یوکرین میں ایک آٹھ سالہ بچی کے 13 سالہ لڑکے سے معاشقے پر ملک بھر میں نئی بحث چھیڑ دی ہے، خصوصاً جبکہ اس تعلق سے لڑکی کی والدہ کو کوئی اعتراض نہیں ہے۔
میلانا ماخانیتس یوکرین کی ایک معروف سماجی میڈیا شخصیت ہے، جس کے 70 لاکھ سے زائد پیروکار ہیں۔ میلانا بچوں کے کپڑوں کے معروف مارکوں کے لیے ماڈلنگ کرتی ہے۔
میلانا کے سماجی میڈیا پر تمام کھاتے اسکی والدہ چلاتی ہیں، جہاں چند روز قبل انہوں نے اپنی 8 سالہ بچی کی ایک 13 سالہ ماسکو کے لڑکے پاشا پائی سے معاشقے کی خبر نشر کی۔
میلانا نے لکھا کہ پاشا اور وہ ایک جوڑا ہے۔ (پیغام کو اب تلف کر دیا گیا ہے)
واضح رہے کہ اگرچہ میلانا نے رشتے کا اعلان ابھی کیا ہے لیکن اس سے قبل بھی جوڑا سماجی میڈیا پر بوس وکنار اور ایک بستر پر سونے جیسی جنسی رحجان والی تصاویر نشر کر چکا ہے۔
قومی نشریاتی اداروں کی جانب سے معاملے کو اٹھانے پر کھاتے سے بیشتر جنسی مواد ہٹا دیا گیا ہے تاہم بچوں کی والدہ سے پوچھنے پر انکا کہنا تھا کہ یہ بچوں کی اپنی زندگی ہے اور وہ اس میں زیادہ مداخلت نہیں کرتیں۔
والدہ کی رائے سے بیشتر شہری متفق نہیں ہیں اور انکا کہنا ہے کہ بچی کی والدہ کے ساتھ کوئی نفسیاتی مسئلہ ہے، اسکا علاج ہونا چاہیے۔
صارفین کا کہنا ہے کہ بچی کی والدہ شہرت اور پیسہ بنانے کے لیے بچی کو جنسی طور پر استعمال کر رہی ہے، جبکہ کچھ نے معاملے کو بچوں سے جنسی زیادتی سے بھی جوڑا ہے۔
ایک صارف نے لکھا ہے کہ بچوں سے ماڈلنگ اور انکی مقابلہ حسن جیسے مقابلوں میں شرکت بچوں کی زندگیاں تباہ کر رہا ہے۔
معاملے پر سماجی حلقوں کے علاوہ سیاسی حلقوں کی جانب سے بھی ناراضگی کا اظہار کیا گیا ہے، اور اس پر فوری انتظامی کارروائی کا مطالبہ کیا جا رہا ہے۔