Author: خبری

بھارت کے دارالحکومت نئی دہلی کی جواہر لال نہرو یونیورسٹی (جے این یو) میں انتہا پسند ہندو کارکنوں کے حملے میں درجنوں طلبہ زخمی ہو گئے۔ بائیں بازو کی جماعت کمیونسٹ پارٹی آف انڈیا کے جنرل سیکرٹری سیتارام یچوری نے الزام لگایا کہ ’حملے کے پیچھے انتہا پسند ہندو جماعت بھارتیہ جنتا پارٹی کے سٹوڈنٹ ونگ ’اکھل بھارتیہ ودھارتھی پریشاد‘ (اے بی وی پی) کے غنڈوں کا ہاتھ ہے۔‘ جبکہ یونیورسٹی کےطلبہ کا بھی دعویٰ ہے کہ اس حملے میں وزیراعظم نریندر مودی کی ہندو انتہا پسند جماعت بی جے پی کا سٹوڈنٹ ونگ ملوث ہے۔ دوسری جانب حکمران جماعت بی جے پی نے واقعے میں ملوث ہونے کی تردید کرتے ہوئے اپوزیشن جماعتوں کو تشدد کا ذمہ دار ٹھہرایا۔ جبکہ بی جے پی کی طلبہ تنظیم ’اکھل بھارتیہ ودھارتھی پریشاد نے ایک بیان میں کہا کہ کیمپس حملے کے دوران اس کے 25 ارکان زخمی ہوئے ہیں۔ اخبار کے مطابق 50 سے 70 حملہ آور ’غداروں کو گول...

پاکستانی دفتر خارجہ کے حکام نے نام ظاہر نہ کرنے کی شرط پرغیر ملکی خبر رساں ادارے انڈیپینڈینٹ اردو کو بتایا کہ ’ایران امریکہ ثالثی میں پاکستان ککے کردار کے حوالے سےاگلے چوبیس گھنٹے اہم ہیں۔ ایران کا دورہ کرنے کے حوالے سے مشاورت جاری ہے کہ پاکستان اگر ایران جائے تو کن نکات پر بڑھتی ہوئی کشیدگی کو روکا جا سکتا ہے۔‘ ترجمان دفتر خارجہ کے مطابق وزیر خارجہ نے گزشتہ روز اسی ضمن میں ایران، ترکی، سعودی عرب اور متحدہ عرب امارات کے وزرائے خارجہ سے رابطہ کیا اور خطے کی صورتحال پر غور و خوض کیا۔ واضح رہے کہ امریکہ ایران تنازع کی وجہ سے خطے کی صورتحال کشیدہ ہو رہی ہے جس کے باعث پاکستان نے خطے کے دیگر مسلم ممالک سے رابطے بھی کیے ہیں تاکہ کشیدگی میں کمی لانے میں کردار ادا کیا جا سکے۔  انڈپینڈنٹ اردو سے خصوصی گفتگو میں وزیر دفاع پرویز خٹک نے بتایا کہ ہم یہ چاہتے کہ ساری دنیا میں امن ہو اور کوئ...

امریکہ اور ایران کے درمیان مشرق وسطیٰ میں جنرل سلیمانی کی ہلاکت کے بعد پھیلنے والی کشیدگی کے بعد عالمی دنیا کے رد عمل سامنے آنے لگے ہیں ۔ سعودی عرب نے واشنگٹن اور تہران سے کشیدگی میں کم کرنے کی اپیل کرتے ہوئے کہا ہے کہ یہ انتہائی خطرناک وقت ہے۔سعودی وزیر خارجہ شہزادہ فیصل بن فرحان کا کہنا تھا کہ ہمیں نہ صرف خطے بلکہ پوری دنیا کے امن کو لاحق خطرات سے آگاہ ہونا چاہیے ۔ امید ہے تمام ممالک مزید کشیدگی اور اشتعال کو روکنے کے لئے ضروری اقدامات اٹھائیں گے۔ چینی وزارت خارجہ نے بھی جنرل سلیمانی کی ہلاکت کے امریکی اقدام پر تشویش کا اظہار کرتے ہوئے کہا ہے کہ واشنگٹن طاقت کے ناجائز استعمال سے باز رہے۔ چین طاقت کے استعمال کی شدید الفاظ میں مذمت کرتا ہے ۔ مشرق وسطیٰ میں امریکہ نے عسکری کارروائی کر کے عالمی قوانین کی خلاف ورزی کی ہے دونوں فریقوں کو اقوام متحدہ کے اصولوں پر عمل پیرا ہونا چاہیے۔ ...

عراق کے دارالحکومت بغداد میں امریکی حملے میں جاں بحق ہونے والے ایرانی جنرل قاسم سلیمانی کی نماز جنازہ تہران میں ادا کر دی گئی ہے۔ اس نماز جنازہ میں آیت اللہ خامنہ ای نے بھی شرکت کی جبکہ نماز جنازہ کے دوران مرحوم کی بیٹی نے جذباتی خطاب کیا۔ ایرانی خبر رساں ادارے تسنیم نیوز ایجنسی کے مطابق قاسم سلیمانی کی نماز جنازہ تہران میں ہوئی ۔ نماز جنازہ ایرانی سپریم لیڈر آیت اللہ خامنہ ای نے پڑھائی۔ اس موقع پر ہزاروں افراد تہران یونیورسٹی کے باہر جمع ہوئے جہاں شرکاء نے امریکہ مخالف نعرے لگائے۔ایرانی جنرل قاسم سلیمانی کی تدفین منگل کو ان کے آبائی علاقے کرمان میں ہوگی۔ یاد رہے کہ انہیں 3 جنوری کو بغداد کے انٹرنیشنل ائیرپورٹ پر امریکی فضائی حملے میں ساتھیوں سمیت قتل کیا گیا تھا۔ غیر ملکی خبر رساں ادارے کے مطابق قاسم سلیمانی کے جنازے کے موقع پر لاکھوں شرکاء سے خطاب کرتے ہوئے مرحوم کی بیٹی زین...

امریکی صدر ڈونلڈ ٹرمپ نے عراقی حکومت کو دھمکی دیتے ہوئے کہا ہے کہ اگر امریکی فوجیوں کوعراق سے نکالا گیا تو عراق کو سخت اقتصادی پابندیوں کا سامنا کرنا پڑے گا۔ صدرٹرمپ کے مطابق ایسی پابندیاں عائد کی جائیں گی جن کا عراقی حکومت نے سوچا بھی نہیں ہو گا۔ واضح رہے کہ امریکی صدر کا یہ بیان عراقی پارلیمنٹ میں منظور ہونے والی اُس قرارداد کے بعد سامنے آیا ہے، جس میں تمام غیر ملکی بشمول امریکی فوجیوں کو ملک سے نکل جانے کا کہا گیا ہے لیکن اس قرارداد پر بغداد حکومت کے لیے عمل کرنا لازمی نہیں ہے۔ یاد رہے کہ عراق میں سترہ برس قبل کی فوج کشی کے بعد بظاہر ہزاروں فوجیوں کا انخلا مکمل ہو چکا ہے لیکن پھر بھی تقریباً پانچ ہزار سے زائد امریکی فوجی اب بھی موجود ہیں۔...

جاپانی وزیراعظم شینزوآبے نے کہا ہے کہ وہ مشرق وسطیٰ میں جاپانی فوج تعینات کریں گے ۔ یہ تعیناتی ملکی دفاع کے حوالے سے ان کے منصوبے کا ایک حصہ ہے ۔ شینزوآبے کے مطابق یہ فوج جاپان کے مفادات کے تحفظ کے حوالے سے ذمہ داریاں انجام دے گی اور سمندری گزرگاہوں میں سے گزرتے مال بردار بحری جہازوں کی حفاظت اس کی اولین ذمہ داری ہوگی ۔ انہوں نے اپنے بیان میں یہ بھی کہا کہ مشرق وسطیٰ میں امن و استحکام کے لیے جاری سفارتی کوششوں کا سلسلہ جاری رہنا چاہیے۔ شینزو آبے نے خلیج فارس میں بڑھی ہوئی کشیدگی پر گہری تشویش کا اظہار کرتے ہوئے تمام فریقوں سے اپیل کی کہ وہ صبر و تحمل کا مظاہرہ کریں۔ جاپانی وزیراعظم نے ملکی فوج کی تعیناتی کا یہ منصوبہ گزشتہ ماہ پیش کیا تھا۔...

ایرانی سپریم لیڈر کے مشیر حسین دہقان نے امریکی ٹی وی کے ساتھ ایک انٹرویو میں امریکہ کو عسکری جواب دینے کا اعلان کرتے ہوئے کہا ہے کہ امریکی حملے کا ردعمل بھی عسکری ہوگا اور امریکی تنصیباب نشانہ بنیں گی۔ حسین دہقان کا کہنا تھا کہ ہم جنگ نہیں چاہتے اور نہ کبھی چاہتے تھے۔ جنگ کا آغاز امریکہ نے کیا ہے، اس لیے وہ ردعمل کے لیے بھی تیار رہے۔ حسین دہقان نے کہا کہ حالات کو معمول پر لانے کا صرف ایک ہی طریقہ ہے وہ یہ کہ امریکہ کو پوری شدت سے جواب دیا جائے۔ ٹرمپ کو عالمی قوانین کا پتا ہے اور نہ ہی اقوام متحدہ کے چارٹر کی کوئی فکر، دراصل امریکی صدر ایک جوئے باز گینسگٹر ہے۔ ان کا کہنا تھا کہ امریکی صدر ٹرمپ نہ سیاستدان ہے اور نہ ہی اس کا دماغی توازن ٹھیک ہے۔ اگر ٹرمپ نے ثقافتی مراکز کو نشانہ بنایا تو اس کے خلاف جنگی جرائم کے تحت مقدمہ ہوگا۔ اگر ٹرمپ نے وہی کیا جو وہ کہہ رہے ہیں تو کوئی امریکی فوج...

الشباب کے جنگجوؤں نے کینیا میں امریکی فوجی اڈے پر حملہ کیا جسے ناکام بنا دیا گیا ہے ۔ تفصیلات کے مطابق کینیا کے ایک حکومتی عہدیدار نے کہا ہے کہ صومالی عسکری تنظیم الشباب کے جنگجوؤں کی جانب سے لامو خطے میں واقع امریکہ اور کینیا کی فوجوں کے مشترکہ طور پر زیراستعمال فوجی اڈے پر حملہ ناکام بنا دیا گیا ہے۔ لامو خطے کے کمشنر اروگو ماچاریا کے مطابق اس فوجی اڈے پر حملہ ہوا تھا تاہم حملہ آوروں کو پسپا کر دیا گیا ہے۔ انہوں نے بتایا کہ کیمپ سِمبا نامی فوجی اڈے پر ہوئے اس حملے کے بعد آس پاس کے علاقے میں سکیورٹی آپریشن جاری ہے۔ انہوں نے البتہ یہ نہیں بتایا کہ اس واقعے میں مجموعی طور پر کتنے افراد ہلاک اور زخمی ہوئے ہیں۔ دہشت گرد تنظیم القاعدہ سے وابستہ صومالی عسکری گروپ الشباب نے اس حملے کی ذمہ داری قبول کی ہے اور دعویٰ کیا ہے کہ اس حملے میں امریکہ اور کینیا کے متعدد فوجی ہلاک اور زخمی ہوئے ہیں...

کنٹرول لائن کے دونوں جانب اور دنیا بھر میں کشمیری آج یوم حق خود ارادیت منا رہے ہیں۔ بھارتی مقبوضہ کشمیر کےعوام اوردنیا بھر میں موجود کشمیری پانچ جنوری کو اس عزم کا اعادہ کرتے ہیں کہ بھارتی تسلط سے آزادی حاصل کرنے تک ان کی جدوجہد جاری رہے گی۔ واضح رہے کہ اقوام متحدہ کی سلامتی کونسل نے 1949 میں آج ہی کے روز ایک قرارداد منظور کی تھی جس کے مطابق کشمیریوں کو یہ حق دیا گیا تھا کہ وہ اپنی مرضی کے مطابق اپنے مستقبل کا فیصلہ کر سکتے ہیں۔اس دن کی یاد میں دنیا بھر میں کشمیری ہر سال 5 جنوری کو یوم حق خود ارادیت مناتے ہیں۔ دوسری طرف بھارت مسلسل حیلہ سازیوں کے ذریعے نہ صرف کشمیریوں کے اس حق کودبائے ہوئے ہے بلکہ ظلم اور جبر کا بازار بھی گرم کیے ہوئے ہے۔آرٹیکل 370 کو ختم کرکے بھارت نے کشمیر کی خصوصی حیثیت ختم کر دی ہے اور کشمیریوں کے حق خود ارادیت کو بھی ختم کرنے کی کوشش کر رہا ہے ۔ یوم حق خ...

فرانس کے وزیر خارجہ ژاں یو لی ڈریان نے کہا ہے کہ انہوں نے امریکہ اور ایران کے درمیان موجود کشیدگی کےمعاملے پر چین اور جرمنی کے وزرائے خارجہ سے بات کی ہے اور انہیں امید ہے کہ امریکہ اور ایران کشیدگی میں اضافے سے گریز کریں گے اپنے ایک بیان میں فرانسیسی وزیر خارجہ نے کہا کہ’فرانس کشیدگی میں کمی کے بنیادی مقصد اور ویانا ایٹمی معاہدے کے برقرار رہنے کے معاملے میں جرمنی سے مکمل اتفاق کرتا ہے۔ انہوں نے مزیدکہا کہ ہم چین کے ساتھ خاص طور پرمتفق ہیں کہ ایران پر زور دیا جائے کہ وہ ایٹمی معاہدے کی کوئی خلاف ورزی نہ کرے۔ یاد رہے کہ 2015 میں اقوام متحدہ کی سلامتی کونسل کے مستقل ارکان برطانیہ، فرانس، چین، روس، جرمنی اور امریکہ نے ایران کے ساتھ ایٹمی معاہدہ کیا تھا جس کے تحت طے پایا تھا کہ ایران ایٹمی ہتھیار نہیں بنائے گا اور اس کے بدلے میں اسے امریکی پابندی کی وجہ سے درپیش مشکلات سےنمٹنے میں مدد دی...