Author: خبری

انڈونیشیا کی پولیس نے ماسک نہ پہننے پر شہریوں کو ڈنڈ پیلنے کی سزا دینا شروع کر دی ہے، جس نے مقامی سماجی میڈیا کے علاوہ دنیا بھر کے میڈیا کی توجہ اپنی جانب مبذول کروا لی ہے۔ https://www.youtube.com/watch?v=C5B-A0I532s دوسری جانب ویت نام میں پولیس افسر کی جانب سے ماسک نہ پہننے کا پوچھنے پر شہری نے کلا کہ وہ صحت مند ہے تو پولیس افسر نے کہا، آؤ ڈنڈ پیل کر ثابت کرو کہ تم صحت مند ہو۔ https://www.facebook.com/unghothutuongchinhphu/videos/514495156171633/

ترکی کی اعلیٰ انتظامی عدالت نے استنبول کی معروف سیاسی و تاریخی عمارت آیا صوفیہ کا مسجد کا رتبہ بحال کرنے کا حکم جاری کر دیا ہے، جس کے بعد یہاں عبادت کی اجازت ہو گی۔ ترکی جمہوریہ کے قائم ہونے کے بعد کابینہ کے ایک فیصلے کے نتیجے میں آیا صوفیہ کو عجائب گھر میں تبدیل کر دیا گیا تھا، جہاں کسی قسم کی عبادت کی اجازت نہ تھی۔ جس پر ترکی کی اعلیٰ انتظامی عدالت میں درخواست دائر تھی کہ 1934 میں ترکی کی کابینہ کی جانب سے آیا صوفیہ مسجد کو عجائب گھر میں تبدیل کرنے کے فیصلے کو ختم کیا جائے، اور اس کے مسجد کے رتبے کو بحال کیا جائے۔ عدالت نے نظر ثانی کی درخواست پر چند ہفتے قبل اپنے فیصلے کو محفوظ کیا اور آج بروز جمعہ، 10 جولائی 2020 کو فیصلہ سناتے ہوئے آیا صوفیہ میں عبادت کی اجازت دے دی ہے۔ یوں عدالت نے درخواست کو قبول کیا ہے اور آیا صوفیہ کے مسجد کے رتبے کو بحال کر دیا ہے۔ عدالت نے اپنے فیصلے میں لکھ...

سعودی وزارت حج و عمرہ نے حج کے لیے تفصیلی ہدایت نامہ جاری کر دیا ہے۔ پیر 6 جولائی کو جاری کردہ ہدایت نامے کے مطابق اس سال صرف 10 ہزار مسلمانوں کو حج کرنے کی اجازت دی جائے گی اور عازمین کو کعبے کو چھونے کی اجازت نہ ہونے سمیت دیگر پابندیوں کا سامنا بھی کرنا پڑے گا۔ گزشتہ سال 24 لاکھ سے زائد مسلمانوں نے فریضہ حج ادا کیا تھا۔ اس سے قبل ایک اعلان میں سعودی حکومت نے واضح کیا تھا کہ اس سال صرف وہ افراد حج کر سکیں گے جو سعودیہ میں موجود ہیں تاہم تمام مسلم ممالک کے افراد کو خاص تناسب سے اس کی اجازت دی جائے گی۔ عازمین حج کو شعبہ صحت سے صحت مند ہونے کی تصدیق کے ساتھ ساتھ مسلسل ماسک پہننے اور جسم کا درجہ حرارت دکھانا پڑے گا۔ طواف اور دیگر مناسک حج کے دوران بھی کم از کم ڈیڑھ میٹر کی سماجی دوری کے اصول کی پاسداری کا خیال رکھنا ضروری ہو گا۔ https://twitter.com/rbalsaud/status/1280...

سعودی حکومت نے ملک میں مقیم تارکین وطن اور مسافرں کے اقامہ اور ویزہ میں تین ماہ کی معیاد کو مفت بڑھانے کا اعلان کیا ہے۔ کورونا وباء کے باعث سعودی عرب میں مقیم تارکین وطن اور آبائی وطنوں کو لوٹ جانے والے ایسے افراد سخت پریشانی کا شکار تھے جن کے اقامہ کی معیاد ختم ہو چکی تھی یا عنقریب پوری ہونے والی تھی، جس پر تارکین وطن کی جانب سے سماجی میڈیا پر تحفظات کا اظہار سامنے آرہا تھا، معاملے پر توجہ دیتے ہوئے سعودی بادشاہ، سلمان بن عبدالعزیز نے تمام اقامہ جات کی معیاد تین ماہ بڑھانے کا اعلان کیا ہے۔ سعودی ذرائع ابلاغ کے مطابق خادم الحرمین شریفین نے کورونا وباء کے دوران اقامہ کی فیس بھی معاف کرنے کا اعلان کیا ہے، اور ایسے تارکین وطن جن کے اقامہ کی معیاد ختم ہو چکی تھی، انہیں ملک میں داخل ہونے کی اجازت بھی دے دی ہے۔ نئے وضح کردہ طریقہ عمل کے تحت کورونا وباء کے دوران سعودی عرب میں پھنس ج...

کویتی پارلیمنٹ نے ایک اہم بل کی منظوری دیتے ہوئے ملک میں موجود غیر ملکی تارکین وطن کی آبادی کو ایک حد میں رکھنے کی منصوبہ بندی شروع کردی ہے۔ مسودے کے مطابق کویت بھارتی تارکین وطن کو جو اس وقت کویت میں تقریباً پندرہ لاکھ کے قریب ہیں کو کم کر کے 7 لاکھ تک لائے گا، خلیجی ملک کی پارلیمنٹ کے فیصلے کا شکار تقریباً آٹھ لاکھ یعنی 54 فیصد بھارتی تارکین وطن ہوں گے۔ کویت کی مجموعی آبادی 43 لاکھ نفوس پر مبنی ہے، جس میں مقامی افراد کی تعداد تیرہ لاکھ جبکہ تارکین وطن کی تعداد تیس لاکھ کے لگ بھگ ہے۔ پارلیمنٹ کے فیصلے کے مطابق تارکین وطن کی تعداد ملکی آبادی کا 30 فیصد ہونا چاہیے جو اس وقت 70 فیصد ہے۔ فیصلے سے دیگر ممالک کے تارکین وطن بھی متاثر ہوئے ہیں تاہم ان کی تعداد قابل ذکر نہیں، جیسے کہ مصر کے 30 ہزار مزدور اس قانون سے متاثر ہوں گے۔ کویت میں ہندوستانی تارکین وطن کی تعداد سب سے زیادہ ہے،...