عالمی

ترک صدر رجب طیب ایردوعان نے امریکی معاشی پابندیوں پر اپنے شدید ردعمل میں کہا ہے کہ یہ کیسا رویہ ہے کہ اپنے اتحادیوں پر ہی پابندیاں لگائی جا رہی ہیں۔ امریکہ نے ترکی پر روسی ساختہ فضائی دفاعی نظام ایس-400 خریدنے اور اسکی تنصیب پر پابندیاں لگائی ہیں اور اسے نیٹو اتحاد کے لیے خطرناک قرار دیا ہے۔ ترک صدر نے قوم سے خطاب میں صدر ٹرمپ کی انتظامیہ پر سخت تنقید کی ہے اور کہا ہے کہ کہا ہے کہ نئی پابندیاں ترکی کی خود مختاری پر حملے کے مترادف ہے، ترکی اپنے دفاع پر کبھی سمجھوتہ نہیں کرے گا، چاہے اس کے لیے کوئی بھی قیمت چکانی پڑے۔ واضح رہے کہ امریکہ نے کسی نیٹو اتحادی پر پہلی بار اتنی سخت معاشی پابندیاں عائد کی ہیں، جس کی بظاہر وجہ تو ایس-400 ہے لیکن عمومی طور پر ترکی اور مغربی ممالک کے مابین بڑھتی سیاسی کشیدگی اسکی حقیقی وجہ لگتی ہے۔ امریکی دفتر خارجہ کے سیکرٹری کرس فورڈ نے ترکی پر پا...

آزربائیجان کے واپس حاصل کردہ علاقے کاراباخ کے ایک دیہات میں آرمینیائی اور آزری افواج میں پھر جھڑپ کی اطلاعات سامنے آئی ہیں۔ واقع اس وقت پیش آیا جب معاہدے کے باوجود چند آرمینیائی فوجیوں نے ہدرات نامی دیہات سے نکلنے سے انکار کر دیا اور آزری فوجیوں پر فائرنگ کی۔ یاد رہے کہ نومبر2020 میں آرمینیا نے باقائدہ شکست تسلیم کرتے ہوئے کاراباخ کا علاقہ خالی کرنے کا امن معاہدہ کیا تھا، تاہم فوجیوں کے ایک چھوٹے جتھے نے معاہدے کو تسلیم کرنے سے انکار کیا اور گاؤں خالی کرنے سے انکار کرتے ہوئے مزاحمت کا اعلان کیا۔ صورتحال پر پہلے تو آرمینیا کی وزارت دفاع نے تعینات کردہ روسی امن فوجیوں سے مدد طلب کی لیکن مسئلہ حل نہ ہونے پر آزری فوجیوں کو آگے بڑھنا پڑا، جس پر آرمینیا کی حکومت کا کہنا ہے کہ آزربائیجان نے فوجیوں پر فائرنگ کر کے امن معاہدے کی خلاف ورزی کی ہے اور انکے متعدد فوجی زخمی ہوئے ہیں، جبکہ آزری ف...

امریکی نمائندگان کے بعد سینٹ نے بھی 740 ارب ڈالر کے متنازعہ دفاعی اخراجات کے بل کی منظوری دے دی ہے، صدر ٹرمپ نے بل کو ویٹو کرنے کا اعلان کر رکھا ہے تاہم کانگریس نے دو تہائی سے بل کو منظور کر کے صدر کو مخالفت کا پیغام دیا ہے۔ https://twitter.com/SenateGOP/status/1337462053544603657?s=20 سینٹ سے قبل دفاعی بل کی نمائندگان کی طرف سے منظوری مل چکی ہے، سینٹ سے منظوری کے بعد بل صدر کو بھیجا جائے گا۔ جو پہلے ہی بل کو ویٹو کرنے کا اعلان کر چکے ہیں، صدر ٹرمپ کا مطالبہ ہے کہ سینٹ ابلاغیات کے قانون سے شق نمبر 230 کو ختم کرنے میں تعاون کرے تاکہ سماجی میڈیا پر آزادی رائے کو تحفظ دیا جا سکے۔ دفاعی اخراجات کے بل کی اہم تفصیلات میں امریکی فوجیوں کی تنخواؤں میں اضافے اور دنیا میں فوجی اڈوں کو قائم رکھنے کے علاوہ روس اور ترکی پر معاشی پابندیاں بھی عائد کی گئی ہیں۔ روس پر پابندیوں میں روسی گیس پائ...

سویڈن نے مستقبل قریب میں نیٹو اتحاد میں شمولیت کا عندیا دے دیا ہے، سویڈن کی ڈیموکریٹ جماعت نے عسکری اتحاد میں شمولیت کی پرانی مزاحمت کو ختم کردیا ہے، جس کے باعث شمال یورپی ریاست کے اتحاد میں شامل ہونے کا رستہ ہموار ہو گیا ہے۔ ڈیموکریٹ جماعت کا کہنا ہے کہ ان کی نیٹو کے بارے میں رائے میں فرق نہیں آیا لیکن خطے کی سکیورٹی کو مدنظر رکھتے ہوئے دفاعی اتحاد میں شمولیت ناگریز بن گئی ہے۔ سویڈن آئندہ ہفتے اسمبلی میں نیٹو میں شمولیت کے حوالے سے بحث کرے گا۔ جماعت کے قائد کیمی ایکیسن کا کہنا ہے کہ وہ کافی عرصے سے فن لینڈ کے ساتھ دفاعی اتحاد کا سوچ رہے تھے لیکن اب وقت آگیا ہے کہ دفاعی ضروریات کو مدنظر رکھتے ہوئے کوئی عملی صورت اختیار کی جائے۔ واضح رہے کہ اگرچہ سویڈن نیٹو کا باقائدہ رکن نہیں ہے لیکن یہ مغربی عسکری اتحاد کے ساتھ اکثر تعاون کرتا ہے۔ سویڈن اور فن لینڈ نے 2018 میں سکینیڈیوین عسکر...

انسانی حقوق کی عالمی تنظیم ایمنسٹی انٹرنیشنل نے تنبیہ جاری کی ہے کہ 2021 میں مالی طور پر غریب ممالک میں 10 میں سے صرف ایک شہری کورونا ویکسین لگوا سکے گا، جبکہ دوسری طرف امیر ممالک نے فی فرد تین ٹیکوں کے لیے سفارش دے رکھی ہے۔ ایمنسٹی کی رپورٹ کے مطابق ویکسین کی سب سے زیادہ سفارش کینیڈا نے دی ہے، اور یوں تین کروڑ اسی لاکھ آبادی والے ملک کے شہری ویکسین کے پانچ ٹیکے لگوا سکتے ہیں۔ ایمنسٹی کی رپورٹ کے مطابق امیر ممالک کی آبادی دنیا کی صرف 14 فیصد بنتی ہے، لیکن انہوں نے ویکسین کی آدھے سے زیادہ مقدار یعنی 53 فیصد خرید لی ہے۔ ایمنسٹی رپورٹ کے مطابق امیر ممالک کے اس غیر انسانی رویے کے باعث 67 فیصد غریب ممالک ویکسین کی مناسب ترسیل سے محروم رہ سکتے ہیں، اور آئندہ سال میں ان کے حصے صرف 10 فیصد ویکسین آئے گی، لیکن اگر حکومتیں اور ادویات سازی کی کمپنیاں مل کر کسی معاہدے پر پہنچ جائیں ...

چین نے 14 اعلیٰ عہدے داروں پر امریکی پابندیوں کے جواب میں امریکہ کے خلاف اقدامات کرنے کی دھمکی دے دی ہے، امریکی پابندیاں ہانگ کانگ میں چین کے جمہوری عمل پر اعتراضات کے جواب میں لگائی گئی تھیں۔ چینی وزارت خارجہ کے ترجمان ہوا چُن یِنگ نے بروز منگل میڈیا سے گفتگو میں کہا کہ چین اپنی خود مختاری، ترقی اور حفاظت کے لیے کسی قسم کے اقدام سے گریز نہیں کرے گا۔ بروز پیر امریکہ نے مزید 14 چینی اعلیٰ عہدے داروں پر مالیاتی اور سفری پابندیاں عائد کی ہیں، امریکی مؤقف ہے کہ ان عہدے داروں نے ہانگ کانگ میں حزب اختلاف کو دبانے میں کردار ادا کیا۔ واضح رہے کہ گزشتہ ماہ چین نے ہانگ کانگ اسمبلی کو ملکی مفادات کے تحفظ کے لیے قانون سازی کا اختیار دیا ہے۔ امریکی پابندیوں کے شکار افراد میں چین کے قومی کانگریس کمیٹی کے نائب بھی شامل ہیں، جو چین کی قانون ساز اسمبلی کے اعلیٰ عہدے داروں میں شمار ہوتے ہیں۔ پ...

اقوام متحدہ نے تنبیہ جاری کی ہے کہ کورونا وباء کے باعث ہونے والی معاشی گراوٹ دنیا بھر میں مزید 20 کروڑ ستر لاکھ افراد کو شدید غربت میں گرا دے گی، اور اگر وباء لمبے عرصے تک قائم رہی تو 2030 تک ایک ارب تک افراد کو معاشی طور پر شدید متاثر کرے گی۔ اقوام متحدہ کے ترقیاتی پروگرام کے تحت کی جانے والی تحقیق کے مطابق اگر وباء کا نقصان شدید تر ہوا تو لوگوں کو محفوظ رکھنے کے لیے خصوصی بچاؤ منصوبہ لانا ہو گا۔ رپورٹ کے مطابق وباء کے باعث ہونے والا معاشی بحران ایک عشرے تک جاری رہ سکتا ہے۔ رپورٹ مرتب کرنے والے ماہرین کا کہنا ہے کہ وباء سیاسی قیادتوں کے لیے ایک بڑا امتحان ہے، اس وقت کیے فیصلے دنیا کو ایک نئے رخ پر لے جائیں گے۔ ہمیں درست سمت میں سرمایہ کاری کرنے کی ضرورت ہے، جو نہ صرف لوگوں کے تحفظ کو یقینی بنا سکے بلکہ مستقبل کو بھی روشن رکھے۔ رپورٹ کے مطابق اس وقت کیے درست فیصلے اور درست سمت میں...

اٹلی کی پولیس نے سائبر سکیورٹی مہیا کرنے والی معروف کمپنی کے کمپیوٹروں سے نیٹو کے حساس دستاویزات اور معلومات چوری کرنے کے جرم میں دو افراد کو گرفتار کر لیا ہے۔ اٹلی کے شہر روم سے کام کرنے والی کمپنی لیونارڈو سائبر سکیورٹی اور فضائی صنعت سے وابستہ دنیا کی بڑی کمپنیوں میں سے ایک ہے، تاہم کمپنی کے سابق ملازمین کی جانب سے کمپنی کے سکیورٹی نظام کو توڑتے ہوئے نیٹو کے حساس دستاویزات چوری ہونے کے بعد اسکی ساکھ کو دھچکا لگا ہے۔ ایک لمبی تحقیقات کے بعد سامنے آیا ہے کہ دو ہیکروں نے 2015 سے 2017 کے دوران نیٹو کی حساس معلومات کو چُرایا، لیکن ان کی گرفتاری کل بروز ہفتہ عمل میں آئی ہے۔ تحقیقات کے مطابق ملزمان میں سے ایک نے یو ایس بی کے ذریعے کمپنی کے کمپیوٹر میں خصوصی طور پر تیار کردہ ٹروجن وائرس داخل کیا، جو کمپنی نیٹ ورک کے ذریعے دیگر شہروں سمیت کمپنی کے اہم کمپیوٹروں تک پھیل گیا۔ مجموعی ...

ایرانی جوہری سائنسدان محسن فخری زادے کے قتل پر تبصرے اور اس کے ردعمل میں کارروائی اب تک زیر بحث ہے۔ سابق امریکی صدر باراک اوباما کے دور میں خفیہ ادارے کے سربراہ جان برینن نے اسے مجرمانہ کارروائی قرار دیتے ہوئے خطرناک اقدام قرار دیا ہے تو سابق موساد سربراہ افراہیم حلوے نے اسے مجرمانہ ماننے سے انکار کر دیا ہے، اور کہا ہے کہ امریکہ ہمیشہ سے ملکی سلامتی کے لیے ممکنہ خطرہ بننے والے افراد کا قتل کرواتا رہا ہے۔ امریکی اہلکار نے امریکی ڈرون حملوں میں مارے جانے والے مخالفین پر تبصرے میں کہا کہ دہشت گردوں کے قائدین اور معاونین کی ہلاکت اور ایرانی سائنسدان کی ہلاکت مختلف چیزیں ہیں، جس پر قابض صیہونی انتظامیہ کے سابق اہلکار نے کہا کہ فخری زادے قطعاً دہشت گردوں کے معاونین سے مختلف نہیں تھا، وہ ویسے ہی ایرانی پاسدران انقلاب فوج کا اعلیٰ عہدے دار تھا جیسے قاسم سلیمانی تھا، لہٰذا اسکے قتل کو بطور...

امریکی صدر ڈونلڈ ٹرمپ نے صومالیہ سے 700 سے زائد فوجیوں کو واپس بلانے یا کسی دوسرے اڈے میں تعینات کرنے کا حکم جاری کر دیا ہے۔ پینٹاگون کے مطابق حکم پر عملدرآمد 2021 کے آغاز تک مکمل ہو جائے گا۔ https://twitter.com/benpershing/status/1334961519981957120?s=20 پینٹاگون کے مطابق کتنے فوجیوں کو واپس بلانا ہے اور کتنے کو کینیا، جبوتی یا افریقہ کے دیگر فوجی اڈوں پر بھیجنا ہے ابھی اسکا فیصلہ ہونا باقی ہے۔ تاہم یہ تاثر دینا غلط ہے کہ امریکہ مشرقی افریقہ سے فوجیں ہٹا رہا ہے۔ امریکہ اپنے مفادات کے تحفظ کے لیے خطے میں موجودگی کو قائم رکھے گا۔ واضح رہے کہ امریکی فوجی گزشتہ 13 سال سے دہشت گردی کے خلاف جنگ میں صومالیہ میں تعینات تھے، اور اب بھی اس کی کچھ اہلکار ملک میں ہی رہیں گے، تاہم انکی تعداد کو بڑی حد تک کم کر دیا جائے گا۔ ماہرین کے مطابق صدر ٹرمپ کا اقدام امریکہ کی نہ ختم ہونے وا...