ہفتہ, جنوری 15 Live
Shadow
سرخیاں
قازقستان ہنگامے: مشترکہ تحفظ تنظیم کے سربراہ کا صورتحال پر قابو کا اعلان، امن منصوبے کی تفصیلات پیش کر دیںبرطانوی پارلیمنٹ میں منشیات کا استعمال: اسپیکر کا سونگھنے والے کتے بھرتی کرنے کا عندیاامریکی سی آئی اے اہلکاروں کے ایک بار پھر کم عمر بچوں بچیوں کے ساتھ جنسی جرائم میں ملوث ہونے کا انکشافامریکہ کا مشرقی افریقہ میں تاریخ کے سب سے بڑے فوجی آپریشن کا اعلان: 1 ہزار سے زائد مزید کمانڈو تیارروسی صدر کی ثالثی: آزربائیجان اور آرمینیا کے مابین سرحدی جھڑپیں ختم، سرحدی حدود کے تعین پر اتفاق، جنگ سے متاثر آبادی اور دیگر انسانی حقوق کے تحفظ کی بھی یقین دہانینائیجیر: فرانسیسی فوج کی فائرنگ سے 2 شہری شہید، 16 زخمیامریکی فوج میں ہر 4 میں سے 1 عورت اور 5 میں سے 1 مرد جنسی زیادتی کا نشانہ بنتا ہے، بیشتر خود کشی کر لیتے، کورٹ مارشل کے خوف سے کوئی آواز نہیں اٹھاتا: سابقہ اہلکارروس کا غیر ملکی سماجی میڈیا کمپنیوں پر ملک میں کاروباری اندراج کے لیے دباؤ جاری: رواں سال کے آخر تک عمل نہ ہونے پر پابندی لگانے کا عندیاامریکہ ہائپر سونک ٹیکنالوجی میں چین اور روس سے بہت پیچھے ہے: امریکی جنرل تھامپسنامریکی تفریحی میڈیا صنعت کس عقیدے، نظریے اور مقصد کے تحت کام کرتی ہے؟

امریکہ میں انوکھا عوامی سروے: کیا آپ شیر، ریچھ اور مگرمچھ سے مقابلے میں جیت سکتے ہیں؟

امریکہ میں جانوروں سے مقابلے کے حوالے سے ایک منفرد عوامی سروے کیا گیا ہے۔ امریکیوں سے پوچھا گیا کہ وہ چوہے، بلی، ہنس، عقاب، گوریلے، سانپ، کینگرو، بھیریے اور مگرچھ سے مقابلہ کرنے پر جیت سکتے ہیں یا ہیں؟

جمعرات کو یوگو سروے کے نتائج سامنے آئے جس میں 1224 بالغ امریکیوں سے پوچھا گیا کہ وہ غیر مسلح تصادم میں کن جانوروں کو شکست دینے کے بارے میں پراعتماد ہیں۔

اپنی نوعیت کے اس انوکھے سروے کے نتائج بھی دلچسپ آئے ہیں جس میں شہریوں کی سب سے زیادہ تعداد نے چوہے پر ہی اکتفا کیا ہے اور 72٪ نے چوہے سے ممکنہ جیت کا اظہار کیا ہے۔

سروے کے مطابق 69٪ نے بلیوں، 61 فیصد نے ہنسوں، 49٪ نے درمیانے قد کے کتوں کو مقابلے میں شکست دینے کے ممکنہ امکان کا اظہار کیا ہے۔

اس کے علاوہ عقاب (30 فیصد)، بڑے کتے (23 فیصد)، بندر (17 فیصد)، کوبرا سانپ (15 فیصد)، کینگرو (14 فیصد)، بھیڑیا ( 12 فیصد)، اور مگرمچھ سے (9 فیصد) امریکیوں نے جیتنے کے اعتماد کا اظہار کیا۔

وہ جانور جن پر غلبہ پانے پر امریکی کم سے کم پراعتماد تھے، وہ گوریلہ، ہاتھی اور شیر ہیں۔

اس سروے میں خواتین نے بھی حصہ لیا تاہم مرد تمام جانوروں کو شکست دینے کے بارے میں زیادہ پراعتماد دکھائی دیے، لیکن شیر پر قابو پانے کے حوالے سے خواتین نے مردوں سے بھی زیادہ اعتماد کا اظہار کیا۔

 سماجی ذرائع ابلاغ  کے زیادہ تر صارفین نتائج پر حیرانگی کا اظہار کر رہے ہیں۔ کیونکہ ان میں سے کچھ لوگوں نے ریچھ، شیر، ہاتھی اور گوریلے کو اٹھا سکنے کا دعویٰ بھی کیا ہے، جبکہ کچھ لوگوں نے چوہے یا رہائشی مکانوں میں پائے جانے والے چھوٹے جانوروں مثلاً بلی کو شکست دینے میں بھی مشکل کا اظہار کیا ہے۔

ایک  صارف سروے کرنے والے ادارے سے پوچھا ہے کہ وہ ان 24 فیصد مردوں سے ملنا چاہے گا جنہوں نے چوہے سے بھی نہ جیتنے کے خیالات کا اظہار کیا ہے۔ جبکہ ایک نے ہاتھی سے جیتنے کے خیالات کا اظہار کرنے والوں کو غیر حقیقی کہا ہے۔

دوست و احباب کو تجویز کریں

تبصرہ کریں

Contact Us