ہفتہ, April 9 Live
Shadow
سرخیاں
افغانستان میں امریکی فوج کی جانب سے تشدد کی تربیت کے لیے بلوچی قیدی کو استعمال کرنے کا انکشافہندوستانی میزائل کا مبینہ غلطی سے پاکستانی حدود میں گرنے کا واقعہ: امریکہ کی طرف سے متعصب جبکہ چین کی جانب سے نصیحت آمیز ردعملمیٹا آسٹریلوی سیاستدانوں کو سائبر حملوں اور جھوٹی خبروں سے بچنے کی تربیت دے گییوکرین: مغربی ممالک سے آئے 180 سے زائد جنگجو ہوائی حملے میں ہلاک، روس کی مغربی ممالک کو تنبیہ، سب نشانے پر ہیں، چُن چُن کر ماریں گےاسرائیل پر تاریخ کا بڑا سائبر حملہ: وزیراعظم، وزارت داخلہ اور وزارت صیہونی بہبود کی ویب سائٹیں ہیک اور تلفروس اور یوکرین کے مابین جلد امن معاہدہ طے پا جائے گا: روسی مذاکرات کاریوکرینی مہاجرین کی تعداد 50 لاکھ سے بڑھ گئی: اقوام متحدہفیس بک اور انسٹاگرام کی شدید متعصب پالیسی کا اعلان: روسی صدر اور فوج کیخلاف نفرت اور موت کے پیغامات شائع کرنے کی اجازت، نتیجتاً مغربی ممالک میں آرتھوڈاکس کلیساؤں اور روسی کاروباروں پر حملوں کی خبریںترکی کا بھی روس کے ساتھ مقامی پیسے میں تجارت کرنے کا اعلانمغرب کے دوہرے معیار: دنیا پر روس سے تجارت پر پابندیاں، برطانیہ سمیت بیشتر مغربی ممالک روس سے گیس و تیل کی خریداری جاری رکھیں گے

بل گیٹس اور ایلن مسک بٹ کوئن کو لے کر متضاد رائے کے مالک: مَسک دنیا میں بٹ کوئن کی دیوانگی پیدا کرنے میں مصروف، بل گیٹس نے دور رہنے کی تلقین کر دی

مالی طور پر دنیا کے دو امیر ترین افراد ایلن مسک اور بل گیٹس میں کرپٹو کرنسی کو لے کر ٹھن گئی ہے۔ ایک طرف ایلن مسک کرپٹو کرنسی میں سرمایہ کاری کی راہ ہموار کر رہے ہیں تو دوسری طرف بل گیٹس لوگوں کو اس سے محتاط رہنے کہ تنبیہ کر رہے ہیں۔

رواں ہفتے، مالی طور پر دنیا کے تیسرے امیر ترین شخص بل گیٹس نے مختلف میڈیا خصوصاً ویب ریڈیو سے گفتگو میں کرپٹو کرنسی سے متعلق تحفظات کا اظہار کیا ہے، بل گیٹس کا کہنا تھا کہ جس کسی کے پاس امیر زادوں سے کم رقم ہے انہیں کرپٹو کرنسی کا خطرہ مول نہیں لینا چاہیے۔ اس کے علاوہ ایک ریڈیو ایپ سے گفتگو میں بل گیٹس نے خصوصاً بٹ کوئن کے حوالے سے بات کرتے ہوئے کہا کہ بٹ کوئن دیگر کرپٹو کرنسیوں کی نسبت زیادہ توانائی خرچ کرتا ہے، یہ ماحولیاتی طور پر مستقبل قریب میں نئے مسائل کا موجب بن سکتا ہے۔

بٹ کوئن کی غیرمستحکم قدر کے حوالے سے گفتگو میں بل گیٹس کا کہنا تھا کہ اس چیز کا ٹیسلا کے مالک مسک پر شاید کوئی اثر نہ ہو، لیکن عمومی طور پر لوگ اس سے ضرور متاثر ہوں گے۔ مائیکروسافٹ کے بانی کا مزید کہنا تھا کہ میرے خیال میں عمومی طور پر وہ لوگ ایسی غیرمستحکم چیزوں میں سرمایہ کاری کرتے ہیں جن کے پاس ضروریات سے بڑھ کر پیسہ نہ ہو، جبکہ ہونا اس کے برعکس چاہیے، اگر آپ کے پاس مسک سے کم پیسہ ہے تو آپ کو ایسے کاموں سے صرف دور سے لطف اندوز ہونا چاہیے۔

واضح رہے کہ رواں ہفتے بٹ کوئن کی قدر میں حد درجے کی گراوٹ ہوئی ہے،اور یہ 58 ہزار ڈالر سے 47 ہزار پر آگیا ہے۔

یاد رہے کہ بٹ کوئن کی قدر میں حد درجے کا اٖضافہ بھی کچھ دن قبل ہی ہوا تھا، جب ایلن مسک نے بٹ کوئن میں ڈیڑھ ارب ڈالر کی بڑی سرمایہ کی اور مستقبل میں اس کے ایک متبادل اور مقبول کرنسی ہونے کی پیشن گوئی کی امید کا اظہار کیا تھا۔

دوست و احباب کو تجویز کریں

تبصرہ کریں

Contact Us