فرانس میں شہری آزادیوں پر قدغنیں لگانے پر نالاں افراد کی جانب سے پولیس اہلکاروں اور ادارے کی املاک پر حملوں میں اضافہ ہورہا ہے۔ پیرس کے جنوبی علاقے رنگس میں پولیس گیراج پر حملے میں متعدد کاروں کو نقصان پہنچایا گیا ہے، حملہ آوروں نے گاڑیوں کے شیشے توڑ کر انہیں الٹا دیا اور ایک پر سور کا سر لٹکا کر فرار ہو گئے۔
حملہ آوروں نے گاڑیوں پر قوانین اور پولیس کے خلاف نعرے بھی لکھے ہیں۔ پولیس کا کہنا ہے کہ انہوں نے معاملے کی تحقیقات شروع کر دی ہیں۔
یاد رہے کہ فرانس کے دارالحکومت اور اس کے آس پاس کے علاقوں میں حالیہ مہینوں میں پولیس پر متعدد حملے کیے گئے ہیں۔ 2020 میں فرانس کی دوسری کورونا تالہ بندی کے دوران ایک پولیس چوکی پر بھی حملہ درج کیا گیا ہے۔ جس میں مشتعل افراد نے پولیس اہلکاروں کے خلاف آتشی اسلحہ تک استعمال کیا۔ ایک دوسرے واقعے میں طلباء نے مظاہرے کے دوران پولیس کی گاڑی کو مکمل تباہ کر دیا۔
پچھلے ہفتہ میں فرانسیسی پارلیمان نے پولیس کو مزید اختیارات دینے کا فیصلہ کیا ہے۔