اسلحے کی جنگ میں کامیابی حاصل نہ کر سکنے کے بعد مغرب نے روسی تہذیب کے خلاف ہائبرڈ جنگ شروع کر رکھی ہے: روسی وزارت دفاع کے مشیر اعلیٰ کی قوم کو تنبیہ
روسی وزارت دفاع کے مشیر آندرے النتسکی نے حکومت اور عوام کو تنبیہ کی ہے کہ جوہری قوت اور مظبوط فوج کے باعث دشمن ممالک روس کو نشانہ بنانے سے قاصر ہیں لہٰذا انہوں نے روسی تہذیب کے خلاف جدید جنگ شروع کر دی ہے۔
میڈیا سے گفتگو میں مشیر کا کہنا تھا کہ مغرب روس کی عسکری قوت اور تاریخ سے بخوبی واقف ہے، لہٰذا ہمیں آئندہ ایک دہائی تک بھی کسی براہ راست حملے کا خطرہ نہیں، البتہ دشمن نے اب حملے کا پینتڑا بدلا ہے، اور اب ہمارے عام شہریوں کی سوچ کو نشانہ بنایا جا رہا ہے، سائبر حملے کیے جا رہے ہیں اور ڈیجیٹل صنعت کو نقصان پہنچایا جا رہا ہے۔
اعلیٰ روسی عہدےدار نے عوام کو مخاطب کرتے ہوئے کہا کہ دشمن اب شہریوں کے سوچنے کے عمل کو کنٹرول کر رہا ہے، ان سے شہری حقوق کی تعلیم چھین کر انتشار کو بطور حل سکھایا جا رہا۔ دشمن نے ہماری تہذیب، دماغوں پر حملہ کر دیا ہے۔
آندرے کا مزید کہنا تھا کہ جنگوں سے متاثر...