لندن میں کورونا تالہ بندی اور دیگر پابندیوں کے خلاف مظاہرے شدت اختیار کرتے جا رہے ہیں۔ ایک حالیہ مظاہرے میں لندن کے شہریوں نے کورونا سرٹیفکیٹ کا موازنہ نازی جرمنی میں یہودیوں کے لیے مخصوص علامت ستارہ داؤدی سے کیا ہے اور حکومت سے ایسے کسی بھی اقدام سے باز رکھنے کا مطالبہ کیا ہے۔
سماجی میڈیا پر شائع تصاویر میں دیکھا جا سکتا ہے کہ برطانوی دارالحکومت میں شہری کووڈ-19 کے حوالے سے عائد پابندیوں کے خلاف مظاہرے کر رہے ہیں۔ لیکن ان میں سب سے زیادہ توجہ ان شہریوں نے اپنی جانب مبذول کی جنہوں نے جرمنی میں ہولوکاسٹ کی اہم علامت ستارہ داؤدی کا موازنہ کووڈ-19 سرٹیفکیٹ سے کیا۔
مظاہرے میں شریک ایک شہری نے ٹیکے ستارے پر کورونا ٹیکہ لکھ رکھا تھا۔ مظاہرے ماسک پہنے ایک خاتون کو شہریوں نے “نازی” کا لقب دیا۔
ایک ٹویٹر صارف کا کہنا تھا کہ “تالہ بندی اور ہولوکاسٹ کے دوران یہودیوں کے ساتھ پیش آنے والے واقعات” برابر ہیں۔ لیکن ایک نے کہا کہ نشان حقارت آمیز ہیں۔
آشوٹز میموریل کے رسمی ٹویٹرصفحے نے صورتحال پر تبصرہ کرتے ہوئے لکھا کہ ویکسین کے مخالفین کا نازی سے مماثلت پیدا کرنا غیر اخلاقی اور فکری زوال کی غمناک علامت ہے۔
یاد رہے کہ فلسطین پر قابض صیہونی انتظامیہ بھی حفاظتی ٹیکے لگوانے والے افراد کو “سبز نشان” دے رہی ہے جو شہری کاروباری مراکز میں داخلے کے وقت دکھاتے ہیں۔