Urdu

بھارت میں شہریت کے متنازع بل کے خلاف احتجاج کا سلسلہ جاری ہے۔ ریاست آسام کے شہر گوہاٹی میں ہونے والے مظاہرے میں پولیس کی فائرنگ سے 2 افراد ہلاک اور متعدد زخمی ہو گئے۔ شہر میں کرفیو کے باوجود جگہ جگہ لوگ سڑکوں پر احتجاجی مظاہرے کر رہے ہیں ۔ مظاہرین نے گوہاٹی ہائی کورٹ کے سامنے ایک بڑے میدان میں جلسہ کیا اور پر امن مظاہرہ جاری رکھنے کا اعلان کیا۔ آسام کے علاوہ دیگر ریاستوں میں بھی متنازع بل کے خلاف ہڑتال اور جلاؤ گھیراؤ کے واقعات پیش آئے۔ پولیس نے مظاہرین پر ہلہ بول دیا اور لاٹھی چارج کے بعد شدید شیلنگ کی جس سے کئی مظاہرین دم گھٹنے کے سبب بے ہوش ہو گئے۔ پولیس نے روایتی ریاستی دہشت گردی کا مظاہرہ کرتے ہوئے فائرنگ کی جس کے نیتجے میں 2 افراد ہلاک جبکہ بے شمارزخمی ہو گئے۔ واضح رہے کہ اسلامی تنظیموں، اپوزیشن جماعتوں اور انسانی حقوق کے لیے کام کرنے والی تنظیموں کے مطابق یہ اقدام بھارتی وزی...

ابتدائی نتائج کے مطابق برطانیہ کے قبل از وقت عام انتخابات میں کنزرویٹو پارٹی نے واضح اکثریت حاصل کر لی ہے ۔ 650 کے ایوان میں کنزرویٹو پارٹی نے 364 نشستیں حاصل کیں جب کہ لیبر پارٹی 203 نشستوں کے ساتھ دوسرے نمبر پر ہے۔ برطانیہ کے 650 نشستوں پر مشتمل ایوان میں کسی بھی جماعت کو سادہ اکثریت حاصل کرنے کے لیے 326 نشستیں درکار ہوتی ہیں۔ جمعرات کو ہونے والی پولنگ کے بعد ووٹوں کی گنتی اور نتائج کی آمد کا سلسلہ جاری ہے۔ کنزرویٹو پارٹی حکومت بنانے کی پوزیشن میں ہے جس کے بعد برطانیہ کے یورپی یونین سے علیحدگی کا طویل مدتی انتظار بھی ختم ہونے کا امکان ہے۔ واضح رہے کہ برطانیہ کی یورپی یونین سے علیحدگی (بریگزٹ) کے معاملے پر 2016 میں ہونے والے ریفرنڈم کے بعد جمعرات کو تیسری مرتبہ عام انتخابات کے لیے ووٹ ڈالے گئے۔​وزیرِ اعظم بورس جانسن اپنی انتخابی مہم کے دوران، 'بریگزٹ ممکن بنایا جائے گا' کا اعلا...

جرمنی کا ایک اہم موبائل کیریئر ، ٹیلیفونیکا ڈچلینڈ ، چینی کمپنی کو مسترد کرنے کے امریکی دباؤ کو نظر انداز کرتے ہوئے ، قومی 5 جی نیٹ ورک کے رول آؤٹ میں مدد کے لئے ہواوے اور نوکیا کا رخ کررہا ہے۔ ذرائع کے مطابق، "ٹیلیفونیکا ڈچلینڈ اپنے 5 جی رسائی نیٹ ورک پر اسٹریٹجک شراکت دار نوکیا اور ہواوے پر انحصار کرنے کا ارادہ رکھتی ہے۔ اس میں مزید کہا گیا ہے کہ شراکت دار نوکیا اور ہواوے کو سیکیورٹی کی ضروریات کی تکمیل کرنی ہوگی جس کا تعین جرمنی کے ریگولیٹرز کے ذریعہ کرنا باقی ہے۔ یہ فیصلہ اس وقت سامنے آیا جب واشنگٹن نے الزام لگایا ہے کہ ہواوے کو سیکیورٹی رسک لاحق ہے اور وہ چینی حکومت کی جانب سے جاسوسی کے لئے استعمال ہوسکتی ہے ۔ شینزین میں مقیم کمپنی نے بار بار اس کی تردید کی ہے۔ امریکہ پہلے ہی کمپنی کو بلیک لسٹ کرچکا ہے ، اور فی الحال اپنے یورپی اتحادیوں پر بھی اس معاملے پر عمل کرنے کے لئے دباؤ ڈ...

امریکہ کے منع کرنے کے باوجود ترکی نےروس سے ایس۔400 میزائل سسٹم خریدا اور شام میں آپریشن بھی جاری رکھا جس کی وجہ سے امریکی سینٹ کی خارجہ تعلقات کمیٹی  کی طرف سے ترکی کے خلاف پابندیوں پر مبنی آئینی بِل پیش کیے جا نے کی توقع ہے بل پر ترکی کے صدارتی ترجمان ابراہیم قالن نے سخت الفاط میں ردعمل کا اظہار کرتے ہوئے کہا ہے کہ ہم کانگریس میں جاری مرحلے پر بغورنظررکھے ہوئے ہیں۔ انہوں نے کہا ہے کہ بل منظور ہو یا نہ ہو ، ایس۔400 کی خرید کا مرحلہ جاری رہے گا۔ ایس۔400 کی خرید کے معاملے میں کبھی بھی پیچھے نہیں ہٹیں گے ۔امریکہ کے ساتھ ایف۔35 کے معاملے میں درپیش صورتحال کا جائزہ لیتے ہوئے قالن نے کہا ہے کہ "افسوس کے ساتھ کہنا پڑتا ہے کہ یہ موضوع  اس وقت تکنیکی یا پھر دفاعی صنعت کا موضوع نہیں رہا بلکہ مکمل طور پر امریکہ کی داخلی سیاست  کا موضوع بن چکا ہے۔ ابراہیم قالن نے کہا ہے کہ ترکی، ایس ۔400 کے س...

لیبیا میں بحریہ کے کمانڈر میجر جنرل فرج المہدوی نے خبردار کیا ہے کہ لیبیا کے ساحلوں کے نزدیک آنے والے کسی بھی ترک جہاز کو سمندر میں غرق کر دیا جائے گا۔ یہ بات یونان کی ویب سائٹ گریک رپورٹر پر منگل کے روز پوسٹ کی گئی۔ دوسری جانب ترکی کے ایوان صدارت نے بدھ کے روز کہا ہے کہ اسے امید ہے کہ لیبیا کی حکومت ترک فوجیوں کو اپنی سرزمین پر بلانے پر مجبور نہیں ہو گی۔ ویب سائٹ رپورٹ کے مطابق جنرل فرج المہدوی نے رواں ہفتے یونان کے "الفا" ٹی وی کو دیے گئے انٹرویو میں ترکی اور لیبیا کی وفاق کی حکومت کے بیچ حال ہی میں دستخط ہونے والے سمجھوتے پر شدید اعتراض کا اظہار کیا۔ یادرہے کہ المہدوی اپنے فیس بک اکاؤنٹ پر یونانی زبان میں پہلے ہی یہ پوسٹ کر چکے ہیں کہ "ہم جلد ہی دارالحکومت طرابلس کو آزاد کرا لیں گے اور ترکی کا خواب چکناچور کر دیں گے"۔ لیبیا کی پارلیمنٹ کے اسپیکر کے میڈیا مشیر فتحی المریمی بدھ کے ...

امریکی وزیر دفاع مارک ایسپر نے ایوان نمائندگان کی آرمڈ فورس کمیٹی سے خطاب میں کہا کہ ان کا ملک اپنے دفاع اور اپنے اتحادیوں کو ایران کے خطرات کا مقابلہ کرنے کا اہل بنانا چاہتا ہے اور اگر ایران ہمارے مفادات یا ہماری افواج پر حملہ کرتا ہے تو ہم فیصلہ کن طاقت کے ساتھ منھ توڑ جواب دیں گے۔ یاد رہے کہ امریکی وزیر خارجہ مائیک پومپیو نے بھی اس سلسلے میں بدھ کے روز کہا تھا کہ واشنگٹن ایران پر نئی پابندیوں کا اعلان کرنے کی تیاری کررہا ہے۔ وزارت خارجہ کے دفتر میں صحافیوں سے بات کرتے ہوئے مائیک پومپیو نے تصدیق کی کہ نئی پابندیوں میں ایرانی اسلحہ اسمگلنگ نیٹ ورک کو نشانہ بنایا جائے گا۔ان کا کہنا تھا کہ ہم ایسی کمپنیوں کو سزا دیں گے جو ایران کے ساتھ تعاون کریں گی۔پومپیو نے مزید کہا کہ بڑے پیمانے پر تباہی پھیلانے والے ہتھیاروں کی ترسیل تعاون کرنے پر ایران کی فضائی کمپنی "مہان" ایئر لائن کے خلاف پہلے ہی...

برطانیہ میں آج عام انتخابات کا انعقاد ہونے جا رہا ہے ۔ پولنگ کا عمل مقامی وقت کے مطابق صبح 7 بجے سے رات 10 بجے تک جاری رہے گا۔ خیال رہے کہ برطانیہ میں عام انتخابات عموماً 5 سال بعد ہوتے ہیں جبکہ آج ہونے والے انتخابات گذشتہ 5 سال کے دوران ہونے والے تیسرے الیکشن ہیں۔ 2017 کے الیکشن کے بعد یہ انتخابات 2022 میں ہونا تھے لیکن 30 اکتوبر 2019 کو برطانوی پارلیمنٹ نے اکثریتی ووٹوں سے نئے انتخابات کی منظوری دی تھی۔  ان انتخابات میں پہلی بار کل 70 مسلمان امیدوار حصہ لے رہے ہیں جب کہ گذشتہ انتخابات میں یہ تعداد 47 تھی۔ان امیدواروں کی اکثریت کا تعلق پاکستان ، بنگلا دیش اور کُرد نسل سے ہے جب کہ امید کی جارہی ہے کہ 24 امیدوار ایسے ہیں جو پارلیمنٹ میں پہنچنے میں کامیاب ہوجائیں گے جو کہ اب تک کی سب سے بڑی تعداد ہوگی۔رپورٹ کے مطابق جن 24 امیدواروں کی جیت کے امکانات زیادہ ہیں ان میں سے 70 فیصد پاکستانی...

انگلینڈ کے اسپتال میں کمسن بچے کے زمین پر علاج کی تصویر الیکشن مہم پر چھا گئی۔ایک صحافی نے لیڈز جنرل اسپتال میں بستر نہ ہونے پر 4 سالہ بچےکے زمین پرعلاج کی تصویربرطانوی وزیراعظم بورس جانسن کودکھائی توانھوں نے موبائل فون لے کرجیب میں ڈال لیا۔رپورٹرنے جب انہیں یاد دلایا تواس کاموبائل فون جیب سے نکال کربچے کی تصویر دیکھی اور اس کےوالدین سےافسوس کااظہار کیا ۔ لیبرپارٹی نے نیشنل ہیلتھ سروس کی تباہی کا ذمہ دار حکمراں ٹوریزکو قرار دے دیا اور اپنی الیکشن مہم کے دوران صحت میں سرمایہ کاری اور گرین فیوچر کے وعدے کیے ہیں برطانیہ میں 12 دسمبرکو عام انتخابات ہو رہے ہیں اور پورے ملک میں سیاسی سرگرمیاں عروج پر پہنچ چکی ہیں۔ برطانیہ میں ایک مارکیٹنگ ریسرچ اور سروے کمپنی کی جانب سے کیے گئے تازہ سروے کے مطابق رواں ہفتے برطانوی وزیراعظم بورس جانسن کی کنزرویٹو پارٹی کو لیبرپارٹی پر 14 پوائنٹ کی برتری حاصل ...

امریکہ یورپی خطے میں ہونے والی فوجی مشقوں میں 25 سال بعد غیرمعمولی اور بڑے پیمانے پر شرکت کی تیاری کررہا ہے۔یہ مشقیں آئندہ سال اپریل اور مئی یا جون کے درمیان یورپ کے 10 ممالک میں ہوں گی۔خبر رساں اداروں کےمطابق 25 برس کے بعد یہ پہلاموقع ہے کہ امریکہ اپنی عسکری طاقت کے اظہار کےلیے آئندہ سال ہونے والی مشقوں میں اپنی 20 ہزار فوج بھیجے گا۔ سینیرامریکی فوجی افسر جنرل کریسٹوفر کاوولی کا کہنا ہےکہ یورپی ملکوں میں ہونے والی مشقوں میں امریکی فوج کی شمولیت روایتی حریف روس جیسے ممالک کے سامنے اپنی عسکری قوت کا اظہار کرنا ہے۔ خیال رہے کہ 'ڈیفنڈر یورپ 20' کے عنوان سے یہ مشقیں آیندہ سال ہورہی ہیں۔ ان مشقوں میں یورپ میں موجود 9 ہزار امریکی فوجی بھی حصہ لیں جب کہ مجموعی طور پر اتحادی ممالک کے 37 ہزار فوجیوں کو ان مشقوں میں شامل کیا جائے گا۔ یورپ میں امریکی بری فوج کے سربراہ جنرل کاوولی نے پینٹا گا...

اقوام متحدہ سیکریٹری جنرل انتونیو گوٹیریس نے سلامتی کونسل میں ایران کے جوہری پروگرام کے بارے میں اپنی ششماہی رپورٹ پیش کی ہے۔ سیکریٹری جنرل کہا ہے کہ عالمی ادارہ ستمبر میں سعودی آرامکو کی تیل کی دو تنصیبات پر میزائل اور ڈرون حملے میں ایران کے ملوّث ہونے کی تصدیق نہیں کرسکتا۔ انھوں نے اس رپورٹ میں کہا ہے کہ اقوام متحدہ کے تحقیقات کاروں کو آرامکو کی تنصیبات پر حملوں میں استعمال کیے گئے ہتھیاروں کے ملبے تک رسائی دی گئی تھی لیکن تحقیقات سے ابھی یہ پتا نہیں چل سکا ہے کہ حملے میں استعمال کیے گئے کروز میزائل اور بغیر پائیلٹ جاسوس طیارے ایران ساختہ تھے۔تاہم ان کا کہنا ہے کہ ابھی تک حملے کی تحقیقات جاری ہیں اور ان کی تکمیل کے بعد رپورٹ اقوام متحدہ کی سلامتی کونسل میں پیش کردی جائے گی۔ واضح رہے کہ سعودی عرب اور امریکہ نے ایران پر ان حملوں کا الزام عاید کیا تھا۔اور کہا تھا کہ 14 ستمبر کو سعودی...