پیر, دسمبر 6 Live
Shadow
سرخیاں
امریکی سی آئی اے اہلکاروں کے ایک بار پھر کم عمر بچوں بچیوں کے ساتھ جنسی جرائم میں ملوث ہونے کا انکشافامریکہ کا مشرقی افریقہ میں تاریخ کے سب سے بڑے فوجی آپریشن کا اعلان: 1 ہزار سے زائد مزید کمانڈو تیارروسی صدر کی ثالثی: آزربائیجان اور آرمینیا کے مابین سرحدی جھڑپیں ختم، سرحدی حدود کے تعین پر اتفاق، جنگ سے متاثر آبادی اور دیگر انسانی حقوق کے تحفظ کی بھی یقین دہانینائیجیر: فرانسیسی فوج کی فائرنگ سے 2 شہری شہید، 16 زخمیامریکی فوج میں ہر 4 میں سے 1 عورت اور 5 میں سے 1 مرد جنسی زیادتی کا نشانہ بنتا ہے، بیشتر خود کشی کر لیتے، کورٹ مارشل کے خوف سے کوئی آواز نہیں اٹھاتا: سابقہ اہلکارروس کا غیر ملکی سماجی میڈیا کمپنیوں پر ملک میں کاروباری اندراج کے لیے دباؤ جاری: رواں سال کے آخر تک عمل نہ ہونے پر پابندی لگانے کا عندیاامریکہ ہائپر سونک ٹیکنالوجی میں چین اور روس سے بہت پیچھے ہے: امریکی جنرل تھامپسنامریکی تفریحی میڈیا صنعت کس عقیدے، نظریے اور مقصد کے تحت کام کرتی ہے؟چوالیس فیصد امریکی اولاد پیدا کرنے کی خواہش نہیں رکھتے: پیو سروے رپورٹچینی کمپنی ژپینگ نے جدید ترین برقی کار جی-9 متعارف کر دی: بیٹری کے معیار اور رفتار میں ٹیسلا کو بھی پیچھے چھوڑ دیا

قابض صیہونی ریاست میں کورونا ویکسین لگوانے کے باوجود سینکڑوں افراد کووڈ-19 کا شکار، 4 کی ویکسین لگواتے ہی موت واقع

مقبوضہ فلسطین میں فائزر کمپنی کی کورونا ویکسین لگانے کے باوجود سینکڑوں صیہونی شہری کووڈ-19 کا شکار ہو گئے ہیں۔ مقامی میڈیا کے مطابق ویکسین لگوانے کے باوجود اب تک 240 شہریوں میں کورونا وائرس کی تصدیق ہوئی ہے۔

طبی ماہرین کا کہنا ہے کہ ویکسین کو مدافعت پیدا کرنے میں کچھ وقت درکار ہوتا ہے، ممکنہ طور پر متاثرہ افراد نے ویکسین لگوانے کے بعد احتیاط کرنا چھوڑ دی جس کے باعث وہ وائرس کا شکار ہو گئے۔

کمپنی نے بھی ان افواہوں کی سختی سے تردید کی ہے جن میں ویکسین میں وائرس کی موجودگی کا الزام لگایا جا رہا تھا، کمپنی کا کہنا ہے کہ ویکسین کو دفاعی نظام کی وائرس سے لڑنے کی تربیت کیلئے جینیاتی تبدیلی میں وقت درکار ہوتا ہے، یہ عمل ویکسین کے لگتے ہی شروع نہیں ہو جاتا۔ عمومی طور پر دفاعی صلاحیت ہفتہ دس دن میں پیدا ہوتی ہے، اور 50٪ صلاحیت کے حاصل ہوتے ہی وائرس بیمار کرنے کے قابل نہیں رہتا۔ اس کے علاوہ مکمل اعتماد کے لیے ویکسین کے کم از کم دو ٹیکے درکار ہوتے ہیں، اور ان دونوں ٹیکوں کے درمیان بھی کم ازکم 21 دنوں کا فرق رکار ہوتا ہے۔ دوسرے ٹیکے کے لگنے کے بعد 95 فیصد دفاعی صلاحیت حاصل کرنے میں ایک ہفتہ لگتا ہے۔ لیکن یاد رہے کہ اس کے باوجود 5٪ تک بیمار ہونے کا خطرہ برقرار رہتا ہے۔

قابض صیہونی ریاست میں ویکسین کی مہم زوروشور سے جاری ہے، مقامی نشریاتی اداروں کے مطابق اب تک 12 فیصد آبادی یعنی 10 لاکھ افراد کو ویکسین لگائی جا چکی ہے۔ جو دنیا میں آبادی کے تناسب سے اب تک سب سے زیادہ ہے۔

واضح رہے کہ فائزر کمپنی کی ویکسین سے اب تک 1000 میں سے 1 شخص میں منفی اثرات سامنے آئے ہیں۔ جن میں نمایاں شدید کمزوری، غنودگی، بخار، جسم درد اور ٹیکے کی جگہ پر سوزش اور سرخی کی شکایات شامل ہیں۔ جبکہ صرف چند ایک کو خصوصی طبی نگہداشت کی ضرورت پیش آئی۔ قابض صیہونی ریاست میں اب تک ویکسین سے 4 افراد کی موت کے واقعات بھی ریکارڈ ہوئے ہیں۔ تاہم مقامی محکمہ صحت نے اموات کی وجوہات پر شبہے کا اظہار کیا ہے۔

دوست و احباب کو تجویز کریں

تبصرہ کریں

Contact Us