روس نے ملک کے 85 صوبوں میں کورونا کی ویکسین کو ہنگامی طورپر پہنچانے کی مشق کی ہے۔ روسی وزیر صحت میخائل موراشکو کا کہنا ہے کہ روس دنیا کی پہلی باقائدہ کامیاب ویکسین بنانے میں کامیاب رہا ہے۔ جس کی عالمی ادارہ میں رجسٹریشن بھی ہو چکی ہے اور دنیا بھر سے 1 ارب سے زائد خوراکوں کی طلب بھی روس کو موصول ہو چکی ہے۔ ویکسین کی آزمائش اپنے آخری مراحل میں ہے۔ ایسے میں ہنگامی بنیادوں پر اسکی ملک کے ہر کونے میں ترسیل کو آزمایا جا رہا ہے۔ اور نمونوں کو ماسکو سے ملک کے تمام 85 صوبوں میں بھیجا جا چکا ہے۔
وزیر صحت کا مزید کہنا تھا کہ ویکسین آزمائش کے آخری مرحلے میں 40 ہزار افراد پر آزمائی جا رہی ہے۔ اور یہ مرحلہ بھی جلد ختم ہو جائے گا۔ ماسکو کی نائب میئر انستاسیا کا کہنا ہے کہ 35 ہزار افراد پر کامیاب آزمائش ہوچکی ہے۔ جلد ویکسین کی پیداوار پر کام شروع ہو جائے گا۔
اس کے علاوہ روس نے موبائل اپلیکیشن بھی تیار کی ہے جس سے شہری ہنگامی طور پر ویکسین اور دیگر ضروری امداد کو فوری طلب کر سکتے ہیں۔
یاد رہے کہ روسی صدر ولادی میر پیوٹن نے 11 آگست کو دنیا کی پہلی کورونا ویکسین تیار کرنے کا دعویٰ کیا تھا، اور اسے باقائدہ عالمی ادارے میں رجسٹرڈ بھی کروا دیا تھا۔ روسی ویکسین کو سپوتنک5 کا نام دی اگیا ہے۔
روسی ویکسین کو ماسکو کے گمالیہ تحقیقی مرکز میں تیار کیا گیا ہے۔ جس کے خلاف شروع میں کچھ مغربی ممالک نے غیر محفوظ ہونے کا پراپیگنڈا کیا تاہم بالآخرتفصیل اور آزمائش کے نتائج سامنے آنے پر تمام اعتراضات واپس لے لیے گئے تھے۔