نئی دیلی: بی جے پی کے لیڈررگو راج سنگھ نے کہا ہے کہ بھارت میں جو بھی شہریت کےقانون کے خلاف بات کرے گا اسے زندہ گاڑ دیا جائے گا۔ ہم اس بل کےمخالفین کو پٹخ پٹخ کر ماریں گے ۔ جبکہ ایک اوروزیر نے کہا کہ مسلمانوں کا جو حال یوپی میں کیا، وہی بنگال میں بھی کریں گے۔
مغربی بنگال میں بی جے پی کے لیڈر اور رکن اسمبلی دلیپ گھوش نے متنازع شہریت قانون کے خلاف احتجاج کرنےوالوں کو دھمکی دیتے ہوئے کہا ہے کہ جو یوپی میں کیا وہی حال بنگال کے مسلمانوں کا بھی کریں گے۔ انہوں نے یہ بات مغربی بنگال میں ایک بڑی ریلی سے خطاب کرتے ہوئے کہی، دریں اثنا بی جے پی کی اس ریلی کو سرکاری تحفظ دیا گیا، سڑکیں بند کر کے لوگوں کی آمد ورفت روک دی گئی، جس پر لوگوں نے غم وغصے کا اظہار کیا۔
عالمی سطح پر بھارتی غنڈہ گردی کو نظرانداز کیے جانے کے باعث بی جے پی کے لیڈر آپے سے باہر ہونے لگے ہیں۔ بی جے پی کے رہنما کحلے عام اترپردیش میں مسلمانوں پر تشدد کا اعتراف کر رہے ہیں اورمزید تشدد کی دھمکیاں دے رہے ہیں۔ یو پی حکومت کے وزیر روگو راج سنگھ نے جلسے کے دورا ن کھلے عام کہا کہ جو بھی شہریت کے قانون کے خلاف بات کرے گا، اس کو زندہ گاڑ دیا جائے گا۔ انہوں نے یہ بھی کہا وہ مخالفین کو پٹخ پٹخ کر ماریں گے۔