ہندوستان کی شمال مشرقی ریاست آسام میں 6 ریکٹر شدت کا زلزلہ آیا ہے۔ زلزلے کا مرکز دیکھیاجولی نامی گاؤں میں 29 کلومیٹر گہرائی میں تھا۔ زلزلے کے بعد بھی جھٹکوں کا سلسلہ جاری ہے، اور 4 کی شدت تک جھٹکے درج کیے جا رہے ہیں۔ سماجی میڈیا پر مقامی افراد کی جانب سے شائع پیغامات کے مطابق زلزلہ تقریباً 30 سیکنڈ تک جاری رہا، جس میں مختلف عمارتوں کو جزوی نقصان ہوا ہے۔ تاہم درست اعدادوشمار ابھی سامنے نہیں آئے۔
مختلف ذرائع کے مطابق 400 کلومیٹر دور بنگلہ دیش تک زلزلے کے جھٹکے محسوس کیے گئے۔
واضح رہے کہ گزشتہ کچھ ہفتوں سے آسام میں مسلسل 2 سے لے کر 4 ریکٹر شدت تک کے زلزلے کے جھٹکے محسوس کیے جا رہے ہیں۔