ناروے پولیس نے کورونا تالہ بندی کی خلاف ورزی کرنے پر وزیراعظم ایرنا سولبرگ کو 20 ہزار کرونا جرمانہ کر دیا ہے۔ اطلاعات کے مطابق وزیراعظم خود اپنے بنائے تالہ بندی کے قانون کی خلاف ورزی کرتے ہوئے سالگرہ منا رہی تھیں جس میں اہل خانہ اور دوستوں کی بڑی تعداد موجو دتھی۔ جس پر پولیس نے چھاپہ مارتے ہوئے سکیویڈیوین ملک کی وزیراعظم کو ڈائی ہزار ڈالر کے قریب جرمانہ کر دیا۔
پولیس نے جرمانے کی اطلاع باقائدہ پریس کانفرنس میں دی ہے۔ پولیس نے میڈیا سے گفتگو میں مزید کہا کہ اگرچہ زیادہ تر واقعات میں جرمانہ نہیں کیا جاتا لیکن وزیراعظم کو جرمانہ کر کے ایک مثال بنائی گئی ہے۔ وزیراعظم کو قانون کی خلاف ورزی نہیں کرنی چاہیے تھی۔ جرمانے سے عوام کا پولیس پر اعتماد بڑھے گا۔
وزیراعظم کے دفتر سے واقعے پر کسی قسم کا تبصرہ سامنے نہیں آیا، البتہ ایک معافی نامی ضرور شائع کیا گیا ہے۔
معافی نامے میں وزیراعظم نے لکھا ہے کہ انہیں افسوس ہے کہ وہ اور انکے اہل خانہ قانون توڑنے کی مرتکب ہوئے، ایسا نہں ہونا چاہیے تھا، ہمیں ان تمام ہدایات پر عمل کرنا چاہیے تھا جو میں نے شہریوں کو دیں۔
واضح رہے کہ پولیس نے صرف وزیراعظم کو جرمانہ کیا ہے اور انکے اہل خانہ اور ڈھابے کو جرمانہ نہیں کیا گیا، جس پر چہ مگوئیاں ہو رہی ہیں۔
یاد رہے کہ اب تک ناروے میں 1 لاکھ 10 ہزار کورونا مریضوں کا اندراج ہوا ہے، جبکہ وائرس سے 700 اموات کی تصدیق کی گئی ہے۔ 53 لاکھ آبادی والے ملک میں سخت اور مکمل تالہ بندی جاری ہے۔