاشزم کے خلاف لڑنا ہو گا۔

صدر ایردوعان کے بپ کی حمایت کے بعد 24 گھنٹوں میں 10 لاکھ افراد نے بپ کو موبائل میں انسٹال کیا ہے، جبکہ 2013 سے اب تک ایپلیکیشن کے 5 کروڑ 30 لاکھ سے زائد صارف ہیں۔ دوسری طرف ایپلیکیشن کے حق میں ترکی کی معروف شخصیات بھی مہم چلا رہی ہیں۔

یاد رہے کہ امریکی ڈیجیٹل کمپنیوں کی جانب سے صارفین کی نجی معلومات کے غلط استعمال اور اسے صارفین کی اجازت کے بغیر کاروبار میں استعمال کرنے کے باعث صدر ایردوعان انہیں دنیا کے لیے خطرہ قرار دے چکے ہیں، نومبر میں ایک عوامی خطاب سے صدر ایردوعان کا کہنا تھا کہ کمپنیوں کا رویہ فاشسٹ ہے، اسے مزید برداشت نہیں کیا جائے گا۔

دوست و احباب کو تجویز کریں

تبصرہ کریں

Contact Us