جمعرات, October 1 Live
Shadow

آلودگی اور دل کے امراض میں گہرا تعلق ثابت

طبی ماہرین صحت نے مختلف ممالک میں تحقیق کے بعد دعویٰ کیا ہے کہ آلودگی میں معمولی کمی سے بھی دل کے مرض سے متعلق خدشات میں واضح کمی واقع ہوتی ہے۔

ماہرین کا کہنا ہے کہ انہوں نے 21 ممالک سے تعلق رکھنے والے 35 سے 70 برس کی عمر کے 1 لاکھ 57 ہزار شرکاء پر تحقیق سے نتیجہ اخذ کیا ہے کہ آلودگی میں دس مائیکرو گرام فی مربع میٹر کا اضافہ بھی دل کے تکلیف کے واقعات میں 5 فیصد تک اضافہ کرتا ہے۔

محققین کے مطابق پی ایم دو اعشاریہ پانچ آلودگی دو اعشاریہ پانچ مائیکرون حجم کے ذرات کے باعث پیدا ہوتی ہے ۔ ان ذرات کا حجم اتنا معمولی ہوتا ہے کہ یہ با آسانی سانس کے ذریعے پھیپھڑوں میں داخل ہوجاتے ہیں، جہاں مستقل سوزش کا باعث بن کر یہ دل کو بھی شدید متاثر کرتے ہیں۔

یہی وجہ ہے کہ طبی ماہرین آلودگی کو خاموش قاتل بھی قرار دے رہے ہیں، اور عوامی سطح پر آگاہی اور اقدامات کے لیے تجاویز پیش کرتے ہیں۔

دوست و احباب کو تجویز کریں

تبصرہ کریں