اتوار, اکتوبر 17 Live
Shadow
سرخیاں
آؤکس بین الاقوامی سیاست میں کشیدگی و عدم استحکام بڑھانے اور اسلحے کی نئی دوڑ کا باعث ہو گا: چین اور مشرقی ممالک کے خلاف مغرب کے نئے عسکری اتحاد پر روسی ردعملایف بی آئی نے خفیہ کارروائی میں جوہری آبدوز ٹیکنالوجی بیچتے دو فوجی انجینئر گرفتار کر لیےامریکہ مصنوعی ذہانت، سائبر سکیورٹی اور دیگر جدید ٹیکنالوجیوں میں چین سے 15/20 سال پیچھے ہے: پینٹاگون سافٹ ویئر شعبے کے حال ہی میں مستعفی ہونے والے سربراہ کا تہلکہ خیز انٹرویوروسی محققین کووڈ-19 کے خلاف دوا دریافت کرنے میں کامیاب: انسانوں پر تجربات شروعسابق افغان وزیردفاع کے بیٹے کی امریکہ میں 2 کروڑ ڈالر کے بنگلے کی خریداری: ذرائع ابلاغ پر خوب تنقیدہمارے پاس ثبوت ہیں کہ فرانسیسی فوج ہمارے ملک میں دہشت گردوں کو تربیت دے رہی ہے: مالی کے وزیراعظم مائیگا کا رشیا ٹوڈے کو انٹرویوعالمی قرضہ 300کھرب ڈالر کی حدود پار کر کے دنیا کی مجموعی پیداوار سے بھی 3 گناء زائد ہو گیا: معروف معاشی تحقیقی ادارے کی رپورٹ میں تنبیہامریکہ میں رواں برس کورونا وائرس سے مرنے والوں کی تعداد 2020 سے بھی بڑھ گئی: لبرل امریکی میڈیا کی خاموشی پر شہری نالاں، ریپبلک کا متعصب میڈیا مہم پر سوالکورونا ویکسین بیچنے والی امریکی کمپنی کے بانیوں اور سرمایہ کار کا نام امریکہ کے 225 ارب پتیوں کی فہرست میں شامل: سماجی حلقوں کی جانب سے کڑی تنقیدامریکی جاسوس ادارے سی آئی اے کو دنیا بھر میں ایجنٹوں کی شدید کمی کا سامنا، ایجنٹ مارے جانے، پکڑے جانے، ڈبل ایجنٹ بننے، لاپتہ ہونے کے باعث مسائل درپیش، اسٹیشنوں کو بھرتیاں تیز کرنے کا بھی حکم: نیو یارک ٹائمز

چینی ماہرین کی حکومت کو تنبیہ: 3 یا زیادہ بچوں کی پالیسی اپنائی جائے اور خواتین کو رغبت بھی دی جائے، ورنہ 2050 تک ملک معاشی میدان میں امریکہ کا مقابلہ نہیں کر سکے گا

چین کے سرکاری بینک نے حکومت کو جامع تحقیق کے بعد تجویز دی ہے کہ آئندہ دہائی میں امریکہ سے معاشی میدان میں مقابلے کے لیے بچوں کی تعداد کی پالیسی ختم کرنا ہو گی تاکہ ملک کو درکار افرادی قوت دستیاب رہ سکے۔

رپورٹ میں کہا گیا ہے کہ حکومت کو اس حقیقت سے نظر نہیں چرانی چاہیے کہ ملک میں بچوں کی پیدائش کا تناسب گراوٹ کا شکار ہے، اور بوڑھے افراد کی تعداد میں تیزی سے اضافہ ہو رہا ہے، ایسے میں حکومت کو صرف 2 بچوں کی پیدائش کی اجازت کی پالیسی ختم کرنا ہو گی تاکہ مستقبل میں ملکی ضرورت کے تحت افرادی قوت دستیاب رہ سکے، رپورٹ میں خصوصی طور پر امریکی پالیسی کا ذکر کرتے ہوئے کہا گیا ہے کہ امریکہ ملک میں معیاری ہجرت کے لیے نت نئی پالیسیساں لا رہا ہے، حتیٰ کہ غیر قانونی طور پر ملک میں داخل ہونے والے بچوں کو بھی قبول کیا جا رہا، ایسے میں چین کو بھی اپنے حالیہ سب سے بڑے حریف سے مقابلے کے لیے خود کو تیار رکھنا ہو گا۔

اقوام متحدہ کے اعدادوشمار کے مطابق آئندہ تین دہائیوں میں چین کی آبادی میں 3 کروڑ 20 لاکھ افراد کی کمی کا امکان ہے، جبکہ امریکہ کی آبادی میں کم ازکم 5 کروڑ کا اضافہ متوقع ہے۔ یعنی چین کی افرادی قوت میں کمی کا امکان ہے جس کا براہ راست اثر اسکی معیشت پر بھی پڑے گا۔ ماہرین خصوصی طور پر امریکہ کی دنیا بھر سے اعلیٰ تعلیم یافتہ و ماہر افرادی قوت کو اپنی جانب مائل کرنے کی پالیسیوں کو چینی اعلیٰ حکام کے لیے بڑے مسئلے کے طور پر دیکھ رہے ہیں۔

واضح رہے کہ چین کی حالیہ ترقی میں اسکی آبادی کا بڑا کردار ہے، جہاں امریکہ کے 65٪ کی نسبت اسکی آبادی کا 71٪ سستی مزدوری مہیا کرنے کا باعث ہے۔

اعدادوشمار کے مطابق موجودہ پالیسیوں کے تحت 2030 تک چین کی آبادی 1 ارب 46 کروڑ ہو گی، لیکن اگلے بیس برسوں میں اس میں 6 کروڑ کی کمی واقع ہو جائے گی۔ جبکہ بوڑھوں کی آبادی میں اضافہ معیشت پر بوجھ کو مزید بڑھائے گا۔

رپورٹ میں آبادی کے لحاظ سے ہندوستان کو چین کا سب سے بڑا مدمقابل بیان کیا گیا ہے، چینی ماہرین کا کہنا ہے کہ اگر چین نے فوری پالیسی نہ بدلی تو 2027 تک ہی ہندوستان دنیا میں سب سے زیادہ کام کرنے والے ہاتھوں والا ملک بن جائے گا۔ لہٰذا حکومت کو فوری طور پر حالات کے پیش نظر اپنی پالیسیوں کو بدلنا چاہیے اور کم ازکم تین یا اس سے زیادہ بچوں کی پالیسی کو اپنانا چاہیے۔

چینی ماہرین نے حکومت کو تجویز دی ہے کہ حکومت کو خواتین کو زیادہ سے زیادہ بچے پیدا کرنے کی رغبت دینی چاہیے، اور معاشرے کو بھی اس حوالے سے ابھارنا چاہیے۔

یاد رہے کہ رواں سال کے آغاز میں وزارت برائے عوامی سلامتی نے حکومت کو رپورٹ میں کہا ہے کہ 2020 میں کووڈ-19 کے باعث ملک میں بچوں کی پیدائش میں حد درجہ 15٪ کی کمی ہوئی ہے، حکومت کو فوری طور پر اس حوالے سے اقدامات کرنے کی ضروری ہے/

واضح رہے کہ چین نے کئی دہائیوں تک ایک خاندان کے لیے ایک بچے کی پالیسی بنا رکھی تھی، جس پر سختی سے عمل کیا جاتا تھا لیکن ماہرین شماریات کی تجویز پر 2013 میں پالیسی کو بدلتے ہوئے 2 بچوں کی اجازت دی گئی تھی۔

دوست و احباب کو تجویز کریں

تبصرہ کریں

Contact Us