Urdu

بھارتی وزیر اعظم نریندر مودی کی ہندو قوم پرست جماعت بھارتیہ جنتا پارٹی نئی دہلی کے ریاستی انتخابات میں بد ترین شکست کا سامنا کرنا پڑا ہے۔ بھارتیہ جنتا پارٹی نے انتخابی مہم میں شہریت سے متعلق قانون میں متنازعہ ترامیم پر عوام کی حمایت حاصل کرنے کی کوشش کی تھی اس کے علاوہ مقبوضہ کشمیر کے حوالے سے آرٹیکل370 کی منسوخی کو بھی ہندو انتہا پسندوں کی نظر میں حکومت کا ایک اہم کارنامہ اور ووٹ بینک بڑھانے کا اہم ذریعہ سمجھا جا رہا تھا لیکن عوامی رائے نے حکومت کے ان دونوں اقدامات کو مسترد کر دیا ہے۔ ان انتخابات میں عام آدمی پارٹی نے کُل 70 میں سے 62 نشستوں پر کامیابی حاصل کی اور اس طرح اروند کیجریوال دوسرے مدت کے لیے نئی دہلی کے وزیر اعلیٰ منتخب ہو جائیں گے۔ مودی نے اس کامیابی پر عام آدمی پارٹی کو مبارکباد دی ہے۔ دوسری جانب نتائج کے اعلان سے قبل بھارتیہ جنتا پارٹی کی کامیابی کے دعوے کرنے والے رہنماؤ...

چین میں کورونا وائرس سے متاثرہ مزید 97 افراد ہلاک ہوگئے جس کے بعد ہلاکتوں کی تعداد 900 سے تجاوز کر گئی۔ ہیلتھ کمیشن کے مطابق چین میں کورونا وائرس سے اموات کی تعداد 908 ہو گئی ہے۔چین کے نیشنل ہیلتھ کمیشن کے مطابق کورونا وائرس کے مزید 3 ہزار 62 کیسز رپورٹ ہوئے ہیں جس کے بعد متاثرہ افراد کی تعداد 40 ہزار 171 ہو گئی ہے۔ عالمی ادارہ صحت کے ماہرین کی ایک ٹیم چین کے دارالحکومت بیجنگ روانہ کر دی گئی ہے جو کورونا وائرس کے پھیلاؤ کی وجوہات کی تحقیقات کرے گی۔جاپان میں لنگرانداز بحری جہاز میں کورونا وائرس کے مزید 6 کیسز رپورٹ ہوئے ہیں جس کے بعد مریضوں کی تعداد 69 ہو گئی ہے۔ مختلف ممالک چین سے اپنے لوگوں کو نکالنے کی مسلسل کوشش میں ہیں ۔ امریکہ کی دو پروازیں ووہان سے امریکی شہریوں کو لےکر امریکہ پہنچ گئی ہیں۔ترجمان امریکی محکمہ خارجہ کا اس حوالے سے کہنا ہے کہ چین سے 800 سے زائد امریکیوں کو نکالا ...

ايران کے سپریم لیڈر آیت اللہ علی خامنہ ای نے اس بات پر زور دیا ہےکہ اسلامی جمہوریہ ایران کو ’’دشمنوں کی چالوں‘‘ اور جنگ سے بچنے کے لیے خود کو مضبوط بنانا چاہیے۔دشمن ایران کے اندر بھی سازشوں کے جال پھیلا رہے ہیں ایران کو ان سے بھی چوکنا رہنے کی ضرورت ہے ۔انھوں نے مزید کہا کہ ایران اپنی ایٹمی صلاحیت کو بڑھانے کی ہر ممکن کوشش کرے گا ۔ ہفتے کے روز ایرانی فضائیہ کے عملے اور کمانڈرز سے خطاب میں آیت اللہ خامنہ ای نے کہا کہ ایرانی انقلاب کے بعد سے امریکہ کے دباؤ اور پابندیوں کے باوجود ایران کے پاس ایک مضبوط ایئر فورس موجود ہے۔ واضح رہے کہ پچھلے ماہ جنوری میں بغداد میں ایک امریکی ڈرون حملے میں ایرانی جنرل قاسم سلیمانی کی ہلاکت کے بعد سے واشنگٹن اور تہران کے درمیان کشیدگی میں اضافہ ہوگیا تھا۔...

چین کے شمال مغربی صوبے سنکیانگ میں گزشتہ چند برسوں کے دوران انسانی حقوق کی صورتحال مزید خراب ہوگئی ہے۔ ان کیمپوں میں ایغور برادری پر جنسی تشدد بھی کیا جاتا ہے اور جسمانی تشدد سے اموات بھی ہوئی ہیں واضح رہے کہ جرمن وزارت خارجہ نے یہ رپورٹ انسانی حقوق کی تنظیموں، وکلاء ، مغربی ممالک کے سفارت خانوں اور بین الاقوامی تنظیموں کی معلومات کی روشنی میں تشکیل دی ہے۔ چین میں انسانی حقوق کی مبینہ خلاف ورزیوں کے بارے میں جرمن وزارت خارجہ نے یہ رپورٹ گزشتہ برس دسمبر میں تیار کی تھی۔یاد رہے کہ چین کے شمال مغربی صوبے سنکیانگ میں ایغور کمیونٹی ترکی النسل سنی مسلمان ہیں اوران کی زبان ترک زبان سے مماثلت رکھتی ہے ۔ چین میں انسانی حقوق کے جائزے کی اس رپورٹ میں جرمن وزارت خارجہ نے مزید بتایا کہ سنکیانگ میں تقریباﹰ ایک کروڑ ایغور مسلمان آباد ہیں اور ان میں سے دس لاکھ افراد نظربند یا پھر چینی حکام کے حراستی مرا...

این این آئی( 05 فروری2020ء)برطانیہ نے ماحولیاتی مسائل سے نمٹنے کے لیے 2035 کے بعد پیٹرول، ڈیزل اور ہائبرڈ گاڑیوں کی فروخت پر پابندی کا اعلان کردیا۔برطانوی وزیراعظم بورس جانسن نے اس پالیسی کا اعلان اسکاٹ لینڈ کے شہر گلاسگو میں اقوام متحدہ کے تحت ہونے والی ماحولیاتی مسائل سے متعلق کانفرنس کے دوران کیا۔ بورس جانسن نے اپنے خطاب میں کہا کہ 2020 ماحولیات کے حوالے سے عملی اقدام اٹھانے کے لیے اہم اور بنیادی سال ہے۔تقریب سے قبل اپنے ایک بیان میں بورس جانسن کا کہنا تھا کہ پیٹرول، ڈیزل اور ہائبرڈ گاڑیوں کی فروخت پر پابندی 2035 سے قبل بھی لگائی جاسکتی ہے۔برطانوی وزیراعظم کا کہنا تھا کہ 2050 تک کاربن فری ملک کا ہدف ہمارے لیے انتہائی اہم ہے اور یہ زمین کے تحفظ کے حوالے سے ہماری ذمہ داری ہے۔ برطانوی وزیراعظم کا مزید کہنا تھا کہ یہ کانفرنس ناصرف برطانیہ بلکہ ساری دنیا کے ممالک کے لیے ماحولیاتی تبدیل...

روس نے کہا ہے کہ اس کو چین میں پھیلنے والے مہلک کرونا وائرس کے علاج کے لیے ویکسین کی تیاری میں آٹھ سے دس ماہ لگیں گے۔ روس کی خبررساں ایجنسی انٹرفیکس کے مطابق وزیر صحت میخائل مراشکو نے بدھ کو ایک بیان میں کہا ہے کہ ’’آج ویکسین کی تیاری کوئی مختصر دورانیے کا عمل نہیں ہے۔(کرونا وائرس کی) ایک ویکسین تیار کی جارہی ہے اور اس میں کم سے کم آٹھ سے دس ماہ لگیں گے۔یہ کسی کلینیکی آزمائش کے بغیر ابتدائی مرحلہ ہے۔‘‘ واضح رہے کہ کرونا وائرس کی ذیلی اقسام میں سے انسانوں کے لیے تین ہلاکت خیز وائرسوں میں سے دو چین سے پھوٹے ہیں۔ اول، سیویئر ریسپریٹری سنڈروم (سارس) ، دوسرا مڈل ایسٹ ریسپائریٹری سنڈروم (مرس) مشرقِ وسطیٰ سے اور اب تیسرا 2019 nCoV بھی چین کے شہر ووہان سے پھیلا ہے۔ووہان وائرس سانس کی اوپری نالی پر حملہ کرتے ہوئے سانس کے نچلے نظام کو متاثر کرتا ہے اورجان لیوا نمونیا یا فلو کی وجہ بن سکتا ہے۔...

امریکی صدر ڈونلڈ ٹرمپ کی طرف سے پیش کیا جانے والا نام نہاد امن منصوبہ دراصل اسرائیل نواز منصوبہ ہے جو ٹرمپ کی موت سے پہلے ہی ختم ہو جائے گا۔تہران میں ایک تقریب سے خطاب کرتے ہوئے ایرانی سپریم لیڈرکا کہنا تھا کہ فلسطین صرف فلسطینیوں کا ہے اوراس کے بارے میں فیصلہ کرنے کا حق بھی انہی کا ہے۔ واشنگٹن اورتل ابیب کون ہوتے ہیں دوسروں کی زمین اور گھروں کا فیصلہ کریں۔ انہوں نے ٹرمپ کے مشرق وسطیٰ کے منصوبے کو احمقانہ اورشیطانی قرار دیا۔ واضح رہے کہ صدر ٹرمپ کی جانب سے پیش کردہ حالیہ فلسطین منصوبے کو مسلم ممالک کی جانب سے شدید تنقید کا سامنا ہے۔ فلسطینی صدر محمود عباس نے اس منصوبے کو مسترد کر دیا تھا اور چند روز قبل ہونے والے او آئی سی اجلاس میں بھی اس منصوبے کو فلسطینی مفادات کے خلاف قراردیتے ہوئے مسترد کر دیا گیا تھا۔...

ڈیفنس انسٹیٹیوٹ آف سائیکالوجیکل ریسرچ کی رپورٹ کے مطابق سال 2010 سے 2019 کے دوران 1110 بھارتی فوجیوں نے خودکشی کی، جن میں185 فضائیہ 895 بری اور32 بحریہ کے اہل کار شامل ہیں مجموعی طور پر بھارتی فوج میں خودکشی کی شرح 16.5 افراد فی لاکھ ہے  ۔ بھارتی وزارت دفاع کے مطابق گزشتہ چند سال کے دوران فوجیوں میں تناؤ کم کرنے کےلئے متعدد اقدامات کئے گئے، جن میں کونسلنگ اور یوگا کے علاوہ خوراک، لباس، رہائش اور چھٹیوں کی پالیسی سے متعلق شکایات کا ازالہ شامل ہیں۔ تاہم مزید اقدامات کرنے کی ضرورت ہے۔ پاکستان کی غیر محفوظ سرحد پر طویل تعیناتی، شورش زدہ مقبوضہ جموں و کشمیر اور شمال مشرقی ریاستوں میں بغاوت جیسے حالات فوجیوں کی جسمانی و ذہنی صحت کو بری طرح متاثر کرتے ہیں۔ وہ اپنے اہل خانہ کے مسائل کی وجہ سے سخت تناؤ کا شکار رہتے ہیں، جس میں پراپرٹی کے تنازعات کے علاوہ مالی اور ازدواجی مسائل شامل ہیں۔ ...

ایران کے نائب صدر اسحاق جہانگیری کا کہنا ہے کہ امریکی پابندیوں نے ایرانی معیشت کا گلا گھونٹ کر رکھ دیا ہے اور ایران بنکوں پر عائد کردہ پابندیوں کی وجہ سے ایک ڈالر بھی اندرونِ ملک نہیں لا سکتا۔ یاد رہے کہ ایرانی حکومت کی طرف سے بار بار کہا جاتا رہا ہے کہ تہران پر لگائی گئی امریکی پابندیاں غیر مؤثر ثابت ہو رہی ہیں مگر ایران کے نائب صدر نے نہ چاہتے ہوئے بھی سچ کہہ دیا ہے۔ خبر رساں ادارے 'ایسنا' کے مطابق ایرانی نائب صدر اسحاق جہاںگیری نے منگل کو ایک بیان میں کہا کہ امریکہ کی ایرانی بنکاری نظام پرعائد کی گئی پابندیوں سے ایران ایک ڈالر بھی بیرون ملک سے نہیں لا سکتا۔ حتیٰ کہ ہم بیرون ملک اپنی رقوم بھی نہیں لا پا رہے ہیں۔ انہوں نے کہا کہ ایرانی تیل پر عائد پابندیاں اب تک کی سب سے زیادہ سخت پابندیاں ہیں۔ اوران کو پوری دنیا میں نافذ کرنے کی کوشش کی جاتی ہے۔ ہمارے تیل بردار جہازوں کا تعاقب...

فرانسیسی خبررساں ادارے اے ایف پی کے مطا بق گذشتہ جمعے کو امریکی حکومت کی جانب سے جدید اور خود تباہ ہوجانے والی بارودی سرنگوں کے استعمال کی اجازت دے دی گئی ہے اور کہا گیا ہے کہ یہ محفوظ ہیں امریکی محکمہ دفاع پینٹاگون کا کہنا ہے کہ روایتی بارودی سرنگیں جن کو بچھانے کے بعد انہیں بے اثر اور تباہ نہیں کیا جاسکتا، ان  پر اب بھی پابندی ہوگی۔پینٹا گون کے مطابق نئی اور جدید بارودی سرنگیں 30 دن کے بعد خود بخود تباہ ہوجائیں گی جب کہ ضرورت پڑنے پر انہیں اپنی مرضی کے وقت کم از کم 2 گھنٹوں میں بھی تباہ کیا جاسکتا ہے۔ خیال رہے کہ 160 سے زائد ممالک اوٹاوا کنونشن پر دستخط کرچکے ہیں جو کہ ان ممالک کو بارودی سرنگوں کے خاتمے کےلیے اقدامات کرنے کا پابند بناتا ہے۔ دوسری جانب یورپی یونین نے امریکی صدر کی جانب سے بارودی سرنگوں کے استعمال پر عائد پابندی اٹھانے کے فیصلے کی شدید مذمت کی ہے۔ یورپی یونین ...