Author: خبری

عیسائیوں کے مذہبی پیشوا پوپ فرانسس نے بدتمیزی کرنے والی خاتون کا ہاتھ جھٹک دیا۔واضح رہے کہ نئے سال کی مناسبت سے منعقد کی گئی ایک تقریب کے موقع پر پوپ فرانسس سینٹ پیٹرز اسکوائر پر جمع ہونے والے لوگوں سے مصافحہ کر رہے تھے کہ اس دوران ایک خاتون نے انہیں اپنی طرف کھینچنے کی کوشش کی۔پوپ فرانسس نےانتہائی ناراضی کا اظہار کرتے ہوئے خاتون کے ہاتھ پر تھپڑ مارا اوراپنا ہاتھ چھڑاتے ہوئے وہاں سے روانہ ہو گئے۔ پوپ فرانسس سے خاتون کی بدتمیزی کرنے کی ویڈیو سوشل میڈیا پر بہت تیزی سے وائرل ہو رہی ہے۔ویڈیو میں دیکھا جا سکتا ہے کہ پوپ فرانسس مختلف لوگوں سے ملتے ہوئے کالی جیکٹ والی خاتون کے پاس پہنچے اور ان سے ہاتھ ملا کر مڑنے لگے تو خاتون ان کا ہاتھ زور سے دبوچ کر انہیں اپنی جانب کھینچنے کی کوشش کرتی ہے۔ جس پرپوپ فرانسس انتہائی ناراضی کا اظہار کرتے ہوئے خاتون کے ہاتھ پر تھپڑ مارتے ہیں اوراپنا ہاتھ چھڑاتے ...

دنیا بھر میں سال نو کا استقبال جوش و خروش کے ساتھ کیا گیا ۔سال 2019 کوالوداع اور 2020 کوخوش آمدید کہا گیا ۔ دنیا میں سب سے پہلے سورج جنوبی نصف کرہ کے ممالک میں طلوع ہوتا ہے جن میں ٹونگا، فجی، سماؤ، نیوزی لینڈ، آسٹریلیا جیسے ممالک اور جزائر موجود ہیں جس کے بعد جاپان، کوریا، انڈونیشیا، پھر جنوبی ایشیا کے ممالک، روس، یورپی ممالک اور آخر میں امریکا میں نئے سال کا جشن منایا جاتا ہے

امریکی صدر ٹرمپ نے ایران کو عراق میں امریکی سفارت خانے پر حملے کا ذمہ دار ٹھہراتے ہوئے کہا ہے کہ ایران کو اس کی بھاری قیمت چکانا پڑے گی۔یاد رہے کہ دو روز قبل امریکی فورسز نے عراق میں مقامی ملیشیا کتائب حزب اللہ کے ٹھکانوں پر فضائی حملہ کیا تھا جس میں کئی جنگجو ہلاک اور زخمی ہوئے تھے۔ان حملوں کے خلاف گزشتہ روز عراقی دارالحکومت میں سیکڑوں کی تعداد میں مظاہرین نے امریکی سفارت خانے پر دھاوا بول کر توڑ پھوڑ کی اور املاک کو نقصان پہنچایا۔ امریکی سفارت خانے پر حملے کے ردعمل میں ڈونلڈ ٹرمپ نے سوشل میڈیا پر اپنے بیان میں کہا کہ ہماری املاک میں ہونے والے جانی و مالی نقصان کا ذمہ دار مکمل طور پر ایران ہے اور اسے اس کی بھاری قیمت چکانا پڑے گی اور یہ تنبیہ نہیں بلکہ دھمکی ہے۔ ساتھ ہی امریکی صدر نے نئے سال کی مبارکباد بھی دی۔ امریکی صدر نے اپنے پیغام میں مزید کہا کہ عراق میں امریکی سفارت خانہ محفو...

جرمن چانسلراینجلا میرکل نے روس اور یوکرائن کے مابین گیس کی فراہمی جاری رکھنے کے حوالے سے طے پانے والے معاہدے کا خیر مقدم کرتے ہوئے کہا ہےکہ یہ معاہدہ یورپ کو گیس کی فراہمی یقینی بنانے کے لیے ایک اچھا اور اہم فیصلہ ہے۔ واضح رہے کہ جرمنی ایک تہائی گیس کی اپنی ضروریات روسی گیس سے پوری کرتا ہے۔ روس اور یوکرائن کے مابین یہ معاہدہ پیر کی رات دیر گئے ویانا میں طے پایا ہے۔ روس سے یورپ کو زیر سمندر نارڈ اسٹریم پائپ لائن کے ذریعے گیس پہنچتی ہے۔ جرمن چانسلر انجیلا میرکل نے کہا ہے کہ 2020ء کی دہائی بہتر ثابت ہو سکتی ہے۔ عوام کے نام اپنے ایک پیغام میں میرکل نے مزید کہا کہ بہتر تبدیلی اسی صورت میں ممکن ہے، جب عوام عزم اور کھلے ذہن کے ساتھ نئے تجربات اور تبدیلیوں کے لیے تیار رہیں۔ انہوں نے خاص طور پر ڈیجیٹیلائزیشن، افریقہ سے نقل مکانی کی وجوہات پر قابو پانے کی کوششوں اور ماحولیاتی تبدیلیوں کو روکنے ...

ایرانی خبر رساں ایجنسی کے مطابق ایرانی پاسداران انقلاب نے ابوموسیٰ جزیرے کے پاس سے ملائشین بحری جہاز پکڑ لیا، ایرانی حکام کے مطابق جہاز مشتبہ طور پر تیل اسمگل کر رہا تھا۔ ایرانی خبر رساں ایجنسی کے مطابق جہاز میں 13 لاکھ 12 ہزار لیٹر تیل تھا، پاسداران انقلاب نے بحری جہاز میں سوار 16 افراد کو حراست میں لے لیا جن کا تعلق ملائشیا سے ہے، ایرانی حکام کے مطابق یہ چھٹا جہاز ہے جس کو تیل کی اسمگلنگ کے الزام میں تحویل میں لیا گیا ہے۔ واضح رہے کہ ابوموسیٰ جزیرہ آبنائےہرمز کے قریب واقع ہے جہاں بحری جہاز کو پکڑا گیا۔...

صدر ٹرمپ کی جانب سے  اپنے مواخذے کا سبب بننے والے وسل بلوئر اور سی آئی اے ملازم کا نام سوشل میڈیا پر افشا کرنے کے بعد خود ان کی پارٹیان کا محاسبہ کر رہی ہے کہ وہ ٹوئٹر پر محتاط رہیں۔ ٹرمپ نے جمعے کی رات ایک ٹوئٹ اپنے چھ کروڑ اسی لاکھ فالورز کے لیے ری شیئر کر دی تھی، جس کے بعد امریکی صدر کے خلاف شدید ردعمل دیکھنے میں آیا۔ ٹویٹ میں واضح طور وسل بلوئر کا نام موجود ہے اور کہا گیا ہے کہ اس نے یوکرائن سکینڈل کا سبب بننے والی شکایت درج کرا کر اپنے حلف کی خلاف ورزی کی۔ ٹرمپ کے اہم اتحادی اور ری پبلکن سینیٹر جان کینیڈی نےاتوار کو فاکس نیوز سے گفتگو میں کہا کہ اگر صدر بہت زیادہ ٹویٹس سے گریز کریں، تو اس سے ان کے دماغ کو کوئی نقصان نہیں پہنچے گا، لیکن صدر صاحب کے لیے ضروری نہیں کہ وہ میرا مشورہ سنیں، نہ ہی میں ان سے اس کی توقع کرتا ہوں۔‘ ٹرمپ امریکی تاریخ کے تیسرے صدر ہیں جنہیں مواخذے کا...

جرمنی کے ڈریسڈن عجائب گھر میں ہونے والی چوری کو تاریخ میں نوادرات کی ’سب سے بڑی چوری‘ کہا جا رہا ہے کیوںکہ اس میں چور متوقع طور پرایک ارب یورو تک کے قدیم زیورات چرا لے گئے۔ پولیس نے عجائب گھر کی عمارت کو فوری طور پرسیل کر دیا ہے اور یہ پتہ لگانے کی کوشش کر رہی ہے کہ کیا کچھ چوری ہوا ہے۔ ترجمان مارکولاسکے نے کہا کہ ’ہم نے کسی چور کو شناخت نہیں کیا اور نہ ہی اب تک کسی کو گرفتار کیا گیا ہے۔‘ جرمن اخبار بلڈ کے مطابق چوروں نے پیر کی صبح ڈریسڈن گرین والٹ عجائب گھر کی بجلی کاٹ دی۔ اخبار نے کسی ذریعے کا حوالہ دیے بغیر کہا ہے کہ چور کھڑکی کے راستے عجائب گھر میں داخل ہونے میں کامیاب ہوئے۔چوری شدہ نوادرات کی مالیت 50 کروڑ یورو (42 کروڑ 80 لاکھ پاؤنڈ) سے زیادہ متوقع ہے اور اگر ایسا ہے تو تاریخ میں یہ نوادرات کی سب سے بڑی چوری ہوگی۔ جرمن اخبار نے لکھا ہے کہ چوروں نے زیادہ تر زیورات، ہیرے اور ج...

چین ،چینی کمیونسٹ پارٹی کی سوشلسٹ اقدار کو ظاہر کرنے کے لئے ترجمہ شدہ "کلاسک مذہبی کتابوں" کو دوبارہ لکھنے کا ارادہ رکھتا ہے۔ یہ حکم کمیٹی برائے نسلی امور کے زیر اہتمام نومبر میں ایک اجلاس کے دوران دیا گیا تھا جو ملک کے تمام مذہبی امور کی ذمہ دار ہے۔ براہ راست قرآن اور بائبل کا ذکر نہ کرتے ہوئے ، کمیٹی ایسے مذہبی احکامات کا ایک جامع جائزہ لینے کا ارادہ رکھتی ہے ، جو مبینہ طور پر "زمانے کی پیشرفت کے مطابق نہیں ہیں" اور جنھیں"صدر شی جن پنگ کے عہد" کے ساتھ ہم آہنگ ہونے کی ضرورت ہے۔تاہم چین میں اویغورمسلمانوں کے ساتھ حکومت کا رویہ مدنظر رکھتے ہوئے اس بات کی توقع ہے کہ حکومت چین قرآن میں تحریف کی مرتکب ہو سکتی ہے ترجمہ شدہ "کلاسک مذہبی کتابوں" کے نظرثانی شدہ ایڈیشن جن میں بدھ مت کے سترا بھی شامل ہوں گے کو کمیونسٹ پارٹی کے اصولوں کے خلاف نہیں ہونا چاہئے اور نہ ہی اسے ریاستی اقدار کے...

ہالینڈ، نیدرلینڈز کا ایک خطہ ہے، جس میں مشہور ڈچ شہر ایمسٹرڈیم، روٹرڈیم اور دی ہیگ شامل ہیں۔ جنوری سے نیدرلینڈز، سرکاری طور پر اپنے تمام ادبی اور مارکیٹنگ مواد سے ’ہالینڈ‘ کا نام خارج کردے گا۔ واضح رہے کہ ہالینڈ، نیدرلینڈز کا ایک خطہ ہے، لیکن یہ نام اکثر و بیشتر نیدرلینڈز کی شناخت کے طور پر استعمال کیا جاتا ہے۔ تاہم جنوری سے نیدرلینڈز، سرکاری طور پر اپنے تمام ادبی اور مارکیٹنگ مواد سے ’ہالینڈ‘ کا نام خارج کردے گا، جس کے بعد ملک کو اس کے سرکاری نام ’نیدر لینڈز‘ سے پکارا جائے گا۔ سڈنی مارننگ ہیرالڈ کے مطابق اس ری برانڈنگ (نام خارج کرنے) پر دو لاکھ یوروز کی لاگت آئے گی، جو ملک کے تشخص کو دوبارہ اجاگر کرنے کی مہم کا ایک حصہ ہے۔ یہ پیش رفت ایک ایسے وقت پر سامنے آئی جب نیدرلینڈز یوروویژن سونگ کونٹیسٹ کی میزبانی کے ساتھ ساتھ 2020 میں ٹوکیو اولمپک گیمز میں شرکت کرنے جارہا ہے۔ ڈچ نیوز ک...

امریکہ نے عراق میں ایران کے حامی عسکریت پسند گروپ کتائب حزب اللہ کے خلاف فضائی حملوں میں 19 جنگجوؤں کو ہلاک کر دیا۔ پینٹاگون نے اتوار کو بتایا کہ اس نے مغربی عراق میں مذکورہ گروپ سے جڑے اسلحہ ڈپو اور کمانڈ اینڈ کنٹرول سسٹم کو نشانہ بنانے کے علاوہ مشرقی شام میں بھی کارروائیاں کی ہیں۔ پینٹاگون کے مطابق یہ کارروائیاں جمعے کو 30 سے زائد راکٹ حملوں کا ردعمل ہے۔ بغداد کے شمال میں کرکوک میں قائم عراقی فوجی اڈے پر جمعے کو ہونے والے راکٹ حملے میں ایک امریکی سویلین کنٹریکٹر ہلاک جبکہ چار امریکی سروس رکن اور عراقی سکیورٹی اہلکار زخمی ہوئے تھے۔وزیر خارجہ مائیک پومپیو نے کہا کہ ’ایران کی ایسی کارروائیوں کو ہرگز قبول نہیں کیا جائے گا جو امریکیوں کو خطرے میں ڈالیں۔‘ دوسری جانب امریکی وزیر دفاع مارک ایسپر نے فضائی حملوں کو کامیاب قرار دیتے ہوئے کہا کہ ’ایران یا دوسرے جنگجو گروپوں کے برے رویے سے نمٹن...