Author: خبری

روسی سونا امریکی ڈالر کابہترین متبادل ہو سکتا ہے-کیوں نہ اسے استعمال کیا جائے-ماسکو ایکسچینج کے چیف الیگزینڈر افینسونے کہا کہ قدامت پرست سرمایہ کارتجارتی مقاصد کے لیے ڈالر خریدتے ہیں اور پھر انھیں اپنے تکیے کے نیچے رکھ لیتے ہیں جس سے قومی معیشت کو نقصان پہنچتا ہے اور اس کا بہترین حل یہ ہے کہ ڈالر سے جان چھڑائی جائے اورامریکی ڈالر کی جگہ روسی سونااستعمال کیا جائے

امریکہ یورپی یونین کے ادائیگیوں کے متبادل نظام کوہتھکنڈے کے طور پر استعمال کرے گا تا کہ دنیا کی نظریں ایران کے خلاف امریکی پابندیوں سے ہٹائی جاسکیں-جنوری میں ہونے والے فرانس،برطانیہ اور جرمنی کے مابین معاہدے کے تحت امریکی پابندیوں کو رد کرتے ہوئے یہ ممالک ایران کے ساتھ تجارت کے لیے ادائیگیوں کے متبادل ذرائع استعمال کریں گے-جبکہ امریکہ نے اس پر سخت ناپسندیدگی کا اظہار کیا ہےاور جواباًیورپی یونین فنانشیل سیٹلمینٹ میکانزم پر پابندیاں عائد کرنے کا عندیہ دیا ہے...

منگل کے روز صدر ٹرمپ اور سیکریٹری سٹیٹ مائیک پومپیو کے ایران کے لیےاستعمال کیے گئے نرم الفاظ کی وجہ سے تیل کی قیمتوں میں کمی شروع ہو گئی-اس سلسلے میں تیل کے تاجروں نے فوری طور پر تیل کی فروخت بڑھادی- یاد رہے کہ یہ تنازع 2015میں ہونے والےایران امریکہ جوہری معاہدے کی امریکہ کی طرف سے ہونے والی خلاف ورزیوں کے نتیجے میں کھڑا ہوا تھا

انسانی ہمدردی کی بنا پر گوئیٹے مالا ،ایل سلواڈوراور ہنڈراس کے مفلوک الحال بچوں کو دی جانے والی 9۔41ملین ڈالر کی امدادسیاسی مقاصد کے لئے استعمال کی جائے گی-خبر کے مطابق صدر ٹرمپ نے یہ رقم وینزویلا کی حکومت کے خلاف وینزویلا کے اپوزیشن لیڈرجان گویڈو اور ان کے ساتھیوں کے اخراجات کی مد میں دینے کا حکم دیا ہے

امریکی ایوان نمائندگان نے ٹرمپ کی جانب سے کانگریس کی خواتین ارکان کو ملک چھوڑنے کا مشورہ دینے اور نسل پرستانہ جملوں پرایک قرارداد کے ذریعے امریکی صدر کے ٹوئٹس کے بیان کی مذمت کی ہے۔ایوان نمائندگان میں اس حوالے سے پیش کی گئی قرارداد 240 ووٹوں سے پاس ہوئی جس میں امریکی صدر کے بیان پر ملامت کا اظہارکرتے ہوئے کہا گیا کہ ٹرمپ کے نسل پرستانہ جملوں میں ایک قانونی خدشہ اور نئے امریکیوں اور مختلف النسل لوگوں سے عنادجھلکتا ہے۔ 

پاکستانی وزیر اعظم عمران خان 22جولائی کو امریکہ کا دورہ کرنے والے ہیں-اس موقعے پر توقع کی جا رہی ہے کہ دونوں ممالک کے سربراہان کی ملاقات کے نتیجے میں باہمی اختلافات کے خاتمے کے لئے اہم پیشرفت ہو گی-امریکہ کویقین ہے کہ وہ افغانستان کی اٹھارہ سالہ جنگ کی دلدل سے باعزت نکل سکتا ہے بشرطیکہ پاکستان اس کا ساتھ دے -

برطانوی وزیر خارجہ جیریمی ہنٹ نے برسلز میں صحافیوں سے گفتگو کرتے ہوئے کہا کہ برطانیہ امریکہ کا سب سے بڑا اتحادی ہے لیکن ایران کے معاملے پر امریکی پالیسی کا حامی نہیں--انھوں نے مزید کہا کہ ایران ایک سال سے بھی کم وقت میں جوہری ہتھیار بنا سکتا ہے اورامریکہ ایران کشیدگی کے باوجودایران کے ساتھ طے پائے جوہری معاہدے کو اب بھی بحال کیا جا سکتا ہے لہٰذاامریکہ کو ایران کے متعلق اپنی پالیسی بدلنے کی ضرورت ہے

شمالی کوریا کی وزارت خارجہ کے ترجمان نے اپنے تخفیف اسلحہ پروگرام پر بات کرتے ہوئے کہا ہے کہ واشنگٹن کا کہنا ہے کہ امریکہ کا سیئول کے ساتھ  مشترکہ فوجی مشقوں کا کوئی منصوبہ نہیں بنا ہے جب کہ امریکہ اور جنوبی کوریا اس موسم گرما میں خفیہ کوڈ ڈونگ مینگ کے تحت فوجی مشقیں کریں گے جو کہ ایک طرح سے جنگ کی تیاری ہو گی-ترجمان نے مزید کہا کہ امریکہ کے ساتھ مذاکرات کے لئے آگے بڑھنے سے پہلے امریکہ کے شمالی کوریا کے ساتھ روئیے کو دیکھنا ہو گا

عرب میڈیا کے مطابق سعودی ولی عہد شہزادہ محمد بن سلمان نے اس عزم کا اظہارکیا ہے کہ سعودی عرب، کویت اور قطرکو اگلے پانچ سالوں میں بالکل تبدیل کردیں گے، اگر ہم اگلے پانچ سال میں اپنے اس ارادے میں کامیاب ہوگئے تو دنیا ہمارے نقش قدم پر چلے گی۔۔ محمد بن سلمان نے کہا کہ میں مشرق وسطیٰ کو بڑی طاقت کے طور پر دیکھنا چاہتا ہوں اور ہم یہ مقصد ضرورحاصل کریں گے ۔