ہفتہ, April 9 Live
Shadow
سرخیاں
افغانستان میں امریکی فوج کی جانب سے تشدد کی تربیت کے لیے بلوچی قیدی کو استعمال کرنے کا انکشافہندوستانی میزائل کا مبینہ غلطی سے پاکستانی حدود میں گرنے کا واقعہ: امریکہ کی طرف سے متعصب جبکہ چین کی جانب سے نصیحت آمیز ردعملمیٹا آسٹریلوی سیاستدانوں کو سائبر حملوں اور جھوٹی خبروں سے بچنے کی تربیت دے گییوکرین: مغربی ممالک سے آئے 180 سے زائد جنگجو ہوائی حملے میں ہلاک، روس کی مغربی ممالک کو تنبیہ، سب نشانے پر ہیں، چُن چُن کر ماریں گےاسرائیل پر تاریخ کا بڑا سائبر حملہ: وزیراعظم، وزارت داخلہ اور وزارت صیہونی بہبود کی ویب سائٹیں ہیک اور تلفروس اور یوکرین کے مابین جلد امن معاہدہ طے پا جائے گا: روسی مذاکرات کاریوکرینی مہاجرین کی تعداد 50 لاکھ سے بڑھ گئی: اقوام متحدہفیس بک اور انسٹاگرام کی شدید متعصب پالیسی کا اعلان: روسی صدر اور فوج کیخلاف نفرت اور موت کے پیغامات شائع کرنے کی اجازت، نتیجتاً مغربی ممالک میں آرتھوڈاکس کلیساؤں اور روسی کاروباروں پر حملوں کی خبریںترکی کا بھی روس کے ساتھ مقامی پیسے میں تجارت کرنے کا اعلانمغرب کے دوہرے معیار: دنیا پر روس سے تجارت پر پابندیاں، برطانیہ سمیت بیشتر مغربی ممالک روس سے گیس و تیل کی خریداری جاری رکھیں گے

وٹس ایپ 15 مئی تک ڈیٹا کی فیس بک کو رسائی کی اجازت نہ دینے پر صارفین کے پیغامات روک دے گا: پالیسی عیاں

وٹس ایپ نے گفتگو تک رسائی اور اسے کاروباری مقاصد کے لیے استعمال کرنے کی اجازت نہ دینے والے صارفین کو خدمات بند کرنے کی پالیسی واضح کر دی ہے۔ مقررہ تاریخ تک معلومات تک رسائی نہ دینے والے صارفین نہ تو انہیں موصول ہونے والے پیغامات پڑھ سکیں گے اور نہ ہی کسی کو پیغام بھیج سکیں گے۔

واضح رہے کہ وٹس ایپ نے صارفین کی مکمل گفتگو تک فیس بک کو رسائی دینے کا مطالبہ کر رکھا ہے، جس کے باعث دنیا بھر میں متبادل ایپلیکیشنوں پر منتقل ہونے کا رحجان مزید تیز ہو گیا ہے۔ صارفین ٹیلی گرام، بِپ اور دیگر ابلاغی ایپلیکیشنوں کا رخ کر رہے ہیں۔

ابلاغی ٹیکنالوجی کی نشریاتی ویب سائٹ نے وٹس ایپ کی ایک ای میل کے حوالے سے دعویٰ کیا ہے کہ پہلے مرحلے میں تو صرف محل وقوع، نمبر اور نام وغیرہ کی معلومات تک رسائی لی جائے گی، تاہم فیس بک، وٹس ایپ کی مالک کمپنی مکمل گفتگو کو استعمال میں لے آئے گی۔

ویب سائٹ نے دعویٰ کیا ہے کہ کمپنی نے اپنے لیے 15 مئی کا ہدف مقرر کیا ہے، صارفین کو خدمات کے تسلسل کے لیے پابند کیا جائے گا کہ وہ معلومات کی رسائی کی اجازت دیں۔ شرائط قبول نہ کرنے پر وٹس ایپ پیغامات کی اطلاع ت دے گا لیکن صارف پیغامات دیکھ نہیں سکے گا۔

یاد رہے کہ وٹس ایپ نے پہلے 8 فروری کی تاریخ مقرر کی تھی لیکن صارفین کی شدید تنقید کے باعث اسکی حد میں اضافہ کر دیا تھا۔ کمپنی نے اپنی وضاحت میں کہا تھا کہ وہ صارفین کی نجی معلومات کے تحفظ کو یقینی بنائیں گے، تاہم کاروباری مقاصد کے لیے معلومات کی فراہمی صارف کی اپنی مرضی پر منحصر ہو گی۔

وٹس ایپ کی جارحانہ پالیسی کے خلاف جہاں دنیا بھر میں صارفین نالاں ہیں وہیں ہندوستان، جو کہ وٹس ایپ کی سب سے بڑی مارکیٹ ہے، میں ایک وکیل نے دہلی کی عدالت میں صارفین کے نجی حقوق کی خلاف ورزی اور ملکی تحفظ کو خطرے کو لے کر درخواست دائر کر دی ہے۔ عدالت نے درخواست قبول کرتے ہوئے کمپنی کو فوری جواب جمع کروانے کا حکم دیا ہے۔

دوست و احباب کو تجویز کریں

تبصرہ کریں

Contact Us