news

برطانوی شہزادے اینڈریوکو بدنام زمانہ جیفری ایپسٹین سے دوستی کی بنا پر شاہی ذمہ داریوں سے سبکدوش کر دیا گیا ہے۔ برطانوی شاہی خاندان کی جانب سے جاری کردہ ایک بیان میں کہا گیا ہے کہ پرنس اینڈریو کو کمسن لڑکی سے ناجائز تعلقات کے الزامات کا سامنا کرنے والے جیفری ایپسٹین سے دوستی کے الزام میں سبکدوش کیا گیا ہے۔ واضح رہے کہ برطانوی شہزادہ اینڈریو کو امریکی خاتون ورجینیا رابرٹس کی طرف سے بھی جنسی ہراسانی کے الزامات کا سامنا ہے ۔ جبکہ شہزادہ اینڈریو اپنے اوپر لگنے والے ان الزامات کو رد کر چکے ہیں۔ عوامی عہدے سے سبکدوشی کے بعد شہزادہ اینڈریو دو لاکھ انچاس ہزار پاؤنڈ تنخواہ سے بھی محروم ہو چکے ہیں۔...

شام کے صدر بشارالاسد نے امریکہ پر الزام عائد کیا ہےکہ وہ شام کا ’تیل چراتا ہے ۔  واضح رہے کہ  صدر بشارالاسد نے یہ الزام امریکی صدر ڈونلڈ ٹرمپ کے ایک اعلان کے بعد کیا جس میں صدر ٹرمپ نے کہا کہ جب تک امریکی فوج شام میں موجود ہے تب تک شام کے تیل کے کنوؤں سے حاصل ہونے والی ماہانہ کروڑوں ڈالرز کی آمدنی کا امریکہ کو فائدہ حاصل ہونا چاہیے۔ جبکہ شام کے اتحادی روس نے اس امریکی اعلان کو ایک ’بین الاقوامی لوٹ مار‘ قرار دیا ہے۔ خیال رہے کہ امریکہ نے اکتوبر میں شمالی شام سے اپنی فوج کے انخلا کا اعلان کیا تھا ۔ پھر کہا کہ تقریباً 500 فوجیوں کو شام میں رکھا جائے گا تاکہ وہ کردش فورسز کے ساتھ مل کر تیل کی پیداوار کی تنصیبات کی حفاظت کر سکیں جواس وقت اس تیل کا سب سے زیادہ فائدہ اٹھا رہے ہیں۔امریکی وزیرِ دفاع مارک ایسپر کا دعویٰ ہے کہ امریکی فوجی تیل کی تنصیات کو نہ صرف دولتِ اسلامیہ سے بچائیں...

فلسطینی علاقوں میں یہودی بستیوں کے قیام کو قانونی قراردینے کے امریکی فیصلے کو مسترد کرتے ہوئے یورپی یونین نے کہا کہ ٹرمپ انتظامیہ کی پالیسی خطے میں پائیدار امن کے امکانات کو ختم کر دے گی۔ یورپی یونین کی خارجہ پالیسی کی سربراہ فیڈریکا موگرینی نے کہا ہےکہ مقبوضہ فلسطینی علاقوں میں یہودی بستیوں کی تعمیر کے حوالے سے یورپی یونین کا مو قف تبدیل نہیں ہو گا۔ انہوں نے کہا عالمی قوانین کے تحت غرب اردن کے فلسطینی علاقہ میں یہودی بستیوں کی تعمیر مکمل طور پر غیر قانونی ہے۔ ان بستیوں کی تعمیر پر امریکی پالیسی تنازع کے دو ریاستی حل اور پائیدار امن کے امکانات ختم کر دے گی۔ انہوں نے زور دے کر کہاکہ اسرائیل قیام امن کیلئے اپنی ذمہ داریاں پوری کرتے ہوئے یہودی بستیوں کی تعمیر فوری روک دے۔ ادھر فلسطینیوں نے بھی غرب اردن میں یہودی بستیوں کے قیام کے حوالے سے امریکی بیان کی مذمت کرتے ہوئے اسے انٹر نیشنل قوا...

اطلاعات کے مطابق اسرائیل نے شام میں ایسے درجنوں اہداف کو نشانہ بنانے کا دعویٰ کیا ہے جو شامی حکومت اور اس کی اتحادی ایرانی فورسز کی ملکیت تھے۔ بدھ کے روز اسرائیلی فوج نےدعویٰ کیا کہ ایک ایرانی یونٹ کے راکٹ حملے کے جواب میں انھوں نے شام میں ’وسیع پیمانے پر فضائی حملے‘ کیے ہیں۔ دوسری طرف شام نے کہا ہے کہ ان حملوں میں دو شہری ہلاک ہو گئے ہیں۔ اور یہ بھی دعویٰ کیا ہے کہ شامی فضائی فورس نے شام کے دارالحکومت کی طرف آتے زیادہ تر میزائل مار گرائے ہیں۔مقامی اطلاعات کے مطابق شہر میں بلند آواز میں دھماکے سنے گئے ہیں۔ سوشل میڈیا فوٹیج میں بہت جگہ آگ لگی دکھائی دی۔ یاد رہے کہ منگل کی صبح اسرائیلی فوج نے کہا تھا کہ انھوں نے شام کی طرف سے اسرائیل میں آنے والے چار راکٹ مار گرائے ہیں جو ان کی زمین پر نہیں گرے۔بدھ کو اسرائیلی دفاعی فورسز نےاپنے ٹویٹ میں کہا کہ فضائی حملوں سے ایران کی قدس فورس اور شا...

غیر ملکی میڈیا کے مطابق افغانستان میں امریکی ہیلی کاپٹر تباہ ہونے کے نتیجے میں 2 امریکی اہلکار ہلاک ہو گئے۔افغان طالبان نے ہیلی کاپٹر کو تباہ کرنے کی ذمہ داری قبول کرتے ہوئے بتایا ہے کہ ہیلی کاپٹر افغانستان کے صوبے لوگر میں تباہ کیا گیا۔طالبان کےترجمان ذبیح اللہ مجاہد نے سوشل میڈیا پر جاری بیان میں بتایا کہ امریکہ کے چنوک ہیلی کاپٹر کو گزشتہ رات لوگر کے علاقے پنگرام میں تباہ کیا گیا۔ امریکی فورسز نے ہیلی کاپٹر کے تباہ ہونے کی تصدیق کرتے ہوئے بتایا کہ حادثے کی وجوہات جاننے کے لیے تحقیقات شروع کر دی ہیں لیکن ابتدائی طور پر ایسے کوئی شواہد نہیں ملے جن سے لگتا ہو کہ ہیلی کاپٹر کو طالبان نے تباہ کیا ہے۔ دوسری طرف افغانستان کی وزارت دفاع کی جانب سے بھی اس حوالے سے جاری بیان میں کہا گیا ہے کہ ابتدائی طور پر ایسے کوئی شواہد نہیں ملے ہیں کہ ہیلی کاپٹر کو طبالبان نے تباہ کیا ہو اور نا ہی ہیلی...

فیس بک ، گوگل ، ایمیزون اور ایپل امریکی حکومت کی عدم اعتماد سے متعلق تحقیقات کے باعث ٹیک سیکٹر پر اپنے غلبے کو کم کرتے ہوئے خاموشی سے پیچھے ہٹ رہے ہیں اور جہاں خاموش نہیں ہوسکتے وہاں پریشان ہیں۔ دیو ہیکل بگ ٹیک نے ہاؤس جوڈیشل کمیٹی کے ذریعہ چاروں کمپنیوں کو نشانہ بنانے والے عدم اعتماد سے متعلق تحقیقات کے حوالے سےبھیجے گئے تحریری سوالات کے جوابات دےدیئےہیں۔ ان سوالات سے ایسا لگتا ہے کہ چاروں کمپنیوں کی اجارہ داری کے تاثر کو ختم کرنے کی بھرپور کوششیں کی گئی ہیں- دو کھرب ڈالرمالیت کی دوکمپنیوں کے لیے یہ کوئی آسان کام نہیں ہے اور دوسری دو بھی جو کم و بیش اسی مالیت کے قریب ہیں۔ واضح رہے کہ خبر رساں ادارے روئٹرز کے مطابق اعداد و شماراور جوابات منگل کے روز صحافیوں میں بانٹ دیئے گئے ہیں...

سربیا کے صدر الیگزنڈر ووچک نے نیشنل بینک کو ہدایت کی ہے کہ وہ ملک کے لئے معاشی استحکام پیدا کرنے کے لئے سونے کے ذخائر میں اضافہ جاری رکھے۔ انھوں نے مزید کہا کہ مجھے لگتا ہے کہ ہم اس کام کو جاری رکھیں گے جس کی اصل وجہ یہ ہے کہ ہم دیکھتے ہیں کہ دنیا میں بحران کس سمت بڑھ رہا ہے ،" وِوچک نے بلغراد میں صحافیوں سے بات کرتے ہوئے یورو کے علاقے میں سست رفتار نمو کا حوالہ دیا جو سربیا کا سب سے بڑا تجارتی شریک ہے اور سرمایہ کاری کا اصل ذریعہ ہے . واضح رہے کہ وِوک کا مشورہ اس وقت سامنے آیا جب سربیا نے اپنے سونے کے ذخائر کو 30 ٹن سے زیادہ تک بڑھانے کے لئے گذشتہ ماہ نو ٹن قیمتی دھات کا اضافہ کیا۔ سربیا کی سونے کی ملکیت اب ملک کے کل ذخائر کا دس فیصد ہے۔...

نیپالی وزیر اعظم ’کے پی شرما اولی‘ نے بھارت کو خبردارکرتے ہوئے کہا ہے کہ بھارت عالمی قوانین کی خلاف ورزی سے باز آجائے اور فوری طور پر نیپالی علاقے ’کالا پانی‘ سے اپنی فوجین ہٹالے۔ انھوں نے کہا کہ ہم اپنی ایک انچ زمین بھی کسی کو نہیں دیں گے۔ خیال رہے کہ مودی سرکارکی جانب سےبھارت کا جونیا سرکاری نقشہ جاری کیا گیا ہے اس میں نیپالی علاقے’کالا پانی‘ کو بھارت کا حصہ دکھایا گیا ہے۔ نئے نقشے میں اس جارحانہ غلطی پر نیپالی حکومت نے بھی سخت ردعمل دیا ہے۔ جب کہ متنازع علاقے میں بھارتی فوج کی تعیناتی پر عوامی مظاہروں کا سلسلہ جاری ہوگیا ہے۔ کمیونسٹ پارٹی کے یوتھ ونگ جلسے سے خطاب کرتے ہوئے نیپالی وزیراعظم نے جذباتی خطاب کرتے ہوئے کہا کہ کالا پانی نیپال، بھارت اور تبت کے درمیان سہہ فریقی حل طلب مسئلہ ہے جس کا تصفیہ ہونا باقی ہے لیکن اس سے پہلے ہی بھارت نے ہٹ دھرمی کا مظاہرہ کرتے ہوئے اسے اپنا حصہ قرار...

یمن میں حوثی باغیوں کے خلاف لڑنے والے سعودی اتحاد کے مطابق حوثی کوسٹ گارڈ نے بحیرہ احمر میں کارروائی کر کے تین بحری جہازوں پر قبضہ کر لیا۔ دوسری طرف حوثی باغیوں نے بھی اعلان کیا ہے کہ انھوں نے تین بحری جہازوں پر قبضہ کر لیا ہے، جن میں سے ایک سعودی عرب جبکہ باقی دو جہاز جنوبی کوریا کے ہیں۔ جنوبی کوریا کی وزارتِ خارجہ کے مطابق ان کے دو جہازوں میں کشتی کھینچنے والی ٹگ بوٹ اور ایک ریت نکالنے والا ڈریجر شامل ہیں۔دونوں جہاز جنوبی کوریا سے تعلق رکھنے والی تعمیراتی کمپنی ووجنگ ڈویلپمنٹ کی ملکیت ہیں۔ ان جہازوں پر عملے کے کُل 16 افراد سوار تھے جن میں سے دو کا تعلق جنوبی کوریا سے ہے جبکہ باقی افراد کی شہریت واضح نہیں۔ جنوبی کوریا کی وزارتِ خارجہ نے اپنے بیان میں یہ بھی بتایا کہ سعودی بحری جہاز پر کم سے کم 10 افراد موجود تھے۔ بیان کے مطابق جنوبی کوریا کے دونوں شہری محفوظ ہیں اور حکومت ان کی ر...

امریکہ نے فلسطین میں مغربی کنارے پرتعمیرکردہ اسرائیلی بستیوں پر اپنا مؤقف تبدیل کرتے ہوئے انھیں قانونی قرار دے دیا ہے اور اس سلسلے میں ٹرمپ انتظامیہ کی جانب سے اعلان کیا گیا ہےکہ مغربی کنارے پر اسرائیل کی جانب سے تعمیر کردہ یہودی بستیاں عالمی قوانین کے برخلاف نہیں۔ اس اقدام کی وضاحت کرتے ہوئے امریکی وزیر خارجہ مائیک پومپیو نے کہا کہ تمام فریقین کی طرف سے ایک محتاط مطالعے اور قانونی بحث کے بعد ٹرمپ انتظامیہ اس بات پر متفق ہےکہ مغربی کنارے پر بسائی جانے والی اسرائیلی یہودی بستیاں عالمی قوانین کے برخلاف نہیں ہیں۔ انہوں نے کہا کہ ٹرمپ انتظامیہ 1978کے محکمہ خارجہ کے اس قانونی نقطہ نظر کی پابند نہیں ہے جس میں کہا گیا تھا کہ مغربی کنارے پر آبادکاری عالمی قوانین سے مطابقت نہیں رکھتی۔ اسرائیلی وزر اعظم بنیا مین نیتن یاہو نے امریکہ کے اس اقدام کی تعریف کی اور کہا کہ امریکہ نے تاریخی غلطی کو د...