یورپی یونین کی پولیس نے تمام یورپی ممالک میں تنبیہ جاری کی ہے کہ کچھ مجرم گینگ ہوائی اڈوں پر :کووڈ-19 کے جعلی سرٹیفکیٹ بیچ رہے ہیں۔ اطلاعات کے مطابق جعلی سرٹیفکیٹ 3 سو سے 400 ڈالر میں بیچے جا رہے ہیں۔
پولیس کا کہنا ہے کہ بروز پیر فرانسیسی اور برطانوی ہوائی اڈوں پر متعدد افراد کو جعلی سرٹیفکیٹ بیچتے پکڑا گیا اور معاملے کی تحقیقات شروع کر دی گئی ہیں۔ جعلساز نقلی سرٹیفکیٹ کا دھندہ ہسپانیہ اور نیدرلینڈ سے بذریعہ ایس ایم ایس چلا رہے تھے۔
یورپی پولیس کا کہنا ہے کہ بین الاقوامی سفر کے لیے کووڈ-19 منفی کا سرٹیفکیٹ تقریباً پوری دنیا میں لازم ہے، اس لیے مسافروں کو جعلسازوں سے محتاط رہنا چاہیے اور صرف مصدقہ اداروں سے خود سرٹیفکٹ حاصل کرنا چاہیے۔
پولیس نے فرانس سے گرفتار ملزم چارلس ڈی گاؤلے سے تحقیقات شروع کر دی ہیں اور اسکے پورے گروہ تک پہنچنے کی کوشش کی جا رہی ہے۔ اب تک گروہ کے ارکان کی برطانیہ، نیدرلینڈ اور ہسپانیہ میں گرفتاریاں عمل میں آئی ہیں۔ واضح رہے کہ گروہ مصدقہ لیبارٹریوں کے جعلی سرٹیفکیٹ بنا کر یورپی ہوائی اڈوں پر 300 سے 400 ڈالروں میں بیچ رہا ہے۔