بدھ, جولائی 28 Live
Shadow
سرخیاں
انٹرپول کی 47 ممالک میں بڑی کارروائی: انسانی تجارت، منشیات اور جسم فروشی کے لیے لڑکیوں کو بیچنے والے 286 افراد گرفتار، 430 افراد بازیابلبنان میں سیاسی بحران و معاشی بدحالی: ارب پتی کاروباری شخصیت اور سابق وزیراعظم نجیب میقاطی حکومت بنانے میں کامیاب، فرانسیسی منصوبے کے تحت ملک کو معاشی بدحالی سے نکالنے کا اعلانجنگی جہازوں کی دنیا میں جمہوری انقلاب: روس نے من چاہی خوبیوں کے مطابق جدید ترین جنگی جہاز تیار کرنے کی صلاحیت کا اعلان کر دیا، چیک میٹ نامی جہاز ماکس-2021 نمائش میں پیشکیوبا میں کورونا اور تالہ بندی کے باعث معاشی حالات کشیدہ: روس کا خوراک، ماسک اور ادویات کا بڑا عطیہ، پریشان شہریوں کے انتظامیہ اور امریکی پابندیوں کے خلاف بڑے مظاہرےچینی معاملات میں بیرونی مداخلت ایسے ہی ہے جیسے چیونٹی کی تناور درخت کو گرانے کی کوشش: چین نے سابق امریکی وزیر تجارت سمیت 6 افراد پر جوابی پابندیاں عائد کر دیںمغربی یورپ میں کورونا ویکسین کی لازمیت کے خلاف بڑے مظاہرے، پولیس کا تشدد، پیرس و لندن میدان جنگ بن گئے: مقررین نے ویکسین کو شیطانی ہتھیار قرار دے دیا – ویڈیوجرمنی: پولیس نے بچوں اور جانوروں سے جنسی زیادتی کی ویڈیو آن لائن پھیلانے والے 1600 افراد کا جال پکڑ لیا، مجرمانہ مواد کی تشہیر کیلئے بچوں کے استعمال کا بھی انکشافگوشت کا تبادلہصدر بائیڈن افغانستان سے انخلا پر میڈیا کے کڑے سوالوں کا شکار: کہا، امارات اسلامیہ افغانستان ۱ طاقت ضرور ہے لیکن ۳ لاکھ غنی افواج کو حاصل مدد کے جواب میں طالبان کچھ نہیں، تعاون جاری رکھا جائے گاامریکہ، برطانیہ اور ترکی کا مختلف وجوہات کے بہانے کابل میں 1000 سے زائد فوجی تعینات رکھنے کا عندیا: امارات اسلامیہ افغانستان کی معاہدے کی خلاف ورزی پر نتائج کی دھمکی

روس کی جانب سے امریکی دباؤ مسترد: یورپ کو گیس کی فراہمی کے منصوبے پر دوبارہ کام شروع کرنے کا اعلان

امریکی دباؤ کے باوجود روسی کمپنی نے یورپ کو گیس کی فراہمی کے منصوبے نارڈ سٹریم 2 پہ دوبارہ کام شروع کرنے کا اعلان کردیا ہے۔ نارڈ سٹریم 2 بحیرہ بالٹک سے گزرتے ہوئے جرمنی کو گیس کی فراہمی کے لیے پائپ بچھانے کا منصوبہ ہے۔ جسے اب ایک سال کے تعطل کے بعد دوبارہ شروع کیا جا رہا ہے۔

اربوں ڈالر کا منصوبہ امریکی پابندیوں کے خطرے کے باعث رک گیا تھا، منصوبے پر روسی اور متعدد یورپی کمپنیاں مشترکہ طور پر کام کر رہی تھیں، 1224 کلومیٹر پائپ لائن بچھانے کا منصوبہ اپنی تکمیل کے قریب تھا اور صرف 75 کلومیٹر پائپ کی تنصیب باقی تھی کہ صدر ٹرمپ کی انتظامیہ کی جانب سے منصوبے میں شامل کمپنیوں کو پابندیوں کی دھمکی دی گئی، جس کے باعث یورپی کمپنیاں منصوبے سے الگ ہو گئیں۔ لیکن اب روسی کمپنی نے تمام تکنیکی صلاحیتوں کو خود حاصل کرتے ہوئے، اسے پورا کرنے کا اعلان کردیا ہے۔

نارڈ سٹریم 2 منصوبہ مغربی یورپ کی اقوام کو سستی روسی گیس کی فراہمی کا منصوبہ ہے، جس کے ذریعے ان ممالک کو سالانہ 55 ارب کیوبک میٹر گیس دستیاب ہو سکے گی۔ روسی کمپنی کے مطابق وہ منصوبے کو جلد مکمل کرتے ہوئے 2021 کے پہلے حصے میں ہی گیس کی فراہمی کو یقینی بنا دیں گے۔

یورپ کے گیس لائن منصوبے پر امریکہ کا مؤقف ہے کہ اس سے نیٹو اتحاد خطرے میں پڑ جائے گا۔ امریکی اسٹیبلشمنٹ کا کہنا ہے کہ یورپی اقوام کو توانائی جیسی اہم ضرورت کے لیے روس پر انحصار سے بچنا چاہیے، جبکہ دوسری طرف امریکہ خود بھی یورپی اتحادیوں کو گیس کی فراہمی میں دلچسپی رکھتا ہے، جس کے لیے اس نے باقائدہ کام شروع کر رکھا ہے۔ لیکن یورپ کی فوری طلب کو پورا کرنے کے لیے نہ صرف اس میں وقت لگے گا، بلکہ امریکی منصوبہ صارفین کو انتہائی مہنگا بھی پڑے گا۔ یہی وجہ ہے کہ یورپی ممالک چاہتے ہیں کہ وہ روسی گیس کے منصوبے کو بھی مکمل کریں۔ اور اس کے لیے جرمنی نے امریکہ کو لالچ دیتے ہوئے امریکی منصوبے میں اربوں ڈالر سرمایہ کاری کی پیشکشیں بھی کر دی ہے، لیکن امریکہ کسی صورت رام ہوتا نظر نہیں آرہا۔

سیاسی ماہرین کے مطابق امریکی اسٹیبلشمنٹ عالمی اجارہ داری کو کھونے کے خوف میں مبتلا ہے، اسکی توانائی کی کمپنیاں امریکہ کے مشرق وسطیٰ پر توانائی کا انحصار ختم کرنے سے ناخوش ہیں، اور اب یورپی مارکیٹ کا روس کے ہاتھ چلے جانا انکے لیے ناقابل برداشت ہے۔ چین کے ساتھ تجارتی جنگ اور صدر ٹرمپ کے دور میں دنیا میں امریکی جنگوں کو کم کرنے کے رحجان نے بھی امریکی اسٹیبلشمنٹ کی پریشانی میں اضافہ کیا ہے۔ یہی وجہ ہے کہ امریکہ اپنے اتحادیوں پر بھی بداعتمادی اور سادہ منصوبوں پر بھی انتہائی سخت ردعمل دکھا رہا ہے۔

دوست و احباب کو تجویز کریں

تبصرہ کریں

Contact Us