پیر, جون 14 Live
Shadow
سرخیاں
ترکی: 20 ٹن سونا اور 5 ٹن چاندی کا نیا ذخیرہ دریافت، ملکی سالانہ پیداوار 42 ٹن کا درجہ پار کر گئی، 5 برسوں میں 100 ٹن تک لے جانے کا ارادہحکومت پنجاب کا ویکسین نہ لگوانے والوں کے موبائل سم کارڈ معطل کرنے کی پالیسی لانے کا فیصلہموساد کے سابق سربراہ کا ایرانی جوہری سائنسدان اور مرکز پر سائبر حملے کا اعترافی اشارہ: ایرانی سائنسدانوں کو منصوبہ چھوڑنے پر معاونت کی پیشکش کر دییورپی اشرافیہ و ابلاغی اداروں کے برعکس شہریوں کی نمایاں تعداد نے روس کو اہم تہذیبی شراکت دار و اتحادی قرار دے دیاروسی بحریہ نے سٹیلتھ ٹیکنالوجی سے لیس جدید ترین بحری جہاز کا مکمل نمونہ تیار کر لیا: مکمل جہاز آئندہ سال فوج کے حوالے کر دیا جائےگاٹویٹر کو نائیجیریا میں دوبارہ بحالی کیلئے مقامی ابلاغی اداروں کی طرح لائسنس لینا ہو گا، اندراج کروانا ہو گا: افریقی ملک کا امریکی سماجی میڈیا کمپنی کو دو ٹوک جواب، صدر ٹرمپ کی جانب سے پابندی پر ستائش کا بیانکاراباخ آزادی جنگ: جنگی قیدی چھڑوانے کے لیے آرمینی وزیراعظم کی آزربائیجان کو بیٹے کی حوالگی کی پیشکشمجھ پر حملے سائنس پر حملے ہیں: متنازعہ امریکی مشیر صحت ڈاکٹر فاؤچی کا اپنے دفاع میں نیا متنازعہ بیان، وباء سے شدید متاثر امریکیوں کے غصے میں مزید اضافہچین 3 سال کے بچوں کو بھی کووڈ-19 ویکسین لگانے والا دنیا کا پہلا ملک بن گیاایرانی رویہ جوہری معاہدے کی بحالی میں تعطل کا باعث بن سکتا ہے: امریکی وزیر خارجہ بلنکن

روس کی امریکی ڈالر پر انحصار ختم کرنے کی پالیسی جاری: آئندہ 1 ماہ میں قومی دولت سے 40 ارب ڈالر نکال کر سونا خریدنے کا اعلان

روس نے امریکی ڈالرکو ایک اور بڑی ضرب لگانے کی تیاری مکمل کر لی ہے، وزیر خزانہ انتون سلانوف نے قومی دولت فنڈ میں ملکی سلامتی کے لیے مختص 40 ارب ڈالر کا خطیر حصہ ڈالر سے سونے میں منتقل کرنے کے فیصلے کا اعلان کیا ہے۔

انتون سلانوف نے کہا کہ قومی دولت فنڈ آئندہ ماہ ڈالر کی صورت میں محفوظ تمام خزانے کو صفر کر دے گا۔ سینٹ پیٹرزبرگ بین الاقوامی اقتصادی فورم  پر اظہار خیال کرتے ہوئے انہوں نے کہا کہ یہ عمل انتہائی تیزی سے مکمل کیا جائے گا، اور امریکی سکے میں محفوظ تمام رقم سونے میں منتقل کر دی جائے گی۔

منصوبے کے تحت فنڈ میں ڈالر کا تناسب 35 فیصد سے کم ہو کر صفر ہو جائے گا، جبکہ یورو اور چینی یوآن میں رکھے ہوئے اثاثوں میں بالترتیب 40 فیصد اور 30 ​​فیصد تک کا اضافہ ہوگا۔ برطانوی پاؤنڈ کا حصہ 10 فیصد سے کم ہو کر5 فیصد تک رہ جائے گا۔ سرمایہ کاری پہلی بار سونے میں کی جائے گی، جس سے 20 فیصد اثاثے قیمتی دھات کی صورت میں بدل جائیں گے۔

روسی ترجمان دیمتری پیسکوف نے فیصلے پر بات کرتے ہوئے کہا ہے کہ ڈالر کو قومی دولت سے ہٹانے کا فیصلہ مستقل ہے، اور یہ اب ایک کھلی پالیسی ہے۔ انہوں نے مزید کہا کہ ڈالر کی صورت میں قومی خزانہ رکھنے کی پالیسی دنیا بھر میں بدل رہی ہے۔

اپریل میں امریکہ کے نائب وزیر خارجہ الیگزنڈر پینکن نے صحافیوں کو بتایا کہ امریکہ اور دیگر ممالک کے مابین سیاسی تناؤ بیرون ملک امریکی سکے پر اعتماد کو مجروح کررہا ہے۔ انہوں نے کہا کہ پابندیاں عائد کرنا اور غیر متوقع معاشی پالیسیوں سے سود کی ادائیگی کے لیے ڈالر کو ترجیحی کرنسی کی شرائط اور سہولت پر امریکہ کو سوال اٹھانا چاہیے۔

امریکی وزیر نے مزید کہا کہ کچھ ممالک مختلف ممالک کو معاشی نقصانات اور لین دین میں خلل ڈالنے کے خطرے کے پیش نظر ڈالر پر انحصار کو ختم یا کم کرنے پر مجبور کر رہے ہیں، لہذا ایک متبادل مالیاتی نظام تیار کرنے کی بحث زور پکڑ رہی ہے۔ انکا کہنا تھا کہ تجارت میں ڈالر کے علاوہ دوسرے سکوں کا استعمال بین الاقوامی ایجنڈے میں روز بروز اہمیت اختیار کررہا ہے۔

واضح رہے کہ روس، امریکی ڈالر کے استعمال سے تجارت اور لین دین کے لیے بنیادی عالمی سکے کی اہمیت کو ختم کرنے میں پیش پیش ہے۔ پچھلے جون میں روس کی خارجہ خفیہ سروس، ایس وی آر کے سربراہ، سیرگی ناریشکن نے کہا کہ یہ مزید ناقابل قبول ہے کہ امریکہ عالمی مالیاتی نظام میں انتہائی جارحانہ اور غیر متوقع رویے کو جاری رکھے، انہوں نے مزید کہا کہ بین الاقوامی معاشی معاملات میں ڈالر کی اجارہ داری کی حیثیت غیر منقولہ ہوگئی ہے اور آہستہ آہستہ ڈالر زہریلا ہوتا جارہا ہے۔

دوست و احباب کو تجویز کریں

تبصرہ کریں

Contact Us