Shadow
سرخیاں
پولینڈ: یوکرینی گندم کی درآمد پر کسانوں کا احتجاج، سرحد بند کر دیخود کشی کے لیے آن لائن سہولت، بین الاقوامی نیٹ ورک ملوث، صرف برطانیہ میں 130 افراد کی موت، چشم کشا انکشافاتپوپ فرانسس کی یک صنف سماج کے نظریہ پر سخت تنقید، دور جدید کا بدترین نظریہ قرار دے دیاصدر ایردوعان کا اقوام متحدہ جنرل اسمبلی میں رنگ برنگے بینروں پر اعتراض، ہم جنس پرستی سے مشابہہ قرار دے دیا، معاملہ سیکرٹری جنرل کے سامنے اٹھانے کا عندیامغرب روس کو شکست دینے کے خبط میں مبتلا ہے، یہ ان کے خود کے لیے بھی خطرناک ہے: جنرل اسمبلی اجلاس میں سرگئی لاوروو کا خطاباروناچل پردیش: 3 کھلاڑی چین اور ہندوستان کے مابین متنازعہ علاقے کی سیاست کا نشانہ بن گئے، ایشیائی کھیلوں کے مقابلے میں شامل نہ ہو سکےایشیا میں امن و استحکام کے لیے چین کا ایک اور بڑا قدم: شام کے ساتھ تذویراتی تعلقات کا اعلانامریکی تاریخ کی سب سے بڑی خفیہ و حساس دستاویزات کی چوری: انوکھے طریقے پر ادارے سر پکڑ کر بیٹھ گئےیورپی کمیشن صدر نے دوسری جنگ عظیم میں جاپان پر جوہری حملے کا ذمہ دار روس کو قرار دے دیااگر خطے میں کوئی بھی ملک جوہری قوت بنتا ہے تو سعودیہ بھی مجبور ہو گا کہ جوہری ہتھیار حاصل کرے: محمد بن سلمان

چین کا راکٹ کے معاملے پہ مغربی پراپیگنڈے کا بھرپور جواب: اسپیس ایکس راکٹ کا واشنگٹن میں گرنا اور اس پہ قصیدے یاد کروا دیے

چین نے امریکی خلائی ایجنسی کی جانب سے راکٹ کے معاملے پہ متعصب تبصرے کو لے کر سخت ناراضگی کا اظہار کیا ہے۔ چینی دفتر خارجہ کی ترجمان ہوآ چن یینگ نے میڈیا سے گفتگو میں کہا ہے کہ امریکی چند ہفتے قبل اسپیس ایکس کے راکٹ کا واشنگٹن کے نجی فارم میں گرنے پہ اپنے رومانوی تبصرے یاد کریں۔

چینی اخبار گلوبل ٹائمز کا امریکی پراپیگنڈے کے جواب میں شائع ایک کارٹون

یاد رہے کہ ناسا نے چینی خلائی ایجنسی کے لیے غیر زمہ دار کے الفاظ استعمال کیے تھے اور کہا تھا کہ چینی ادارے کو خلائی راکٹ کے حوالے سے شفاف اور زمہ دار رویہ اپنانا چاہیے تھا۔

چینی ترجمان دفتر خارجہ کا مزید کہنا تھا کہ چین امریکہ کے متعصب اور دوہرے معیار سے انتہائی بیزار ہو چکا ہے، جس میں خصوصاً چین کے تحقیقاتی منصوبوں کو لے کر خوب پراپیگنڈا کیا جاتا ہے۔ ہوآ کا مزید کہنا تھا کہ امریکہ کے کچھ نشریاتی ادارے اور شخصیات خصوصاً اس منفی رویے کو دکھانے میں پیش پیش رہتے ہیں۔ ان اداروں نے ناکام امریکی منصوبے کے نتیجے میں واشنگٹن کے ایک نجی فارم میں گرتے اسپیس ایکس کے راکٹ کے مناظر کو “اندھیرے میں روشنی کی کرن” اور “روشنیوں کا شو” گردانا تھا لیکن چین کے ایک کامیاب منصوبے کے بعد فضاؤں میں بھسم ہوتے راکٹ کو غیر زمہ دار کہا، یہ دوہرا اور انتہائی متعصب رویہ ناقابل برداشت ہے۔

امریکی راکٹ اسپیس ایکس واشنگٹن میں ایک نجی فارم میں گرا پڑا ہے

چین کا کہنا ہے کہ چین سے متعلق کسی بھی بات کو بڑھا چڑھا کر پیش کرنا مغربی روایت بن گیا ہے، خلائی اسٹیشن کو کامیابی سے خلاء میں پہنچا کر واپس گرتے راکٹ سے کسی کو نقصان نہیں پہنچا، لیکن مغربی ذرائع ابلاغ نے اس سے متعلق انتہائی منفی پراپیگنڈا پھیلایا۔

واضح رہے کہ چین نے مغربی میڈیا کی رپورٹوں پر کوئی تبصرہ نہیں دیا تھا لیکن بروز پیر ناسا کے نمائندے بل نیلسن کی تنقید پر چین نے بھی باقائدہ جواب دیا ہے اور اپنا احتجاج درج کروایا ہے۔

چین کا مؤقف ہے کہ اس نے خلائی منصوبوں میں ہمیشہ عالمی معیار کا خیال رکھا ہے اور اس حوالے سے کبھی کسی قسم کی سستی نہیں کی، بلکہ مغربی ممالک سے بھی بھرپور تعاون کیا جاتا ہے۔

چینی خلائی ادارے نے اعلامیہ جاری کیا تھا کہ راکٹ ایسے مرکبات سے بنا ہے کہ یہ ہوا میں ہی رگڑ سے بھسم ہو جائے گا لیکن امریکہ و یورپی میڈیا نے معاملے کو چین کے خلاف منفی پراپیگنڈے کے لیے استعمال کیا، جس پر چین نے اب ردعمل دیا ہے۔

دوست و احباب کو تجویز کریں

Leave a Reply

Your email address will not be published. Required fields are marked *

one + four =

Contact Us