پیر, اکتوبر 25 Live
Shadow
سرخیاں
ترک صدر ایردوعان کا اندرونی سیاست میں مداخلت پر 10 مغربی ممالک کے سفراء کو ناپسندیدہ قرار دینے کا فیصلہبحرالکاہل میں چینی و روسی جنگی بحری مشقیں مکمل – ویڈیونائجیریا: جیل حملے میں 800 قیدی فرار، 262 واپس گرفتار، 575 تاحال مفرورترکی: فسلطینی طلباء کی جاسوسی کرنے والا 15 رکنی صیہونی جاسوس گروہ گرفتار، تحقیقات جاریامریکی انتخابات میں غیر سرکاری تنظیموں کے اثرانداز ہونے کا انکشاف: فیس بک کے مالک اور دیگر ہم فکر افراد نے صرف 2 تنظیموں کو 42 کروڑ ڈالر کی خطیر رقم چندے میں دی، جس سے انتخابی عمل متاثر ہوا، تجزیاتی رپورٹبنگلہ دیش: قرآن کی توہین پر شروع ہونے والے فسادات کنٹرول سے باہر، حالات انتہائی کشیدہ، 9 افراد ہلاک، 71 مقدمے درج، 450 افراد گرفتار، حکومت کا ریاست کو دوبارہ سیکولر بنانے پر غورنیٹو کے 8 روسی مندوبین کو نکالنے کا ردعمل: روس نے سارا عملہ واپس بلانے اور ماسکو میں موجود نیٹو دفتر بند کرنے کا اعلان کر دیاشام اور عراق سے داعش کے دہشت گرد براستہ ایران افغانستان میں داخل ہو رہے ہیں، جنگجوؤں سے وسط ایشیائی ریاستوں میں عدم استحکام کا شدید خطرہ ہے: صدر پوتنآؤکس بین الاقوامی سیاست میں کشیدگی و عدم استحکام بڑھانے اور اسلحے کی نئی دوڑ کا باعث ہو گا: چین اور مشرقی ممالک کے خلاف مغرب کے نئے عسکری اتحاد پر روسی ردعملایف بی آئی نے خفیہ کارروائی میں جوہری آبدوز ٹیکنالوجی بیچتے دو فوجی انجینئر گرفتار کر لیے

امریکہ نے تائیوان کو تقریباً 2 ارب ڈالر کے مزید جدید اسلحے کی فراہمی کی منظوری دے دی: چین کا شدید ردعمل

چینی تحفظات کے باوجود امریکی محکمہ خارجہ نے تائیوان کو 1 اعشاریہ 8 ارب ڈالر مالیت کا بھاری اسلحہ بیچنے کی منظوری دے دی ہے۔

منظور کردہ اسلحے میں لاک ہیڈ مارٹن ٹرک ماؤنٹڈ راکٹ لانچر، ہائی موبلٹی آرٹلری راکٹ سسٹم، لمبے دائرے تک مار کرنے والے ہوا سے زمینی حملے کے حامل میزائل اور تائیوان کو دیے گئے ایف16 طیاروں کی نئی ٹیکنالوجی سے لیس کرنے کی پیشکش شامل ہے۔ چین کو اس پر بھی حیرانگی ہے کہ یہ سب جدید اسلحہ تائیوان کو محض 1 اعشاریہ 8 ارب ڈالر میں دیا جا رہا ہے۔

ان سب کے علاوہ امریکہ تائیوان کو جدید ترین ایم کیو9 ریاپیئر ڈرون اور ساحلی دفاعی میزائل نظام کے بیچنے میں بھی دلچسپی لے رہا ہے، جو الگ سے 5 سے 7 ارب ڈالر مالیت کا جدید ترین دفاعی اسلحہ ہے۔

اس کے علاوہ اپنے گزشتہ چار سالہ دور میں صدر ٹرمپ تائیوان کو تقریباً 15 ارب ڈالر کا اسلحہ بیچ چکے ہیں۔

چین نے اپنے ردعمل میں کہا ہے کہ امریکہ کی جانب سے تائیوان کو جدید اسلحے کی فراہمی چین کے دفاع کے لیے خطرہ ہے، اور ایسے اقدامات امریکہ چین تعلقات کو شدید متاثر کر سکتے ہیں۔

اس سے قبل چین امریکی اسلحہ ساز کمپنی پر پابندی لگا چکا ہے، تاہم موجودہ معاہدے کے بعد کوئی عملی ردعمل سامنے نہیں آیا ہے۔

واضح رہے کہ چین کی ابھرتی ہوئی طاقت کے خلاف امریکہ اور اس کے اتحادی خطے میں چھوٹی ریاستوں کو نہ صرف ابھار رہے ہیں بلکہ انہیں بھاری مقدار میں اسلحے کی فراہمی بھی جاری رکھے ہوئے ہیں۔ چین کا کہنا ہے کہ انڈو پیسفک اتحاد کے نام پر امریکہ خطے میں نیا نیٹو اتحاد بنا رہا ہے، جسے چین قطعاً برداشت نہیں کرے گا اور نہ خطے کے دیگر ممالک کو ایسے کسی اتحاد کا حصہ بننا چاہیے، جوعلاقائی امن کے لیے خطرہ ہو، اور بیرونی طاقتوں کو مداخلت کا موقع دے۔

دوست و احباب کو تجویز کریں

تبصرہ کریں

Contact Us