Urdu

برطانوی وزیرمالیات کا کہنا ہے کہ وزیراعظم تھریسا مے کے وزارت عظمیٰ کے عہدے سے دستبردار ہوتے ہی استعفیٰ دے دیں گے-بی بی سی کے نمائندے کو ایک سوال کے جواب میں ہیمنڈ نے کہا کہ اس سے پہلے کہ بورس جانسن ان کے خلاف کوئی کاروائی کریں وہ وزارت مالیات چھوڑ چکے ہو ں گے

روسی الیکشن کمیشن کی جانب سے حزب مخالف کےکئی رہںماؤں پر بلدیاتی انتخابات لڑنے پر پابندی کے خلاف لوگ احتجاجی مظاہرہے کے لیےوسطی ماسکو میں اکٹھے ہو گئے-لوگوں کا مطالبہ تھا کہ ان نمائندوں کو الیکشن میں حصہ لینے کی اجازت دی جائے

روسی ساختہ سو یوز ایم ایس- 13 خلائی راکٹ تین خلانوردوں کولے کربین الاقوامی خلائی سٹیشن کی طرف روانہ ہو گیا-بیکانور سے روانہ ہونے والی اس مہم 60-61 میں روسی خلا نورد الیگزینڈرسکوورٹسو،تجربہ کاراطالوی خلانورد لوکا پارمیٹانو اورپہلی دفعہ خلا میں جانے والے امریکی اینڈریو مورگن شامل ہیں –اس مہم پر جانے والے خلانورد خلا میں دو سو ایک دن گزاریں گے-اس دوران وہ قدرتی آفات کی پیشگوئی اور قبل از وقت تحفظ کے حوالے سے درجنوں تجربات کرنے کے ساتھ ساتھ کائنات میں تابکاری کے اثرات کا بھی جائزہ لیں گے-یہ مشن فروری 2020میں واپس زمین پر آئے گا اور ستمبر میں متحدہ عرب امارات کا ایک خلا نورد اس ٹیم میں شامل ہو جائے گا...

برطانوی وزیرخارجہ جیریمی ہنٹ کا یہ سخت جواب ایسے وقت میں سامنے آیا ہے جب جمعے کے روز ایران کی جانب سے قبضے میں لیے گئے برطانوی جہاز سٹینا امپیرو کی مزید تصاویر جاری کی گئی ہیں۔ جیریمی ہنٹ کا کہنا ہےکہ ایران اپنے اس اقدام کو ''ادلے کا بدلہ'' کے طور پر لےرہا ہے۔ یاد رہے کہ چند روز قبل برطانیہ نے بھی جبرالٹر میں ایک ایرانی تیل بردار جہاز کو اپنی تحویل میں لے لیا تھا۔

ایران اور امریکہ کے درمیان تناؤ اپنے عروج پر ہے-ایسے میں توقع کی جا رہی ہے کہ صدر ٹرمپ اس تناؤ کو 2020الیکشن میں اپنی جیت کے لیے نعرے کے طور پر استعمال کریں گے-ٹرمپ انتظامیہ میں ایسے لوگوں کی بڑی تعداد موجود ہے جو ایران پر جغرافیائی اور سیاسی اعتبار سے گہری نظر رکھتی ہے- سیکرٹری آف اسٹیٹ مائیک پومپیو اور نیشنل سیکورٹی کے مشیر جان بولٹن جیسے لوگ تہران کے خلاف فوجی کارروائی کا طویل ریکارڈ رکھتے ہیں.اس لیے خیال ظاہر کیا جا رہا ہے کہ ملکی سطح پر سپورٹ حاصل کرنے کے لیے ایران کا ہوا کھڑا کیا جائے گا...

باوجود اس کے کہ اسرائیلی وزیراعظم بنجمن نیتن یاہو کوکرپشن کے الزامات کا سامنا ہے,وہ اسرائیل کی وزارت عظمیٰ کے طویل ترین مدت تک مزے لوٹنے والے رہنما بن گئے ہیں-ان پر الزام ہے کہ وہ کاروباری شخصیات سے تحائف وصول کرتے ہیں ااپنے سیاسی حریفوں کو میڈیاپر نیچا دکھانے اوراپنا مثبت تاثر ابھارنے کے لیے ناجائزذرائع استعمال کرتے ہیں-جبکہ نیتن یاہو ان تمام الزامات کو مسترد کرتے ہیں  

ایرانی پاسداران انقلاب کے برطانوی پرچم بردارآئل ٹینکر پر قبضے کے بعدبرطانوی حکومت نےاپنی شپنگ کمپنی سے کہا ہے کہ وہ کچھ عرصے کے لیےآبنائے ہرمز کو اپنی گزرگاہ کے طور پر استعمال نہ کرے- یاد رہے کہ ایران کےانقلابی گارڈزنے سویڈن کابرطانوی پرچم بردارآئل ٹینکر سٹینا امپیرواس وقت قبضے میں لے لیا جب وہ آبنائے ہرمز سے گزر رہا تھا -

روس کےشمال مغربی علاقے آرخانجیلسک کی کان سےیورپی تاریخ کا سب سے بڑا ہیرا دریافت ہوا ہے-یاد رہے کہ یہ علاقہ قیمتی پتھروں کی دریافت کے لیے پہلے ہی مشہور ہے-اس ہیرے کے ساتھ نایاب پیلے ہیرے اور دیگر قیمتی پتھر بھی دریافت ہوئے ہیں

واشنگٹن میں آزادی مذہب کی کانفرنس سے خطاب کرتے ہوئے مائیک پومپیو کہنا تھا کہ چین ہمارے عہد کے انسانی حقوق کے بحرانوں کی بدترین مثال ہے اور یہ صورتحال صدی کا ایک بدنما داغ ہے۔ نائب صدر مائیک پینس نے بھی کانفرنس سے خطاب کیا اور کہا کہ امریکا کی جانب سے چین کے ساتھ تجارتی مذاکرات کے باعث امریکہ مشرقی ایشیائی ملک میں مذہبی آزادی کے سوال سے پیچھے نہیں ہٹے گا۔ انہوں نے سعودی عرب پربھی نکتہ چینی کرتے ہوئے زور دیا کہ قید بلاگر رائف بدوی کو رہا کیا جائےجنھیں مذہب کی توہین کے الزام پر 10 سال قید کی سزا دی گئی ہے۔ پینس نے اس عزم کا بھی اظہار کیا کہ امریکہ شمالی کوریا میں مذہبی آزادی پر زور دے گا خصوصاًایسی صورت حال میں جب کہ ملک کے جوہری ہتھیاروں کو تلف کرنے کی کوششیں جاری ہیں۔...