اتوار, اکتوبر 17 Live
Shadow
سرخیاں
آؤکس بین الاقوامی سیاست میں کشیدگی و عدم استحکام بڑھانے اور اسلحے کی نئی دوڑ کا باعث ہو گا: چین اور مشرقی ممالک کے خلاف مغرب کے نئے عسکری اتحاد پر روسی ردعملایف بی آئی نے خفیہ کارروائی میں جوہری آبدوز ٹیکنالوجی بیچتے دو فوجی انجینئر گرفتار کر لیےامریکہ مصنوعی ذہانت، سائبر سکیورٹی اور دیگر جدید ٹیکنالوجیوں میں چین سے 15/20 سال پیچھے ہے: پینٹاگون سافٹ ویئر شعبے کے حال ہی میں مستعفی ہونے والے سربراہ کا تہلکہ خیز انٹرویوروسی محققین کووڈ-19 کے خلاف دوا دریافت کرنے میں کامیاب: انسانوں پر تجربات شروعسابق افغان وزیردفاع کے بیٹے کی امریکہ میں 2 کروڑ ڈالر کے بنگلے کی خریداری: ذرائع ابلاغ پر خوب تنقیدہمارے پاس ثبوت ہیں کہ فرانسیسی فوج ہمارے ملک میں دہشت گردوں کو تربیت دے رہی ہے: مالی کے وزیراعظم مائیگا کا رشیا ٹوڈے کو انٹرویوعالمی قرضہ 300کھرب ڈالر کی حدود پار کر کے دنیا کی مجموعی پیداوار سے بھی 3 گناء زائد ہو گیا: معروف معاشی تحقیقی ادارے کی رپورٹ میں تنبیہامریکہ میں رواں برس کورونا وائرس سے مرنے والوں کی تعداد 2020 سے بھی بڑھ گئی: لبرل امریکی میڈیا کی خاموشی پر شہری نالاں، ریپبلک کا متعصب میڈیا مہم پر سوالکورونا ویکسین بیچنے والی امریکی کمپنی کے بانیوں اور سرمایہ کار کا نام امریکہ کے 225 ارب پتیوں کی فہرست میں شامل: سماجی حلقوں کی جانب سے کڑی تنقیدامریکی جاسوس ادارے سی آئی اے کو دنیا بھر میں ایجنٹوں کی شدید کمی کا سامنا، ایجنٹ مارے جانے، پکڑے جانے، ڈبل ایجنٹ بننے، لاپتہ ہونے کے باعث مسائل درپیش، اسٹیشنوں کو بھرتیاں تیز کرنے کا بھی حکم: نیو یارک ٹائمز

امریکی آئین کا احترام نہیں کر سکتے تو امریکہ میں رہتے کیوں ہو؟: برطانوی شہزادے کے امریکی آئین پہ طنز پر امریکی نالاں

امریکہ میں آزادئ اظہار رائے کے لیے ہونے والی پہلی آئینی ترمیم پر برطانوی شہزادے کے طنز امریکیوں کو ہضم نہیں ہوئی اور سب کی بورڈ لے کر ان پر الفاظ کی گولیاں چلانے میں مصروف ہو گئے ہیں۔

ہالی ووڈ اداکار ڈیکس شیپارڈ کے پوڈ کاسٹ پروگرام آرم چیئر ایکسپرٹ میں گفتگو کرتے ہوئے شہزادہ ہیری نے کہا کہ میں اب تک امریکہ کی پہلی آئینی ترمیم کو سمجھ نہیں پایا ہوں۔

شہزادے کے اس بظاہر طنزیہ تبصرے پر امریکی نالاں ہیں اور انکا کہنا ہے کہ اگر برطانوی شہزادہ امریکی آئین کا احترام نہیں کر سکتا تو وہ امریکہ میں کیوں رہتا ہے؟

واضح رہے کہ شہزادہ شاہی ذمہ داریوں سے سبکدوشی کے بعد کیلیفورنیا میں زندگی گزار رہے ہیں۔

ایک امریکی سوشل میڈیا صارف نے ردعمل میں کہا ہے کہ “ہاں ہمیں معلوم ہے کہ وہ اسے نہیں سمجھتا، اوراس کی وجہ ہے اس کا خاندان۔”

ایک صارف نے ہیری کو نصیحت کرتے ہوئے کہا کہ”امریکی تاریخ سے سبق حاصل کرو” جس کا اشارہ “امریکہ کا انگریزوں سے نجات اور آزادی کے حصول” کی طرف تھا۔

ایک اور صارف نے براہ راست ہیری سے “انگلینڈ واپس جانے” کے لیے کہہ ڈالا۔

 یہاں تک کہ شہزاہ ہیری کے طنز نے ٹیکساس کے نمائندے اور ریپبلک جماعت کے رکن ڈین کرینشا کو بھی اشتعال دلایا ہے اور انہوں نے غصے میں کہا کہ “میں اپنی یوم آزادی کی پارٹی کو دگنا کرتا ہوں”۔

واضح رہے کہ پچھلے سال اپنی اہلیہ میگھن مارکل کے ساتھ شاہی فرائض سے سبکدوش ہونے کے بعد شہزادہ ہیری ایک متنازعہ شخصیت بن گئے ہیں۔ شاہی زندگی سے علیحدگی کے بعد یہ جوڑا کیلیفورنیا منتقل ہوچکا ہے، اور نیٹ فلکس اور اسپاٹفائے کے ساتھ کروڑوں ڈالر کے معاہدے کیے جا رہے ہیں۔ انہوں نے اپنا پوڈ کاسٹ بھی شروع کر رکھا ہے اور چند ماہ قبل اوپرا ونفری کے شو میں شاہی خاندان پر کڑی تنقید بھی کر چکے ہیں۔ جس پر برطانوی اور امریکی دونوں یکساں ناراض ہوئے۔

دوست و احباب کو تجویز کریں

تبصرہ کریں

Contact Us