نینسی پلوسی نے امریکی صدارت کے لئے ٹرمپ کو نااہل قراردیتے ہوئے کہا ہے کہ عوام کو اس بات کا جواب چاہیے کہ آخر کرونا کیسز کم دکھانے کے لیے کورونا ٹیسٹنگ سست کیوں کی گئی ٹرمپ کی یہ حرکت ان کی اخلاقی پستی کا پتہ دیتی ہے۔ یاد رہے کہ صدر ٹرمپ نے اقرار کیا تھا کہ انہوں نے اہلکاروں کو حکم دیا تھا کہ ٹیسٹ سست رفتاری سے کیے جائیں تاکہ کم کیسز سامنے آئیں۔
امریکی خبار نیویارک ٹائمز کے مطابق امریکی ایوان نمائندگان کی اسپیکر نینسی پلوسی نے امریکی صدارت کے لئے ٹرمپ کو نااہل قراردیتے ہوئے کہا ہے کہ عوام کو اس بات کا جواب چاہیے کہ آخر کیسز کم دکھانے کے لیے کورونا ٹیسٹنگ سست کیوں کی گئی۔ صدر ٹرمپ نے کہا تھا کہ انہوں نے اہلکاروں کو حکم دیا تھا کہ ٹیسٹ سست رفتاری سے کیے جائیں تاکہ کم کیسز سامنے آئیں۔ امریکی ایوان نمائندگان کی اسپیکر نینسی پلوسی نے کہا کہ صدر ٹرمپ اخلاقی طور پر ٹھیک نہیں اور نہ وہ اپنی عقل و دانش کے لحاظ سے اس بات کے اہل ہیں کہ ملک کی قیادت کریں۔
نینسی کا کہنا تھا کہ کورونا کے پھیلاؤ کو روکنے کا طریقہ ٹیسٹنگ، ٹریسنگ اور ٹریٹمنٹ ہے۔ لوگ جاننا چاہتے ہیں کہ ٹیسٹ کی تعداد کم کرنے کا آخر کیوں کہا گیا، جب ماہرین تجویز کررہے ہیں کہ زیادہ سے زیادہ ٹیسٹ کیے جائیں۔
اسپیکر نے مزید کہا کہ کورونا ٹاسک فورس کے اہلکاروں کو اگلے ہفتے کمیٹی کے سامنے پیشی پر اس بارے میں جواب دینا پڑے گا۔واضح رہے کہ صدر ٹرمپ نے ہفتے کی شب ریلی سے خطاب کرتے ہوئے کہا تھا کہ جتنے زیادہ ٹیسٹ کیے جائیں گے اتنے زیادہ کیسز سامنے آئیں گے۔ اسی لیے انہوں نے انتظامیہ سے کہا کہ مہربانی کر کے ٹیسٹ کرنے کا عمل ہی سست کردیں۔
