Author: خبری

وائٹ ہاؤس میں امریکہ کی قومی سلامتی کونسل کا ہنگامی اجلاس جاری ہے ۔ وزیر دفاع اور وزیر خارجہ سمیت اعلیٰ حکام وائٹ ہاؤس میں موجود ہیں۔ امریکی صدر کو حملوں سے متعلق آگاہ کر دیا گیا۔صدر ٹرمپ اجلاس کے بعد امریکی فوفی آٹھکانوں پر ایرانی حملے کے حوالے بیان جاری کریں گے  خیال رہے جنرل قاسم سلیمانی کے قتل کے بعد ایران کی جانب سے بغداد میں عین الاسد اور اربیل امریکی ہوائی اڈوں پر راکٹ حملے کیے گئے۔سپریم لیڈر آیت اللہ خامنہ ای نے آپریشنز ہیڈ کوارٹر آکر کارروائی کی سربراہی کی۔ ایرانی میڈیا کے مطابق عراق میں امریکی ایئربیس پر 30 میزائل داغے گئے۔ پنٹاگون نے عراق میں امریکی فوج کے اڈے پر حملے کی تصدیق کر دی ہے۔ امریکی محکمہ دفاع کے مطابق حملہ مقامی وقت کے مطابق صبح ساڑھے 5 بجے ایران سے کیا گیا۔امریکی صدر ڈونلڈ ٹرمپ نے ایرانی میزائل حملوں کے بعد پیغام میں کہا کہ سب کچھ ٹھیک ہے۔ امریکی فوج سب ...

بھارتی مقبوضہ وادی کشمیرمیں جاری مظالم اور مسلسل لاک ڈاؤن پر رکن امریکی ایوان نمائندگان الہان عمر بھی برس پڑیں۔ کشمیر میں بھارتی جبرواستحصال کی ناگفتہ بہ صورت حال پر رکن امریکی کانگریس الہان عمر نے ٹویٹ کیا کہ کشمیرمیں جاری بلیک آؤٹ جمہوریت کی تاریخ کا سب سے طویل انٹرنیٹ شٹ ڈاؤن ہے۔ انہوں نے نریندرمودی کےاقدامات کو خوفناک رحجان قراردیتے ہوئے بھارتی شہریوں سے مودی کے مسلم مخالف اقدامات کے خلاف احتجاج کی اپیل کی۔ دوسری طرف کشمیر کو آزاد کرو کی آوازیں نئی دہلی تک پہنچ گئیں، نئی دلی میں طلبہ نے بھی ’’کشمیر کو آزاد‘‘ کرو کے پوسٹر لہرا دیئے۔ واضح رہے کہ مقبوضہ وادی میں عوام 157 دنوں سے گھروں میں محصور ہیں، خوراک اور ادویات کا بحران سنگین ہو گیا ہے جبکہ قابض فورسز کے مظالم میں کمی نہیں آسکی۔ بھارتی پولیس نے ضلع کشتوار میں گھر گھر تلاشی کے دوران ولیج ڈیفنس کمیٹی کے ممبر سمیت چار افراد ...

ایران نے تہران میں حادثے کا شکار ہونے والے یوکرینی طیارے کا بلیک باکس دینے سے انکار کر دیا۔ غیر ملکی خبررساں ادارے کے مطابق سول ایوی ایشن ایران کے سربراہ کا کہنا ہے کہ ابھی یہ طے نہیں کیا گیا کہ بلیک باکس کو ’ڈی کوڈ‘ کرنے کے لیے کس ملک کو دیا جائےگا۔ واضح رہے کہ یوکرین انٹرنیشنل ایئرلائن کا بوئنگ 737 طیارہ آج صبح تہران کے ایئرپورٹ سے ٹیک آف کے بعد گر کر تباہ ہوگیا تھا، جس میں سوار تمام 176 مسافر ہلاک ہوگئے۔ جہاز میں 82 ایرانی، 63 کنیڈین، سویڈن کے دس، افغانستان کے چار، برطانیہ اور جرمنی کے تین تین شہری جبکہ جہاز کے عملے سمیت گیارہ یوکرینی سوارتھے۔ طیارہ تہران کے امام خمینی انٹرنیشنل ایئرپورٹ سے ٹیک آف کے کچھ دیر بعد حادثے کا شکار ہوا۔ یوکرین کا مسافر طیارہ تہران سے یوکرین کے دارالحکومت کیف جارہا تھا۔  برطانوی میڈیا کے مطابق یوکرینی سفارتخانے کے نئے بیان میں انجن میں خرابی کا ج...

ایران کے صدر حسن روحانی کے ترجمان حسیم الدین آشنا نے ٹوئٹر پر اپنے بیان میں کہا ہے کہ عراق میں امریکی فورسز پر حملے کے جواب میں اگر امریکہ نے حملہ کیا تو خطے میں بھرپور جنگ شروع ہو جائے گی۔ خیال رہے کہ تین جنوری کو امریکہ نے عراقی دارالحکومت بغداد کے ائیرپورٹ پر راکٹ حملہ کیا جس میں ایران کی القدس فورس کے سربراہ کمانڈرجنرل قاسم سلیمانی ساتھیوں سمیت جاں بحق ہو گئے تھے۔ایران نے جنرل قاسم سلیمانی کے قتل کا بدلہ لینے کا اعلان کیا تھا ۔اپنے اس اعلان کے مطابق ایران نے عراق میں دو امریکی اڈوں کو راکٹوں سے نشانہ بنایا جس کی تصدیق امریکی صدر ڈونلڈ ٹرمپ نے بھی کر دی ہے۔ ایران کے سرکاری میڈیا کے مطابق راکٹ حملوں میں 80 افراد ہلاک ہوئے اور امریکی فورسز کے ساز و سامان کو بھی نقصان پہنچا جب کہ امریکی صدر نے سوشل میڈیا پرجاری بیان میں کہا ہے کہ سب کچھ ٹھیک ہے۔...

عراقی پارلیمنٹ کی طرف سے تمام غیر ملکی فوجی دستوں کو ملک چھوڑنے کا مطالبہ کرنے کی قرارداد کے بعد ، جرمنی اپنی کچھ فوجیں عراق سے نکالے گا۔ جرمنی کی حکومت نے منگل کو کہا ہے کہ عراق میں جرمنی کی کچھ فوج کو ہمسایہ ملک اردن اور کویت میں منتقل کردیا جائے گا۔ جرمنی کے وزیر دفاع اینگریٹ کریمپ - کرین بوؤر اور وزیر خارجہ ہیکو ماس نے قانون سازوں کو لکھا ہے کہ بغداد اور تاجی میں تعینات فوجیوں کو "عارضی طور پر کم کر دیا جائے گا۔" جرمن حکومت کا کہنا ہے کہ اگر ان کا تربیتی مشن دوبارہ شروع ہوا تو 120جرمن فوجیوں میں سے 30 کو واپس منتقل کیا جاسکتا ہے۔ یہ اقدام ایک دن بعد ہوا جب جرمن چانسلر اینجلا میرکل نے عراقی وزیر اعظم عادل عبد المہدی سے اس مسئلے کے بارے میں بات کی۔ میرکل نے دہشت گردی کے خلاف جنگ میں عراق اور یورپی یونین کے مابین باہمی تعاون کی اہمیت پر زور دیا تھا۔...

ایک اعلیٰ ایرانی فوجی کمانڈر کے قتل کے بعد اس خطے میں بڑھتی ہوئی کشیدہ صورتحال نے زرد دھات کو تقریباً سات سالوں میں اپنی بلند ترین شرح دے دی ہے ، اور تیل کی قیمتوں میں بھی اضافہ کیا ہے جو آخری بار 2019 کے وسط میں دیکھا گیا تھا۔ سونا سیاسی اور معاشی بحران کے دوران سرمایہ کاری کے لیےمحفوظ ٹھکانہ سمجھا جاتا ہے لیکن پیر کے روزسونے کی قیمت میں تقریباً 1.5 فیصد کا اضافہ ریکارڈ کیاگیا۔ ایک موقع پر قیمتی دھات فی اونس 1،579.55 ڈالر کی زد میں آگئی ، جو اپریل 2013 کے بعد کی سب سے زیادہ قیمت ہے۔ پیر کی صبح 08.07 بجے تک یہ 1،571.95 ڈالر فی اونس پر آگیا تھا جو گذشتہ سیشن کے مقابلے میں اب بھی 1.3 فیصد زیادہ ہے۔ گولڈمین سیشس کے اندازوں کے مطابق ، ایران میں بڑھتی ہوئی کشیدگی سونے کی قیمتوں میں مزید اضافہ کر سکتی ہے۔ آخر کار ، ہم اپنی تین ، چھ اور بارہ ماہ کی $$$. / فی ٹرائے اونس کی پیشن ...

امریکہ کے نائب صدر مائیک پینس نے الزام عائد کیا ہے کہ قاسم سلیمانی نے سعودی ہوائی اڈوں پر حملے اپنی نگرانی میں کرائے تھے۔ اپنے ٹویٹر پیغام میں امریکی نائب صدر کا کہنا تھا کہ قاسم سلیمانی خطے کے کئی اہم افراد کے قاتل تھے‘۔ انہوں نے کہا کہ ’قاسم سلیمانی سعودی عرب کی مختلف تنصیبات پر میزائل حملوں کی خود نگرانی کرتے تھے‘۔ امریکہ کے نائب صدر نے ٹویٹر کے اپنے اکاؤنٹ پر تحریر کیا کہ ’قاسم سلیمانی ہی نے یمن میں القدس فورس کو منظم کیا۔ انہوں نے میزائل حملو ں کے مواقع مہیا کیے جن سے دسیوں افراد ہلاک ہوئے۔ انہوں نے سعودی عرب کے سول ہوائی اڈوں کو بھی نشانہ بنایا‘ ۔...

آسٹریلیا میں لگنے والی آگ کی تباہ کاریاں جاری ہیں ۔ گذشتہ روز آسٹریلیا کے مسلمانوں نے بارش کے لیے ایک پارک میں نماز استسقا ادا کی ۔ کچھ ہی دیر میں بادل گھر آئے اور بارش شروع ہو گئی ۔ نیو ساؤتھ ویلز اور وکٹوریا میں بارش سے اگرچہ بعض حصوں میں آگ بجھنے لگی مگر ماہرین نے خبردار کیا ہے کہ جمعرات سے ان علاقوں میں درجہ حرارت پھر سے بڑھے گا جس سے آگ دوبارہ بھڑک سکتی ہے۔ واضح رہے کہ شدید خشک سالی کے باعث نیو ساؤتھ ویلز اور وکٹوریا میں گزشتہ برس نومبر میں آگ شروع ہوئی اور اس کی وجہ سے اب تک 50 کروڑ کے لگ بھگ جانور ہلاک ہوچکے ہیں جب کہ ماحولیاتی مسائل میں بھی اضافہ ہوا ہے۔ آگ اور دھوئیں کے باعث اموات کی تعداد 24 ہوگئی ہے جب کہ ماہرین کا خیال ہے کہ جانوروں کی متعدد انواع اس آگ کے باعث صفحہ ہستی سے مٹ گئی ہیں۔یہ آگ امریکہ کی ریاست میری لینڈ سے سائز میں دوگنے رقبے پر پھیلی ہوئی ہے اور اس میں اب تک ہز...

عراق کے نگران وزیراعظم عادل عبد المہدی نے ایران کی قدس فورس کے کمانڈر میجر جنرل قاسم سلیمانی کی ہلاکت کو ’سیاسی قتل‘  قرار دے دیا۔ عادل عبد المہدی کا کہنا ہے کہ حملے سے قبل قاسم سلیمانی ایران اورسعودی عرب کے درمیان کشیدگی ختم کرنے کی کوشش کر رہے تھے انہوں نے کہا کہ میجر جنرل قاسم سلیمانی قتل کیے جانے والے روز ایران کا سعودی عرب کے لیے پیغام لے کر بغداد پہنچے تھے جہاں بغداد کے ذریعے ایران کو بھیجے گئے سعودی پیغام میں خطے اور دونوں ملکوں کے درمیان تناؤ کی کمی کے لیے تجاویز تھیں اور اسی سلسلے میں جنرل سلیمانی سے حملے والے روز ملاقات طے تھی تاکہ وہ سعودی پیغام پر ایران کا تحریری جواب پیش کریں۔  امریکی حملے کے خلاف گزشتہ روز عراقی پارلیمنٹ کا اجلاس ہوا جس میں امریکی فوج کے عراق سے انخلاء کی قرارداد منظور کی گئی تھی۔ اسی اجلاس سے خطاب میں نگران عراقی وزیراعظم عادل المہدی نے اہم انکشاف ک...

رائٹرز نیوز ایجنسی کے مطابق ایک اعلیٰ امریکی عہدے دار نے دعویٰ کیا ہے کہ ایران کے ہائی الرٹ میزائل امریکہ کے نشانے پر ہیں ۔ جمعے کے روز امریکی حملے میں پاسداران انقلاب کی القدس فورس کے سربراہ قاسم سلیمانی کی موت کے بعد پورے ایران میں میزائل فورس کو ہائی الرٹ کر دیا گیا ہے۔ یہ بات ایک امریکی عہدے دار نے اپنی شناخت ظاہر نہ کرنے کی شرط پر اتوار کی شب رائٹرز نیوز ایجنسی کو بتائی۔ مذکورہ عہدے دار کے مطابق امریکی فوج ایرانی میزائل فورس کا قریب سے جائزہ لے رہی ہے۔ انہوں نے بتایا کہ امریکیوں کو یہ بات واضح نہیں ہے کہ آیا ایرانی ہائی الرٹ پوزیشن کا مقصد دفاع ہے یا پھر یہ کسی حملے کی تیاری کے سلسلے میں ہے۔...