ہفتہ, April 9 Live
Shadow
سرخیاں
افغانستان میں امریکی فوج کی جانب سے تشدد کی تربیت کے لیے بلوچی قیدی کو استعمال کرنے کا انکشافہندوستانی میزائل کا مبینہ غلطی سے پاکستانی حدود میں گرنے کا واقعہ: امریکہ کی طرف سے متعصب جبکہ چین کی جانب سے نصیحت آمیز ردعملمیٹا آسٹریلوی سیاستدانوں کو سائبر حملوں اور جھوٹی خبروں سے بچنے کی تربیت دے گییوکرین: مغربی ممالک سے آئے 180 سے زائد جنگجو ہوائی حملے میں ہلاک، روس کی مغربی ممالک کو تنبیہ، سب نشانے پر ہیں، چُن چُن کر ماریں گےاسرائیل پر تاریخ کا بڑا سائبر حملہ: وزیراعظم، وزارت داخلہ اور وزارت صیہونی بہبود کی ویب سائٹیں ہیک اور تلفروس اور یوکرین کے مابین جلد امن معاہدہ طے پا جائے گا: روسی مذاکرات کاریوکرینی مہاجرین کی تعداد 50 لاکھ سے بڑھ گئی: اقوام متحدہفیس بک اور انسٹاگرام کی شدید متعصب پالیسی کا اعلان: روسی صدر اور فوج کیخلاف نفرت اور موت کے پیغامات شائع کرنے کی اجازت، نتیجتاً مغربی ممالک میں آرتھوڈاکس کلیساؤں اور روسی کاروباروں پر حملوں کی خبریںترکی کا بھی روس کے ساتھ مقامی پیسے میں تجارت کرنے کا اعلانمغرب کے دوہرے معیار: دنیا پر روس سے تجارت پر پابندیاں، برطانیہ سمیت بیشتر مغربی ممالک روس سے گیس و تیل کی خریداری جاری رکھیں گے

برلن: یوم مزدور کے مظاہرے ہنگاموں میں بدل گئے، 93 پولیس افسران سمیت سینکڑوں زخمی، 354 گرفتار، شہر کے مختلف علاقوں میں کرفیو نافذ

جرمنی کے دارالحکومت برلن میں یوم مزدور کے حوالے سے مظاہروں کا سلسلہ اب بھی جاری ہے۔ آج ہوئے مظاہرے بھی ہنگاموں میں بدل گئے جس میں 90 سے زائد پولیس افسران اور سینکڑوں مظاہرین کے زخمی ہونے کی اطلاعات ہیں۔ پولیس کے مطابق 354 افراد کو گرفتار کیا گیا ہے۔

مقامی میڈیا کے مطابق شہر کے کم ازکم 20 حصوں میں مظاہرے ہوئے تاہم کچھ میں مشتعل افراد نے پولیس کی لگائی رکاوٹوں کو زبردستی ہٹایا اور سرکاری و نجی املاک کو نقصان پہنچایا۔

پولیس کے مطابق وباء کے باعث صرف 1000 مظاہرین کو اجتماع کی اجازت دی گئی تھی تھی لیکن بیشتر مقامات پر لوگ 8 سے 10 ہزار سے بھی زیادہ تھے، جس کے باعث پولیس کو مداخلت کر کے لوگوں کو منتشر کرنا پڑا۔

واضح رہے کہ برلن سمیت بیشتر مغربی ممالک میں یوم مزدور کے حوالے مظاہرے اکثر پرتشدد ہوتے ہیں جن میں طبقاتی تقسیم کے شکار افراد توڑ پھوڑ اور ہنگامے کرتے ہیں اور اپنی غربت سے اس کی توجیع پیش کرنے کی کوشش کی جاتی ہے۔

پولیس کے سربراہ نے میڈیا سے گفتگو میں کہا ہے کہ یکم مئی سیاسی تنوع کا دن ہے، یہ آزادی اظہار اور اجتماع کا بھی دن ہے لیکن اس کی آڑ میں ہنگامے اور قومی املاک کو نقصان پہنچانے کی اجازت نہیں دی جا سکتی۔ کورونا تالہ بندی کے اوقات بڑھا کر کچھ علاقوں میں مکمل کرفیو لگا دیا گیا ہے۔

دوست و احباب کو تجویز کریں

تبصرہ کریں

Contact Us