اتوار, اکتوبر 17 Live
Shadow
سرخیاں
آؤکس بین الاقوامی سیاست میں کشیدگی و عدم استحکام بڑھانے اور اسلحے کی نئی دوڑ کا باعث ہو گا: چین اور مشرقی ممالک کے خلاف مغرب کے نئے عسکری اتحاد پر روسی ردعملایف بی آئی نے خفیہ کارروائی میں جوہری آبدوز ٹیکنالوجی بیچتے دو فوجی انجینئر گرفتار کر لیےامریکہ مصنوعی ذہانت، سائبر سکیورٹی اور دیگر جدید ٹیکنالوجیوں میں چین سے 15/20 سال پیچھے ہے: پینٹاگون سافٹ ویئر شعبے کے حال ہی میں مستعفی ہونے والے سربراہ کا تہلکہ خیز انٹرویوروسی محققین کووڈ-19 کے خلاف دوا دریافت کرنے میں کامیاب: انسانوں پر تجربات شروعسابق افغان وزیردفاع کے بیٹے کی امریکہ میں 2 کروڑ ڈالر کے بنگلے کی خریداری: ذرائع ابلاغ پر خوب تنقیدہمارے پاس ثبوت ہیں کہ فرانسیسی فوج ہمارے ملک میں دہشت گردوں کو تربیت دے رہی ہے: مالی کے وزیراعظم مائیگا کا رشیا ٹوڈے کو انٹرویوعالمی قرضہ 300کھرب ڈالر کی حدود پار کر کے دنیا کی مجموعی پیداوار سے بھی 3 گناء زائد ہو گیا: معروف معاشی تحقیقی ادارے کی رپورٹ میں تنبیہامریکہ میں رواں برس کورونا وائرس سے مرنے والوں کی تعداد 2020 سے بھی بڑھ گئی: لبرل امریکی میڈیا کی خاموشی پر شہری نالاں، ریپبلک کا متعصب میڈیا مہم پر سوالکورونا ویکسین بیچنے والی امریکی کمپنی کے بانیوں اور سرمایہ کار کا نام امریکہ کے 225 ارب پتیوں کی فہرست میں شامل: سماجی حلقوں کی جانب سے کڑی تنقیدامریکی جاسوس ادارے سی آئی اے کو دنیا بھر میں ایجنٹوں کی شدید کمی کا سامنا، ایجنٹ مارے جانے، پکڑے جانے، ڈبل ایجنٹ بننے، لاپتہ ہونے کے باعث مسائل درپیش، اسٹیشنوں کو بھرتیاں تیز کرنے کا بھی حکم: نیو یارک ٹائمز

تاتارستان اسکول پر حملہ کرنے والے کی شناخت ہو گئی: خود کو خدا جیسا کہنے والا 19 سالہ حملہ آور کون تھا؟

روسی ذرائع ابلاغ نے تاتارستان کے اسکول میں حملہ کرنے والے 19 سالہ الناز گالیایوف کی حملے کی ویڈیو نشر کردی ہے، ویڈیو میں گالیایوف کو اسکول کے اندر ٹہلتے اور عمارت کے بالکل باہر کسی پر ہتھیار تانے ہوئے دیکھا جاسکتا ہے۔ ویڈیو میں حملہ آور کو ایک گلی میں چلتے ہوئے بھی دیکھا جاسکتا ہے، جس میں وہ آتشیں اسلحہ لہرا رہا ہے۔ سی سی ٹی وی کیمروں کی ویڈی ومیں درج وقت کے مطابق گالیایوف صبح 9:24 پر ماسک پہنے ایک راہگیر پر بندوق تانے نظر آتا ہے۔

یاد رہے حملے میں گالیایوف نے ایک استاد اور 7 طالب علموں کو جان سے مار دیا ہے، اور بہت سے دیگر افراد زخمی بھی ہوئے ہیں۔ اطلاعات کے مطابق دو طالب علموں نے گولیوں کی پوچھاڑ سے بچنے کے لیے کھڑکیوں سے چھلانگ لگائی تاہم انکی ہلاکت گرنے سے لگنے والی شدید چوٹوں سے ہو گئی ہے۔

واضح رہے کہ دہشت گردانہ حملے سے قبل گالیایوف نے خود کو “خدا جیسا” کہتے ہوئے سماجی ذرائع ابلاغ پر قتل کرنے کے اپنے ارادے کا اظہار کیا تھا۔

انیس سالہ الناز گالیایوف ماضی میں اسی اسکول کا طالب علم بتایا جا رہا ہے، جو اب ایک نجی کالج میں زیر تعلیم تھا، لیکن کالج انتظامیہ نے آگاہ کیا ہے کہ تعلیم میں کمزور ہونے کے باعث اس کو کالج سے نکال دیا گیا تھا۔

مقامی افراد نے مقامی صحافیوں سے گفتگو میں کہا ہے کہ گالیایوف پڑھائی کے دوران ایک پرسکون  طالب علم تھا۔ وہ ہمیشہ صاف ستھرا اور پرسکون رہتا اور ساتھی طلباء اور اساتذہ کا احترام کرتا تھا۔ نوعمر نے اچانک اس سال جنوری میں دروس میں جانا چھوڑ دیا تھا اور پھر اس کا اساتذہ سے رابطہ بھی ختم ہوگیا۔ اطلاعات کے مطابق وہ اپنے صنعتی تجربے کے منصوبے کا دفاع کرنے اور تین ریاستی امتحانات دینے کے لئے حاضر نہیں ہوا تھا جس کے نتیجے میں اس کو نکال دیا گیا تھا۔

گذشتہ ہفتے، گالیایوف نے ٹیلیگرام سروس پر ایک چینل قائم کیا جس میں وہ خود کو “خدا جیسا” متعارف کرواتا ہے۔ جمعرات کو لکھے گئے ایک سلسلہ وار تبصرے میں، گالیایوف نے اعلان کیا کہ “میں خدا کی طرح ہوں”۔ اس کھاتے سے یہ بھی کہا گیا ہے کہ دنیا کی آبادی اس کی “غلام” ہے، اور انہیں خود کو ہلاک کرنے سے پہلے ایک دوسرے کو مار ڈالنا چاہئے۔ مزید لکھا گیا کہ دنیا میں کوئی جاندار باقی نہیں رہنا چاہئے، اور یہ زندگی کائنات کی غلطی سے وجود میں آئی ہے۔

حملےسے قبل قاتل نے یہ لکھا تھا کہ وہ اپنی زندگی ختم کرنے سے پہلے بڑی تعداد میں لوگوں کو ہلاک کرے گا۔ دہشت گرد کے والد نے بیان میں کہا ہے کہ اس کا بیٹا مذہبی نہیں تھا اور اس نے کبھی تشدد یا ایسے خیالات یا نظریات کا اظہار نہیں کیا تھا۔

تاتارستان کے مسلم اکثریتی روسی علاقے کے صدر نے بتایا کہ دہشت گرد کے پاس لائسنس اسلحہ تھا۔

حملے کے فوراً بعد روسی صدر ولادیمیر پوتن نے بندوق سے متعلق قانون سازی کا ہنگامی جائزہ لینے کا حکم دیا ہے۔ صدر نے ایک حکم نامے میں اس طرح کے ہتھیاروں پر نئی پابندیاں عائد کرنے کا حکم دیا جن کے عام شہری مالک ہوسکتے ہیں۔

دوست و احباب کو تجویز کریں

تبصرہ کریں

Contact Us