Urdu

بھارتی لوک سبھا (ایوان زیریں) میں متنازع شہریت بل کی منظوری کے بعد راجیہ سبھا (ایوان بالا) میں بھی اسے منظور کرلیا گیا ہے اور صدر کے دستخط کے بعد اسے قانون کا درجہ حاصل ہوجائے گا۔ بل کے تحت 2015 سے قبل پاکستان ، بنگلہ دیش اور افغانستان سے آنے والے ہندو، جین، سکھ ، بدھ، مسیحی اور پارسی غیر قانونی تارکین وطن کو شہریت دی جاسکے گی جب کہ ان ممالک سے آنے والے مسلمانوں کو یہ سہولت  نہیں دی جائےگی۔ معتصبانہ ، متنازع شہریت بل کے خلاف بھارت کی شمال مشرقی ریاستوں میں بھی احتجا ج کا سلسلہ جاری ہے۔ ریاست تریپورہ میں احتجاج میں شدت آنے پر موبائل انٹرنیٹ اور میسج سروس 48 گھنٹوں کے لیے بند کردی گئی جب کہ آسام کے شہر گوہاٹی میں کرفیو نافذ کردیا گیا ہے۔...

صدر ڈونلڈ ٹرمپ نے منگل کے روز روسی وزیر خارجہ سرگی لاوروف سے اپنے اوول آفس میں ملاقات کے ختتام پرجاری کردہ ایک بیان میں ماسکو کو متنبہ کیا کہ 2020 کےآئندہ امریکی صدارتی انتخابات میں روس کی مداخلت ناقابل قبول ہوگی۔ اوراس طرح کی کسی بھی کوشش کے خلاف سخت کارروائی کی جائے گی۔ دوسری جانب روسی وزیر خارجہ سرگی لاوروف نےکہا ہے کہ امریکی صدر کے ساتھ بند کمرہ اجلاس میں امریکی انتخابات میں روسی مداخلت سے متعلق کسی معاملے پربات چیت نہیں کی گئی۔ واضح رہے کہ لاوروف کا انکار وائٹ ہاؤس کے اعلان کے فورا بعد سامنے آیا۔ جب کہ وائٹ ہائوس کا کہنا ہے کہ صدر ٹرمپ نے روسی وزیر خارجہ کو خبردار کیا ہے کہ ماسکو آئندہ سال ہونے والے صدارتی انتخابات میں کسی قسم کی مداخلت نہیں کرے گا۔ منگل کے روزامریکی وزیر خارجہ مائیک پومپیو نے بھی اپنے روسی ہم منصب ، سرگی لاوروف کو 2020 میں ہونے والے امریکی صدارتی انتخابات...

عالمی اینٹی ڈوپنگ ایجنسی، واڈا نے روس پر سنہ 2020 میں ٹوکیو میں منعقد ہونے والے اولمپکس مقابلوں اور قطر میں فٹبال ورلڈ کپ 2022 سمیت تمام بڑے کھیلوں کے مقابلوں میں شرکت پر چار سال کے لیے پابندی عائد کر دی ہے۔ اس پابندی کا مطلب یہ ہےکہ ان اولمپکس مقابلوں اور قطر میں فٹبال ورلڈ کپ میں نہ روس کا جھنڈا لہرا سکے گا اور نہ ہی اس کا قومی ترانہ بجے گا۔ لیکن وہ روسی ایتھلیٹس جو یہ ثابت کریں گے کہ انھوں نے کسی قسم کی ممنوعہ ادویات استعمال نہیں کیں وہ ان مقابلوں میں انفرادی حیثیت میں حصہ لے سکیں گے لیکن ملک کے نمائندہ نہیں ہوں گے۔ یاد رہے کہ یہ فیصلہ روس کی اینٹی ڈوپنگ ایجنسی، روساڈا کی جانب سے جنوری سنہ 2019 میں تحقیق کاروں کو تبدیل شدہ لیبارٹری ڈیٹا فراہم کرنے کے بعد کیا گیا ہے۔ خیال رہے کہ سنہ 2015 سے بحیثت ملک روس اتھلیٹکس میں حصہ نہیں لے سکا ہے۔ نو دسمبر کو جاری کی جانے والی ایک رپو...

امریکی صدر نے شمالی کوریا کے لیڈر کِم جونگ اُن کو خبردار کیا ہے کہ وہ امریکہ کی دشمنی میں سب کچھ کھوبیٹھیں گے۔خیال رہے کہ صدرٹرمپ نے یہ دھمکی آمیز بیان شمالی کوریا کے کسی نئے بڑے ہتھیار کے تجربے کے ردعمل میں جاری کیا ہے۔شمالی کوریا کی اکیڈیمی برائے نیشنل ڈیفنس سائنس کے ترجمان نے ہفتے کے روز تصدیق کرتے ہوئےایک بیان میں کہا تھا کہ ہفتے کے روز سوہائی خلائی مرکز سے بہت اہم تجربہ کیا گیا ہے جس سے شمالی کوریا کی ’’تزویراتی پوزیشن‘‘ کو تبدیل کرنے میں اہم پیش رفت ہو سکے گی ۔تاہم اس بیان میں یہ نہیں بتایا گیا کہ یہ تجربہ کہاں اور کس ’’اہم ہتھیار‘‘ کا کیا گیا ہے۔ شمالی کوریا کے اس تجربے پر ردعمل دیتے ہوئے صدر ٹرمپ نے ایک ٹویٹ میں کہا ہے کہ ’’کِم جونگ اُن بہت ہوشیار بنتے ہیں، انھیں اسی حساب سے بہت کچھ کھونا پڑےگا۔ اوراگر وہ اسی معاندانہ طرز عمل کو جاری رکھتے ہیں تو وہ ہر چیز کھودیں گے ،، ۔ وا...

فن لینڈ کی سوشل ڈیموکریٹک پارٹی جو پانچ جماعتی مخلوط حکومت کی قیادت کررہی ہے نے وزیر اعظم انٹی رینی کے استعفیٰ کے بعد وزیر ٹرانسپورٹ چونتیس سالہ ، سانا میرین کو نیا وزیراعظم منتخب کرلیا ہے۔ یادرہے کہ وزیر اعظم انٹی رینی نے کچھ دن پہلے اعتدال پسند اتحادی جماعت سے استعفیٰ دے دیا تھا۔ انہوں نے عہدہ اس وقت چھوڑا جب ان کے خلاف محکمہ ڈاک کے ملازمین نے ہڑتال شروع کردی تھی۔ میرین نے پارٹی کے وزارت عظمیٰ کے دیگر امیدواروں کے مقابلے میں کامیابی حاصل کرنے کے بعد صحافیوں سے گفتگو کرتے ہوئے کہا کہ عوام کا اعتماد بحال کرنے میں ہمارے پاس وقت کم اورکام بہت زیادہ ہے۔اور سب سے اہم چیزہمارا مشترکہ حکومتی پروگرام ہے جو حکمراں اتحاد کی یکجہتی کی بنیاد ہے۔ چھ ماہ قبل تشکیل پانے والا یہ اتحاد رینی کےاستعفے کے بعد اپنے سابقہ پروگرام پرکام جاری رکھنے کے وعدے پر قائم ہے۔ واضح رہے کہ موجودہ حالات میں فن...

غیر ملکی خبر رساں ادارے کے مطابق نیوزی لینڈ کے وائٹ آئی لینڈ میں آتش فشاں پھٹ پڑا اور لاوا بہنے لگا جس کے نتیجے میں ایک سیاح ہلاک جب کہ 20 افراد زخمی ہوئے ہیں۔ واضح رہے کہ نیوزی لینڈ کے جنوبی آئی لینڈ کو طوفانی بارشوں کے بعد اس وقت سیلابی صورت حال کا بھی سامنا ہے۔ نیوزی لینڈ کی وزیر اعظم جیسنڈا آرڈن کا کہنا ہے کہ ویلنگٹن میں آتش فشاں پھٹنے کے وقت 100 سیاح قریب موجود تھے جن میں سے ایک کی ہلاکت کی تصدیق کی گئی ہے جب کہ حکام کی جانب سے حادثے میں مزید ہلاکتوں کی توقع ظاہر کی جا رہی ہے۔  میڈیا رپورٹس کے مطابق سیلابی صورتحال کے باعث رابطہ سڑکیں ٹوٹنے اور پُل بہنے سے ایک ہزار سیاح جزیرے پر محصور ہو کر رہ گئے ہیں۔ حکومت کی جانب سے ہنگامی حالت کا نفاذ کر دیا گیا ہے...

آسٹریلیا کے سابق وزیراعظم باب ہاک کی بیٹی روزلین ڈِلون بھی زیادتی سے محفوظ نہ رہ سکیں۔ 59 سالہ روزلین نے انکشاف کیا ہے کہ 80 کی دہائی میں انہیں زیادتی کا نشانہ بنایا گیا۔ ان کے والد کی پارٹی کے ایک سینیٹر نے ان کے ساتھ زیادتی کی تھی۔ سابق وزیراعظم کی صاحبزادی نے انکشاف کیا کہ جب اس بارے میں والد کو بتایا گیا توانہوں نے بدنامی کے خوف سے خاموش رہنےکو کہا تھا۔ واضح رہے کہ آسٹریلوی وزیراعظم باب ہاک کی بیٹی روزلین کی جانب سے یہ دعوٰی جائیداد کی تقسیم کے تنازع کے دوران سامنے آیا ہے۔...

قطر میں طالبان کے سیاسی دفتر کے ترجمان سہیل شاہین نے امریکہ کے ساتھ مذاکرات کے دوبارہ آغاز کی تصدیق کرتے ہوئےکہا ہے کہ امریکہ کے ساتھ مذاکرات 7 ستمبر کو شروع ہوئے تھے جو آج بھی جاری رہیں گے۔ اس سے پہلے امریکہ اور افغان طالبان کی جانب سے ایک دوسرے کے قیدیوں کی رہائی کے بعد امریکی صدرڈونلڈ ٹرمپ نے نے طالبان کے ساتھ مذاکرات کے دوبارہ آغاز کا اشارہ دیا تھا جس کے بعد امریکہ کے نمائندہ خصوصی برائے افغان امن عمل زالمے خلیل زاد نے افغانستان کا دورہ کیا اور پھر وہ وہاں سے قطر پہنچے۔ افغان میڈیا کے مطابق مذاکرات کے پہلے روز فریقین کے درمیان 4 گھنٹے کی طویل تشست ہوئی جس میں تشدد میں کمی لانے، انٹرا افغان مذاکرات اور جنگ بندی پر بات چیت ہوئی۔ یادرہے کہ امریکی صدر ڈونلڈ ٹرمپ نے رواں برس ستمبر میں گزشتہ ایک سال سے جاری مذاکرات معاہدے پر دستخط ہونے سے قبل منسوخ کر دیئے تھے۔...

بھارتی مقبوضہ کشمیر میں قابض بھارتی فوج کی جانب سے عائد کرفیو کو 4 ماہ سے زائدعرصہ ہو چکا ہے اوراس دوران وادی میں لاک ڈاؤن کے سبب معیشت کو  15ہزار کروڑ روپے کا نقصان ہو چکا ہے۔ کشمیر میڈیا سروس کے مطابق بھارتی حکومت کی بربریت کے خلاف بڈگام، گاندربل، پلوامہ، کلگام، شوپیاں، بانڈی پورہ،کپواڑہ سمیت دیگر علاقوں میں مظاہرے جاری ہیں۔ مظاہرین کواحتجاج سے روکنے کے لیے بھارتی فورسز طاقت کا استعمال کر رہی ہیں  جس سے متعدد کشمیری زخمی ہو گئے ہیں۔125 روز سے جاری کرفیو اور پابندیوں کے باعث مقبوضہ وادی میں نظام زندگی مفلوج ہو کر رہ گیا ہے، تعلیمی ادارے، دکانیں، کاروباری مراکز بند ہیں جب کہ سڑکوں پر ٹرانسپورٹ بھی غائب ہے۔ ان سب کے علاوہ انٹرنیٹ، موبائل فون اور لینڈ لائن سروس بھی تاحال بند ہے جب کہ حریت رہنما اور مقامی سیاسی قیادت سمیت 11 ہزار کشمیری گرفتار ہیں۔ کشمیر میڈیا سروس کے مطابق مسلسل 4...

ترکی کے وزیر دفاع ہولوسی اکار نے شمالی شام میں کرد جنگجوؤں کونیٹو اتحاد کی جانب سے انتشار کا ذمہ دارقرار دینے سے انکار کے بعد ، نیٹو پر الزام لگایا کہ وہ خود ہی دہشت گردی کے خلاف جنگ لڑنے کی بجائےملک چھوڑ رہا ہے۔ اس ہفتے کے شروع میں لندن میں نیٹو کے سربراہی اجلاس سے قبل ، ترک حکومت نے تجویز پیش کی تھی کہ جب تک نیٹواتحاد کرد وائی پی جی ملیشیا کو دہشت گرد گروہ نامزد نہیں کرے گا وہ بالٹک ریاستوں کے لئے دفاعی منصوبے پر پابندی لگائے گی ۔ یاد رہے کہ انقرہ کئی دہائیوں سے وائی پی جی کے ساتھ تنازعہ میں مبتلا ہے اور اس نے ستمبر میں شمالی شام میں کردوں کے خلاف فوجی کارروائی کا آغاز کیا تھا۔ ترک صدر رجب طیب اردگان نے بالآخر بالٹک منصوبے کی حمایت کی ، لیکن ساتھ ہی نیٹو پر زور دیا کہ وہ "دہشت گردی کے خلاف جنگ میں ترکی کو تنہا نہ چھوڑے۔" تاہم ، اتحاد نے ، اردگان کے ساتھ وائی پی جی معاملے کو حل ن...