روسی صدر ولادیمیر پوتن نے روسی ارکان پارلیمنٹ سے سالانہ خطاب کیا ہے۔ رواں برس خطاب کو عالمی کشیدگی کے باعث کافی اہمیت حاصل تھی اور اکثر ممالک میں اسکا انتظار کیا جا رہا تھا۔
سالانہ خطاب میں روسی صدر ملک کی سالانہ کارکردگی کے حوالے سے قانون دانوں کو آگاہ کرتے ہیں اور آئندہ سال کے لیے پالیسی کا اعلان کیا جاتا ہے۔ تقریب میں دونوں ایوانوں کے ارکان کے ساتھ ساتھ صوبوں کے گورنر، سرکاری عملہ اور دیگر اعلیٰ عہدے دار بھی شریک ہوتے ہیں۔
رواں برس سالانہ خطاب کی تقریب میں شرکت کے خواہشمند ارکان اور عملے کیلئے کورونا کے تین ٹیسٹ جمع کروانا لازم قرار دیا گیا تھا۔
رواں برس خطاب میں صدر پوتن نے اندرونی مسائل پر زیادہ توجہ دی، نئے سماجی ترقی کے منصوبے اور تعمیراتی ڈھانچے کو مزید وسعت دینے کی پالیسی کا اعلان کیا۔