Urdu

روسی نائب وزیر خارجہ سرگئی ریابکوف کے مطابق ، برکس ، ابھرتی ہوئی معیشتوں کا ایک گروپ ہے برازیل ، روس ، ہندوستان ، چین اور جنوبی افریقہ پر مشتمل ہے برکس نئے رکن ممالک کے استقبال کے لئے کھلا ہے۔ روس کی توجہ برکس + پلیٹ فارم پرہونے والی سرگرمیوں پر مرکوز ہے ، جس کی وجہ سے "دلچسپی رکھنے والے ممالک کے لئے گروپ کے ممبروں کے ساتھ تعاون کرنے کے راستے تلاش کرنا ممکن ہوجاتا ہے ،" ریابکوف نے مزید کہا: " مستقبل کے لئے اہداف کے حصول کی وجہ سے برکس کی توسیع کے بارے میں بات کرنا ممکن ہے ۔ " ریابکوف کے مطابق ، "برکس" کے پانچ ممالک کے تجارتی بلاک میں روسی شیرپا ، کا وجود ہمارے ممالک کی معاشی ، معاشرتی اور سائنسی ترقی میں نئے مثبت عناصر پیدا کرنے کے ساتھ ساتھ ترقی کے دیگر شعبوں میں بھی اہم ہے۔ واضح رہے کہ پانچ ممالک کا یہ گروپ دنیا کی 40 فیصد آبادی کی نمائندگی کرتا ہے۔ تجارت کو فروغ دینے کی کوششو...

سعودی عرب کی وزارتی کونسل نے قبرص کی اس کے علاقوں پرمکمل خود مختاری کی حمایت کا اظہار کیا ہے۔ منگل کے روز سعودی وزارتی کونسل کا اجلاس شاہ سلمان بن عبدالعزیز کے زیر صدارت ہوا۔ سعودی میڈیا کےوزیرالشبانہ نےایک بیان میں کہا ہے کہ مملکت مشرقِ وسطیٰ کے خطے میں رونما ہونے والے واقعات پر گہری نظر رکھے ہوئے ہے اور وزارتی کونسل نے خطے میں سلامتی اوراستحکام کولاحق خطرات کے حوالے سے اپنی تشویش کا اظہار کیا ہے ۔ کابینہ نے مملکت کے اس مؤقف کا بھی اعادہ کیا ہے کہ تمام فریق تنازعات کے حل کے لیے اقوام متحدہ کی سلامتی کونسل کی متعلقہ قراردادوں کی پاسداری کریں تاکہ بین الاقوامی سطح پر امن ، سلامتی اور استحکام کو برقرار رکھا جاسکے۔ یاد رہے کہ قبرص کا اس وقت ترکی کے ساتھ علاقائی تنازع چل رہا ہے۔ترکی ایک ایسے علاقے میں تیل اور گیس نکالنے کے منصوبے پر کام کررہا ہے جو قبرص کا تسلیم کیا جاتا ہے او...

اسپیکٹیٹر انڈیکس کے مطابق دنیا میں رہائش کے لیے خطرناک ترین ممالک کی فہرست میں بھارت پانچویں نمبر پر آ گیا جہاں ظلم و تشدد اور خواتین سے زیادتی فیشن بن چکا ہے۔ ماہرین کا کہنا ہے مودی سرکار کے کالے قوانین ، طبقاتی اونچ نیچ اور امن وامان کی خراب حالت کے باعث گلی کوچوں اور ہر جگہ احتجاج ہو رہا ہے۔ اسپیکٹیٹر انڈیکس کے مطابق دنیا بھر کے ممالک کےاندرونی حالات کے مختلف عوامل کا جائزہ لے کر بنائی گئی رپورٹ سے واضح ہے کہ رہائش کے لئے خطرناک ترین ممالک میں برازیل، جنوبی افریقہ، نائیجیریا، ارجینٹینا کے بعد بھارت پانچویں نمبر پر موجود ہے۔ ان ممالک میں جرائم، تشدد، مظالم اس قدر بڑھ گئے ہیں کہ پرامن اور پرسکون رہنا محال ہو چکا ہے۔ رپورٹ کے مطابق کشمیر میں ریاستی دہشت گردی اور گلی کوچوں میں آر ایس ایس کی غنڈہ گردی جاری ہے۔ مودی سرکار کے کالے قوانین اور پالیسیوں کےباعث بھارت میں طبقاتی کشمک...

کیمیائی ہتھیاروں کے انسداد کے عالمی ادارے کی تحقیقاتی ٹیم کے ایک سابق ممبر نے سلامتی کونسل میں اقرار کیا ہے کہ شام کے شہر دومہ میں کیمیائی ہتھیار استعمال نہیں ہوئے۔ سلامتی کونسل میں بریفنگ کے دوران او پی سی ڈبلیو کے سابق افسر آئن ہینڈرسن کا کہنا تھا کہ ادارے کی حتمی رپورٹ ہماری ٹیم کی تحقیقات کے برعکس تھی۔ رپورٹ میں حقائق، نتائج اور تجزیوں کو نظر انداز کر دیا گیا تھا۔ انہوں نے بتایا کہ شام کے شہر دومہ سے ملنے والے دو پراسرار سلنڈرز کے تجزیے سے یہ بات ثابت ہو رہی تھی کہ کیمیائی مواد استعمال نہیں ہوا اور نہ ہی سلنڈرز جہاز سے گرے تھے بلکہ حملے کی جگہ پر کسی طرح پہنچائے گئے تھے۔ واضح رہے کہ کیمیائی ہتھیاروں کے انسداد کے عالمی ادارے نے اپنی رپورٹ میں دعویٰ کیا تھا کہ شام میں خانہ جنگی کے دوران کیمیائی ہتھیار استعمال ہوئے ہیں تاہم اب تحقیقاتی ٹیم کے ممبر نے ہی ان دعوؤں کی نفی ...

چین کی ایک عدالت نے انٹرپول کے سابق سربراہ مینگ ہونگ وے کو رشوت ستانی کا الزام ثابت ہو جانے پر تیرہ سال اور چھ ماہ کی سزائے قید سنا دی۔ تیانجن کی عدالت کے مطابق مینگ کو دو ملین یوآن جرمانہ بھی کیا گیا ہے۔ یاد رہے کہ گذشتہ برس جون میں مینگ نے یہ تسیلم کر لیا تھا کہ انہوں نے ایک لاکھ اسی ہزار یورو کے قریب رشوت لی تھی۔ مینگ گذشتہ برس ستمبر میں چین پہنچنے کے بعد لاپتہ ہو گئے تھے۔ اس کے بعد چین میں ان کی گرفتاری کی خبریں سامنے آئی تھیں اور انہیں چینی کمیونسٹ پارٹی سے بھی بے دخل کر دیا گیا تھا۔ مینگ کی اہلیہ گریس نے کہا ہے کہ وہ اپنے شوہر کی حراست کے لیے ساز باز کرنے پر بین الاقومی پولیس آرگنائزیشن کے خلاف مقدمہ کررہی ہیں۔غیر ملکی خبر رساں ادارے کے مطابق سابق سربراہ انٹرپول مینگ ہونگ وے نے گزشتہ برس ستمبر میں چین کا دورہ کیا تھا جس کے بعد ان کی اہلیہ نے بتایا تھا کہ وہ لاپتہ ...

امریکی صدر ٹرمپ کے وکلا نے مواخذے کے مقدمے میں ڈونلڈ ٹرمپ پر لگائے گئے الزامات کو امریکی عوام پر خطرناک حملہ قرار دے دیا۔ صدر کی قانونی ٹیم کے مطابق یہ 2020 کے صدارتی انتخابات میں دخل اندازی کی شرمناک کوشش ہے۔ قانونی ٹیم کے چھ صفحات پر مشتمل خط میں کہا گیا ہے کہ مواخذے کے آرٹیکلز کوئی بھی جرم عائد کرنے میں ناکام رہے، یہ محض امریکی صدارتی انتخابات پر اثر انداز ہونے کی شرمناک کوشش ہے۔ واضح رہے کہ امریکی صدر پر اختیارات کے ناجائز استعمال اور ایوانِ نمائندگان کے کام میں مداخلت کرنے کے الزامات عائد کیے گئے ہیں جبکہ صدر ٹرمپ نے ان تمام الزامات کو مسترد کرتے ہوئے انھیں صرف افواہ قرار دیا ہے۔صدر ٹرمپ تیسرے امریکی صدر ہیں جنھیں مواخذے کی کارروائی کا سامنا ہے۔ صدر ٹرمپ کے مواخذے کے مقدمے کا باضابطہ آغاز 21 جنوری سے ہو گا۔ گذشتہ ماہ ایوانِ نمائندگان نے صدر ٹرمپ کے مواخذے کی منظوری دی تھی۔اب ...

پاکستان نے کہا ہے کہ امریکہ کو افغانستان سے اپنے فوجی انخلا کے بعد بھی ہندوکش کی اس ریاست کی تعمیر نو کے عمل میں شامل رہنا چاہیے۔ شاہ محمود قریشی  نے اپنے حالیہ دورہ ایران و سعودی عرب کے دوران ہونے والی ملاقاتوں کی تفصیلات سے امریکی وزیر خارجہ کو آگاہ کیا۔ ان کا کہنا تھا کہ پاکستان خطے میں امن و استحکام کا خواہاں ہے  اور خطے میں پائی جانے والی کشیدگی کے خاتمے کے لیے اپنا کردار ادا کرنے کے لیے پرعزم  ہے۔ افغانستان کی جنگ امریکہ کی آج تک کی طویل ترین جنگ بن چکی ہے۔ ان دنوں دوحہ میں افغان طالبان اور امریکی نمائندوں کے مابین مذاکرات بھی جاری ہیں۔ اس تناظر میں پاکستانی وزیر خارجہ شاہ محمود قریشی نے اپنے دورہ واشنگٹن کے دوران کہا کہ افغانستان سے اپنے آئندہ فوجی انخلا کے بعد بھی امریکہ کا اس ملک کی تعمیر نو اور وہاں استحکام کے عمل میں شامل رہنا ناگزیر ہو گا۔ پاکستانی وزیر خارجہ شاہ محمود قری...

امریکی صدر نے ایران کے سپریم لیڈر آیت اللہ خامنہ ای کو الفاظ کے چناؤ میں احتیاط برتنے کی تنبیہ کر دی۔ٹوئٹر پر جاری بیان میں امریکی صدر ٹرمپ نے ایران کے سپریم لیڈر کو متنبہ کیا کہ ایران کے نام نہاد سپریم لیڈر جو کہ اب سپریم لیڈر نہیں رہے امریکہ اوریورپ کے بارےمیں غلط باتوں سے پرہیز کریں۔ انہوں نے دھمکی آمیز الفاظ میں کہا کہ ایران کی معیشت تباہ ہورہی ہے اور لوگ مشکلات کا شکار ہیں، ایرانی سپریم لیڈر الفاظ کےچناؤ میں احتیاط کریں۔واضح رہے کہ ایران کے سپریم لیڈر آیت اللہ خامنہ ای نے جنرل قاسم سلیمانی کے قتل پر ایران کے انتقامی حملے کو امریکہ اور بیرونی قوتوں کے منہ پر تھپڑ قرار دیا تھا۔...

اسرائیلی ہیلی کاپٹروں نے اس شک کی بنا پر کہ فلسطینی علاقے کی طرف سے جوغبارے فضا میں چھوڑے گئے ہیں ان میں بارود ہو سکتا ہے،حفاظتی کارروائی کرتے ہوئے چوبیس گھنٹوں کے دوران غزہ پر دو مرتبہ بمباری کی۔ اسرائیلی ہیلی کاپٹروں نے غزہ کی پٹی کے شمالی حصے میں بمباری کی جس میں کومبیٹ ہیلی کاپٹروں نے حماس کے ٹھکانوں کو نشانہ بنایا۔ ایرانی میڈیا کے مطابق اسرائیل نے دعویٰ کیا ہےکہ حملے اس وقت کیے گئے جب غزہ کی طرف سےاسرائیلی علاقے کی طرف غبارےاڑائے گئے۔ اسرائیلی حکام کو شک تھا کہ ان غباروں میں بارودی مواد ہو سکتا ہے لہٰذا انتقامی کاروئی کی گئی ۔اس کے علاوہ بدھ کو رات گئے بھی اسرائیلی جنگی طیاروں نے غزہ کی پٹی پر بمباری کی جس میں شمال کے کئی علاقوں اور شمال مغرب کے ساحلی انکلیو کو نشانہ بنایا گیا۔ فلسطینی میڈیا کے مطابق کہ اسرائیلی طیاروں نے ایک حملے میں حماس کو نشانہ بنایا جب کہ دوسرے حملے میں شم...

امریکی نشریاتی ادارے کے مطابق امریکی سینٹرل کمانڈ کے ترجمان نے اعتراف کیا کہ جنرل سلیمانی کے قتل کے بعد ایران کے عراق میں امریکی فوجی اڈے الاسد ائیر بیس پر انتقامی میزائل حملے میں 11 امریکی فوجی زخمی ہوئے ان سروس ممبران کو محتاط ہوتے ہوئے جرمنی کے میڈیکل سینٹر اور کویت علاج کے لیے منتقل کیا گیا تھا۔ترجمان نے بتایا کہ ایرانی حملے کے بعد کئی امریکی فوجیوں کو سر پر چوٹ کے شبے میں امداد دی گئی جن میں سے کئی فوجیوں کو اب بھی طبی امداد دی جارہی ہے۔ ترجمان کا کہنا تھا کہ یہ ایک طے شدہ طریقہ کار ہے کہ دھماکے کے نتیجے میں قریب موجود تمام افراد کی دماغی چوٹ جانچنے کے لیے ان کی ٹرامیٹک اسکریننگ کی جاتی ہے۔اور اگر محسوس ہوا کہ اسکریننگ پر بھیجے جانے والے فوجی اہلکار ڈیوٹی کے لیے فٹ ہیں تو انہیں عراق میں ہی تعینات کیے جانے کا امکان ہے۔ترجمان نے اس بات کی بھی تصدیق کی کہ ایران کے میزائل حملے میں کوئی...