یورپی ممالک میں کورونا وباء کی ویکسین پر عوامی بداعتمادی رحجان ابھی بھی جاری ہے۔ بلکہ نوجوانوں کی ایک بڑی تعداد کے ویکسین نہ لگوانے کے حوالے سے سامنے آنے والے سروے نے حکومتوں کے لیے خطرے کی گھنٹی بجا دی ہے۔
ایک تازہ عوامی سروے کے مطابق خطے کے 27 فیصد بالغ افراد ٹیکوں کی افادیت اور حفاظت کے حوالے سے خدشات کا شکار ہیں۔ یورو فاؤنڈ نامی تحقیقی ادارے کی رپورٹ پر تبصرے میں ماہرین کا کہنا ہے کہ بالغ آبادی کی اتنی بڑی تعداد کا ویکسین نہ لگوانا مرض کے خلاف جہاد کو خطرے میں ڈال سکتا ہے۔
سروے کے مطابق پورے یورپ میں سے 27٪ نوجوانوں نے ویکسین نہ لگوانے کی رائے کا اظہار کیا ہے۔ جبکہ ملکی حساب سے 50٪ فرانسیسی، 67٪ بلغاریائی نوجوانون نے ویکسین لینے کے امکان کو کم یا بہت زیادہ کم قرار دیا۔
سروے میں ریاستوں کےمابین واضح فرق دیکھا گیا ہے، جس میں مشرقی یورپ کے لوگ زیادہ محتاط پائے گئے ہیں۔ سروے کے مطابق کروشیا، لٹویا، پولینڈ اور سلووینیا سمیت متعدد ریاستوں میں ویکسین کے حوالے سے ہچکچاہٹ کا شکار نوجوانوں کی تعداد 30 فیصد ہے۔
یورو فاؤنڈ کے سینئر تحقیقی منتظم ڈیفن احرینڈٹ نے ویکسین کے حق میں ہچکچاہٹ کی ممکنہ بنیادی وجوہات غیر مبہم پیغام رسانی اور ویکسین کی کمزور افادیت کو قرار دیا ہے۔ محققین کے مطابق وبائی معلومات کے لیے سماجی رابطہ ویب سائٹوں پر انحصارحاصل کرنے والوں کے جوابات اکثر منفی تھے۔ سماجی ذرائع ابلاغ پر انحصار کرنے والوں کی تعداد 40 فیصد ہے جب کہ روایتی ذرائع ابلاغ پر تکیہ کرنے والوں کی تعداد نسبتاً کم ( 18 فیصد) ہے۔
یورو فاؤنڈ نے عوامی رائے پر مبنی سروے فروری اور مارچ 2021 میں کیا گیا ہے، جس میں 46800 جواب دہندگان نے وائرس کے اثرات، ویکسین اور اس سے متعلق پروگراموں کے بارے میں اور وبائی امراض سے متعلق سماجی ذرائع ابلاغ کے اثرات پر اپنی رائے کا اظہار کیا ہے۔