چینی برقی کاروں کی کمپنی ژپینگ نے نئی کار متعارف کر دی ہے۔ جی-9 نامی کار میں جدید ترین بیٹری نصب کی گئی ہے اور یہ کمپنی کی پہلی کار ہے جسے حکومت نے نہ صرف چین میں بلکہ دنیا بھر میں فروخت کی اجازت دے دی گئی ہے۔
کمپنی اس سے پہلے بھی 3 ماڈل متعارف کر چکی ہے جبکہ جی-9 میں جدید ترین خودکار ڈرائیوری کا نظام بھی شامل کیا گیا ہے۔،
کمپنی کے شریک بانی ہینری ژیا نےکار کے سامنے آنے پر میڈی اسے گفتگو میں کہا کہ کار کے ڈیزائن میں مقامی و بین الاقوامی دونوں خریداروں کی خواہش کو مدنظر رکھا گیا ہے۔
مقامی میڈیا کے مطابق کار کی تیاری میں جدید ترین لیزر ٹیکنالوجی، سمیت نئے طریقوں کو استعمال کیا گیا ہے، جو اسکے معیار کو نئی بلندیوں پر پہنچاتی ہے۔
کار بیٹری کو پانچ مٹ تک چارج کر کے 200 کلومیٹر تک چلایا جا سکے گا، جبکہ امریکی کار ٹیسلا 45 منٹ تک چارج ہو کر صرف 30 میل چل سکتی ہے۔ تیز ترین چارج کی سہولت کے ساتھ جی-9 دنیا کی پہلی کار بن گئی ہے۔
ژپینگ 2014 میں قائم ہوئی، کمپنی چینی مارکیٹ میں اچھی شہرت کی حامل ہے اور ماہانہ کم از کم 10 ہزار کاریں صرف چین میں فروخت کرتی ہے، عالمی مارکیٹ میں اسکی کامیابی تاحال دیکھنا باقی ہے۔