Urdu

چین میں کورونا وائرس کے باعث ہلاک ہونے والوں کی تعداد 500 تک پہنچ گئی۔چینی حکام کے مطابق کورونا وائرس کے باعث ہوبائی میں مزید 65 افراد ہلاک ہو گئے ہیں جس کے بعد پراس مرض سے ہلاکتوں کی تعداد 490 ہو گئی ہے۔چین کے نیشنل ہیلتھ کمیشن کے مطابق کورونا وائرس کے مزید 3 ہزار 800 سے زائد متاثرین سامنے آئے ہیں جس کے بعد متاثرہ مریضوں کی تعداد25 ہزارکے قریب پہنچ گئی ہے۔ عالمی ادارہ صحت کے سربراہ ٹیڈروس ایڈھنوم گبریسسوس نے بین الاقوامی کمیونٹی سے بڑے پیمانے پر اظہار ہمدردی کی اور خطرناک کورونا وائرس کے حوالے سےاعدادوشمارشیئر نہ کرنے والی حکومتوں کو تنقید کا نشانہ بھی بنایا۔ان کا کہنا ہے تھا چین کے علاوہ جن ممالک میں کورونا وائرس پایا گیا وہاں سے صرف 38 کا ڈیٹا موصول ہوا۔...

یمن میں القاعدہ کے سربراہ قاسم الریمی کی امریکی فضائی حملے میں ہلاک ہو گئے۔امریکی اخبار نیو یارک ٹائمز کے مطابق امریکہ نے کئی ماہ کی جاسوسی اور فضائی نگرانی کے بعد جنوری میں یمن میں القاعدہ کے سربراہ قاسم الریمی پر فضائی حملہ کیا تھاجس میں ان کی ہلاکت کی اطلاعات ہیں۔ نیو یارک ٹائمز کی رپورٹ کے مطابق سی آئی اے کو نومبر میں ایک مخبر کی جانب سے یمن میں قاسم الریمی کی موجودگی کی اطلاع ملی جس کے بعد سی آئی اے نے قاسم الریمی کی باقاعدہ جاسوسی شروع کردی۔رپورٹ کے مطابق امریکی فضائی حملے میں قاسم الریمی ہلاک ہو گئے ہیں تاہم پینٹاگون نے اب تک اس بات کی تصدیق نہیں کی ہے۔ امریکی فوجی حکام کا کہنا ہے کہ ہمیں اس قسم کے حملے کی کوئی اطلاع نہیں ہے جب کہ نیشنل سیکیورٹی کونسل کے حکام نے اس حوالے سے بات کرنے سے معذرت کی ہے۔خیال رہے کہ امریکہ نے قاسم الریمی کے سر کی قیمت ایک کروڑ ڈالر مقرر رکھی ہے۔...

سینیئر بھارتی سیاستدان اور کانگریس کے رہنما ششی تھرور نے مودی حکومت پر تنقید کرتے ہوئے کہا ہے کہ بھارت میں قائد اعظم محمد علی جناح کا دو قومی نظریہ جیت رہا ہے۔ لوک سبھا کے رکن ششی تھرور کا کہنا تھا کہ اگر متنازع شہریت بل کو نافذ کیا گیا تو یہ بانی پاکستان محمد علی جناح کے نظریے کی جیت ہوگی۔ششی تھرور کا کہنا تھا کہ اسی طرح شہریت کے قانون سمیت دیگر متنازع قوانین جیسے این سی آر (نیشنل رجسٹریشن سرٹیفکیٹ) اور این پی آر (نیشنل پاپولیشن رجسٹریشن) کا اطلاق کیا گیا تو سمجھیں کہ محمد علی جناح کی جیت مکمل ہوگئی۔ انھوں نے مزید کہا کہ بھارتی حکومت کے غیرقانونی اور متنازع شہریت قانون سےایک خاص کمیونٹی کو نشانہ بنایا جارہا ہے اور لہٰذا آج اگر جناح ہوتے تو وہ یہ کہ سکتے تھے کہ ان کا دو قومی نظریہ حق پر تھا اور مسلمان ایک علیحدہ وطن کے حقدار تھے کیونکہ ہندو اور مسلمان ایک نہیں ہوسکتے۔ خیال رہے کہ...

برطانوی وزیر خارجہ ڈومینک ریپ نے فلسطین کے دریائے اردن کے مغربی کنارے کے بعض علاقوں کو اسرائیل میں شامل کیے جانے کے امکانات پر گہری تشویش کا اظہار کیا ہے۔ ڈومینک ریپ نے جمعہ کے روز ایک بیان میں کہا کہ اگر اسرائیل یک طرفہ طور پر غرب اردن کے علاقوں کو اسرائیل میں شامل کرے گا تو اس سے امن کے لیے مذاکرات کی کوششوں کو شدید دھچکا لگے گا۔ مسٹر ڈومینک ریپ نے مزید کہا کہ برطانیہ کو ان خبروں پر تشویش ہے کہ اسرائیل مغربی کنارے کے بعض مقامات اپنی باقاعدہ خود مختاری میں شامل کرنا چاہتا ہے۔ یہ ایک یک طرفہ اقدام ہوگا جس کے نتیجے میں امن کی کوششیں بری طرح متاثر ہوں گی۔گذشتہ منگل کے روز امریکی صدر ڈونلڈ ٹرمپ نے مشرق وسطیٰ کے لیے اپنے طویل امن منصوبے کا اعلان کیا۔ اس منصوبے میں امریکی صدر نے ایک برائے نام فلسطینی ریاست کا تصور پیش کیا ہے انہوں نے فلسطینی ریاست اور اسرائیل کا مجوزہ نقشہ بھی جاری کیا...

امریکی صدر ڈونلڈ ٹرمپ کی طرف سے مشرق وسطیٰ میں متعارف کرائی گئی خود ساختہ امن ڈیل کے بعد ترکی کے صدر رجب طیب اردوان کا کہنا ہے کہ امن معاہدے کو یکسر مسترد کرتے ہیں، بیت المقدس ہمارے ہاتھ سے چلا گیا تو پھر ہم مدینہ اور مکہ کو نہیں بچاپائیں گے۔ بیت المقدس کا مطلب استنبول، اسلام آباد، جکارتا، مدینہ، قاہرہ، دمشق اور بغداد ہے۔ فلسطین کو تقسیم کرنے کے امریکی منصوبے پر شدید رد عمل کا اظہار کرتے ہوئے طیب اردوان کا کہنا تھا کہ بیت المقدس برائے فروخت نہیں ہے، ٹرمپ کی ڈیل فلسطین پر قبضے کا منصوبہ ہے جسے مسترد کرے ہیں۔ فلسطین بھائیوں کی جدوجہدِ آزادی کی ہر سطح پر حمایت جاری رکھیں گے۔ترک صدر کا مزید کہنا تھا کہ بڑھتے ہوئے عالمی دباؤ اور نامساعد حالات کے باوجود فلسطین پر اپنے موقف سے ایک قدم بھی پیچھے نہیں ہٹیں گے۔ان کا کہنا تھا کہ اسرائیل سے آزادی فلسطین کی تقدیر ہے اور فلسطین کی تقدیر کوئی تبدیل...

چين ميں کورونا وائرس سے متاثرہونے والے افراد کی تعداد گیارہ ہزار سے بھی تجاوز کر گئی ہے۔ تازہ اطلاعات کے مطابق 45 مزيد افراد اِس وائرس کی وجہ سے ہلاک ہوگئے ہیں جس کے بعد ہلاک ہونے والوں کی کل تعداد بڑھ کر تقریبا دو سو ساٹھ ہو گئی ہے۔ ہلاک ہونے والوں ميں زيادہ تر عمر رسيدہ افراد تھے اور تقريباً سب ہی کا تعلق ہوبائی صوبے سے تھا، جس کا صدر مقام ووہان شہر ہے۔ یہ وباء اسی شہر سے پھیلی ہے۔ تاہم چینی صوبائی حکام کی جانب سے حتمی اعداد و شمار ابھی تک جاری نہیں کیے گئے۔ اقوام متحدہ میں چینی سفیر کا کہنا ہے کہ کرونا وائرس کو شکست دینے کی کوشش میں چین اس وقت مشکل حالات میں ہے جس کے لیے عالمی یکجہتی ضروری ہے۔ چینی شہر ووہان میں کرونا وائرس سے نمٹنے کے لیے دو ہسپتالوں کی تعمیر کا کام بھی جاری ہے جو تین فروری تک آپریشنل ہو جائے گا۔ دوسری جانب چین میں کرونا وائرس کی بڑھتی وبا سے ماسک کی قلت پیدا ہ...

بالآخر برطانیہ 47 سال بعد یورپی یونین سے الگ ہوگیا ۔ پورے برطانیہ میں اہم عمارتیں برطانوی پرچم کے رنگ میں رنگ گئیں۔ پارلیمنٹ سکوائر سمیت ملک بھر میں بریگزٹ کی حمایت میں جشن منائے گئےاورریلیاں نکالی گئیں جبکہ ٹین ڈاؤننگ سٹریٹ میں حامی اور مخالف آمنے سامنے آگئے۔ برطانوی وزیراعظم کی رہائش گاہ پر روشن کی گئی گھڑی نے یونین سے علیحدگی کا اعلان کیا۔ بیلجیم میں برطانوی سفارتخانے سے یورپی یونین کا پرچم اتار دیا جبکہ برسلز میں یورپی پالیمنٹ کی بلڈنگ سے یونین جیک بھی ہٹا دیا گیا۔ بریگزٹ پرعمل سے کچھ گھنٹےپہلے برطانوی کابینہ کا علامتی اجلاس ہوا جس کے بعد جاری بیان میں وزیراعظم بورس جانسن نے کہا ہے کہ بریگزٹ ان کی زندگی کی سب سے بڑی خوشی ہے، بریگزٹ ایک نیا سحر ہے اور یہ موقع دوبارہ حاصل کردہ خود مختاری کو عوام کی خواہشات کے مطابق استعمال کرنے کا ہے، اب برطانیہ میں نئے دور کا سورج طلوع ہوگا۔ دو...

انسانی حقوق کی عالمی تنظیم ایمنسٹی انٹرنیشنل نے کہا ہے کہ ایشیا میں آمرانہ طرز حکمرانی کے سبب انسانی حقوق کے لیے کام کرنے والوں کے لیے خطرات بڑھتے جا رہے ہیں۔ اپنی سالانہ رپورٹ میں ایمنسٹی نے دنیا میں آبادی کے لحاظ سے سب سے بڑے دو ممالک، بھارت اور چین، پر تنقید کرتے ہوئے کہا کہ وہاں اقلیتی برادریوں کو نشانہ بنایا جا رہا ہے اور حکام انہیں قومی سلامتی کے لیے خطرے کے طور پر پیش کر رہے ہیں۔ واضح رہے کہ اس سے پہلے ترجمان امریکی محکمہ خارجہ بھی اپنی ایک پریس کانفرنس میں بھارت کو سخت تنقید کا نشانہ بنا چکی ہیں ۔ ترجمان کا کہنا تھا کہ مذہبی آزادی اوریکساں سلوک جمہوریت کے بنیادی اصول ہیں اس لیے بھارت آئین اور جمہوری اقدار کو مدنظر رکھتے ہوئے مذہبی اقلیتوں کے حقوق کا تحفظ کرے اور متنازع شہریت بل کے خلاف مظاہرین کے پُرامن احتجاج کے حق کا تحفظ اور احترام کیا جائے ۔ امریکی نمائندگان نے چین میں ...

عالمی ادارہ صحت (ڈبلیو ایچ او) نے آج جمعرات کو جنیوا میں ایک ہنگامی اجلاس طلب کیا ہے جس میں چین سے پھیلنے والے کورونا وائرس کو ’بین الاقوامی ایمرجنسی‘ قرار دینے پر غور ہوگا۔ ڈبلیو ایچ او نے کہا کہ ابتدائی طور پر اس پراسرار وائرس کے خطرات کوسنگین قرار نہ دینے پر ادارے کو افسوس ہے۔ واضح رہے کہ اس ادارے کے سولہ رکن ممالک کے ماہرین نے پچھلے ہفتے ہونے والے ایک اجلاس میں کرونا وائرس سے بگڑتی صورت حال پر غور کے بعد یہ فیصلہ کیا تھا کہ کورونا وائرس سے پیدا ہونے والی صورتحال اتنی سنگین نہیں لہٰذا اسے صحت کی ’عالمی ایمرجنسی‘ قرارنہں دیا جائے گا۔ یاد رہے کہ ڈبلیو ایچ او کی تاریخ میں صرف پانچ بار ایسا ہوا ہے کہ جب کسی جان لیوا وبا کے تیزی سے پھیلنے کے باعث ہنگامی حالات کا اعلان کیا گیا ہو۔ حالیہ برسوں میں ادارے نے ایبولا وائرس اور سوائن فلُو سے متعلق انٹرنیشنل ایمرجنسی کا اعلان کیا تھا۔...

'اسٹاک ہوم انٹرنیشنل پیس ریسرچ انسٹی ٹیوٹ' نے اپنی رپورٹ میں بتایا ہے کہ چین امریکہ کے بعد دنیا بھر میں اسلحہ تیار کرنے والا دوسرا بڑا ملک بن گیا ہے۔انسٹی ٹیوٹ کی رپورٹ میں کہا گیا ہے کہ تازہ اعدادوشمار سے ظاہر ہوتا ہے کہ چین دنیا بھر میں اسلحہ سازی کے میدان میں دوسرے نمبر پر آگیا ہے۔ انسٹی ٹیوٹ نے اپنی سالانہ رپورٹ میں کہا ہے کہ اس نے "بڑی چینی کمپنیوں کی اسلحہ کی فروخت کے حجم کا سنہ 2015 سے 2017ء کے دوران کے لئے متعلقہ معلومات کا تعین کیا۔ اس دوران چین کی تین شعبوں کے اسلحہ سے متعلق چار بڑی کمپنیوں کی اسلحہ سازی کے ریکارڈ کا جائزہ لیا گیا۔ ان میں ہوا بازی، الیکٹرانکس اور زمینی نظام کے شعبے شامل ہیں۔ رپورٹ کے مطابق اسلحہ اور فوجی ساز و سامان کی تیاری کے لیے دنیا کی سب سے بڑی 100 کمپنیوں کی سالانہ درجہ بندی میں چینی اسلحہ ساز کمپنیوں کو شامل نہ کرنے کی وجہ چینی کمپنیوں کے ہتھیاروں کی...