Author: مخبر

روس کے جنوب مشرقی جزیرہ نما علاقے کامچاتکا میں ہزاروں کی تعداد میں سمندری حیات مردہ حالت میں ساحل ہر آگئی ہے۔ مقامی آبادی نے پانی میں تیل کی مقدار خطرناک حد تک بڑھنے اور جلدی بیماریوں کی شکایت بھی درج کی ہے۔ https://twitter.com/Dmitry788/status/1312070771792130053?s=20 مقامی وزارت ماحولیات کے مطابق علاقے سے گزرنے والے تیل کے بحری جہاز واقعے کے ذمہ دار ہو سکتے ہیں، تاہم تحقیقات کا آغاز کر دیا ہے۔ https://youtu.be/h__3B6jeai4

https://youtu.be/YeZy1Nxk9Qc

جرمنی میں پولیس نے ایک ریل گاڑی سے گھریلو ساخت کا بم برآمد کیا ہے۔ کلون شہر کی پولیس کے مطابق بم ریلوے عملے کو عمومی صفائی کے دوران بوگی میں پڑے ایک ڈبے سے ملا، جس کی فوری پولیس کو اطلاع دے دی گئی۔ پولیس نے فوری بم کو ناکارہ کر دیا اور تحقیقات کا آغاز کر دیا۔ پولیس کے مطابق اگر بم پھٹ جاتا تو اس سے شدید جانی نقصان کا خطرہ تھا، کیونکہ بم کے ڈبے میں بارود کے علاوہ نوکیلے کیل اور دیگر نوکیلی اشیاء بھی بڑھی گئی تھیں۔ پولیس کو شبہ ہے کہ بم جرمنی کے قوم پرست گروہوں یا مذہبی دہشت گردوں کی جانب سے نصب کیا گیا تھا، تاہم اس کے ساتھ ساتھ پولیس کا یہ بھی کہنا ہے کہ اس کا مقصد صرف ڈرانا یا انتظامیہ کو دھمکانا بھی ہو سکتا تھا۔ جس کی وضاحت تحقیقات کے بعد ہی سامنے آئے گی۔ پولیس اس وقت اس سراغ میں ہے کہ بم کا ڈبہ ریل گاڑی میں کب رکھا گیا۔ پولیس نے شہریوں کو محتاط رہنے اور کسی مشتبہ چیز کی فور...

https://youtu.be/n3pDW6tZoFE روس نے کووڈ19 ویکسین کی پہلی کھیپ وینزویلا پہنچا دی ہے۔ اطلاعات کے مطابق ویکسین تجرباتی مشق کے لیے پہنچائی گئی ہے۔ ویکسین کو وینزویلیا کے نائب صدرنے وصول کیا اور اسے متعلقہ طبی شعبے کے حوالے کر دیا گیا ہے، جو دو ماہ میں تجربے کے بعد اسکی تفصیلی رپورٹ کو پیش کرے گا۔ اس موقع پر وینزویلا کے صدر نے روس کا خصوصی شکریہ ادا کیا۔ https://twitter.com/NicolasMaduro/status/1312136075972804608?s=20

امریکی ڈالر قیمتی دھاتوں کا متبادل بنی رہی ہے اور اس سال کی تیسری دہائی تک سونے اور چاندی کے مساوی قدر کی حامل ایک شے کے طور پر جانی جاتی تھی، تاہم جلد ایسا نہیں رہے گا۔ یہ کہنا ہے معروف امریکی ماہر برائے مالیاتی امور پیٹر شِف کا۔ ایک مقامی معروف پاڈ کاسٹ سے گفتگو میں امریکی سٹاک بروکر کا کہنا تھا کہ ڈالر کسی نہ کسی طرح ستمبر تک اپنی قدر کو برقرار رکھنے میں کامیاب رہا، ستمبر میں اس کی قدر میں دو فیصد کا معمولی اضافہ دیکھنے میں آیا تاہم اب دوبارہ یہ ساڈھے تین فیصد گراوٹ کا شکار ہوا ہے، اور مجموعی طور پر اس سال کے تیسرے حصے میں اس میں مسلسل گراوٹ ہی دیکھنے میں آئی ہے۔ شِف یورو پیسفک کیپیٹل منصوبے کے سربراہ بھی ہیں، اپنے تجربے کی بنیاد پر کہتے ہیں کہ سال کے آخری حصے میں ڈالر کو شدید مندی دیکھنے کو مل سکتی ہے، رواں سال کے چوتھے حصے میں نہ صرف بانڈ مارکیٹ بلکہ حصص بازار میں بھی ڈالر منفی ...

امریکی کی صدر ڈونلڈ ٹرمپ نے وائرس کش ادویات کا استعمال شروع کردیا ہے۔ سرائے ابیض کے ڈاکٹروں کا کہنا ہے کہ صدر کی حالت زیادہ تشویشناک نہیں ہے، انہیں مصنوعی آکسیجن دینے کی ضرورت نہیں۔ صدر ٹرمپ کو امریکی فوج کے والٹر ریڈ اسپتال منتقل کر دیا گیا ہے۔ https://twitter.com/PressSec/status/1312234451657805824?s=20 سرائے ابیض کے طبیب خاص کا کہنا ہے کہ صدر اور خاتون اول کو کچھ آرام اور مزید نگہداشت کے لیے والٹر ریڈ اسپتال منتقل کر دیا گیا ہے۔ صدر ٹرمپ نے بھی اپنے نجی ٹویٹر کھاتے سے خصوصی پیغام میں کہا ہے کہ وہ اب بہتر ہیں، دعا گوؤں کا شکریہ۔ https://twitter.com/realDonaldTrump/status/1312233807991496704?s=20 واضح رہے کہ گزشتہ روز سرائے ابیض کے مزید 9 افراد میں کووڈ19 کی تصدیق ہوئی ہے۔ ان میں صحافی، خصوصی معاونین اور مشیران شامل ہیں۔...

روس نے فیس بک اور ٹویٹر کو روسی صارفین کی معلومات ملک میں رکھنے کا نظام بنانے کے لیے مزید وقت نہ دینے کا فیصلہ کر لیا ہے۔ روس میں 2015 میں منظور کردہ ڈیجیٹل میڈیا قوانین کے تحت تمام غیر ملکی کمپنیاں شہریوں کی معلومات ملک میں موجود سروروں میں رکھنے کی پابند ہیں، اور انہیں پہلے پہل اس کام کے لیے دو سال کا وقت بھی دیا گیا تھا، تاہم پہلی مدت پورا ہونے کے باوجود قانون پر عملدرآمد نہ ہونے پر حکومت نے دونوں بڑی کمپنیوں پر 40 لاکھ روبل یعنی 52 ہزار ڈالر کا جرمانہ کیا اور درخواست پر انہیں 2020 تک کا مزید وقت دیا۔ یاد رہے کہ اس دوران لنکڈان کے عملدرآمد سے انکار پر ماسکو سرکار نے ویب سائٹ کو ملک میں بند کر دیا تھا۔ تاہم اب فیس بک اور ٹویٹر کو 2020 کے آغاز تک دیے گئے وقت سے بھی کمپنیاں فائدہ اٹھانے میں ناکام رہی ہیں اور 2022 تک مزید وقت مانگ رہی ہیں۔ اس پر یورپی و امریکی ڈیجیٹل ماہرین کے حل...

روس کے بعد فرانسیسی صدر ایمینیول میکرون نے بھی شامی مجاہدین کے آزربائیجان میں آرمینیا کے خلاف لڑنے کا الزام لگایا ہے، اگرچہ فرانسیسی صدر نے روس کی طرح ترکی کے اس میں ملوث ہونے کا الزام نہیں لگایا تاہم کہا ہے کہ یہ نئی خبر ہے اور یہی وجہ ہے کہ زمینی صورتحال بدل رہی ہے۔ https://twitter.com/AFP/status/1311691874755850240 برسلز میں صحافیوں سے گفتگو میں فرانسیسی صدر کا کہنا تھا کہ انکے پاس تسلی بخش ثبوت موجود ہیں کہ شامی مجاہدین ترکی کے جنوبی علاقے غازی آن تپے کے راستے آزربائیجان میں داخل ہو رہے ہیں۔ آزربائیجان کے مقبوضہ علاقے کاراباخ میں جاری جنگ پر اب تک تمام عالمی قوتوں کی جانب سے ردعمل آ چکا ہے اور فوری جنگ بندی کی سفارش کی جا رہی ہے۔ تاہم ترکی کا کہنا ہے کہ اب آرمینیا کی فوج کے نکلنے پر ہی جنگ بندی ہو گی۔ https://twitter.com/AFP/status/1311638617626902529?s=20 واضع رہے ک...

یوکرین کے دارالحکومت کیف میں امریکی سفارتی عملے کی رکن خاتون صحافی کی پراسرار موت ہوگئی ہے۔ مقامی پولیس کے مطابق شہر کے مغرب علاقے میں واقع جنگل سے خاتون کی لاش ملی ہے، جس کے سر پر کچھ زخموں کے نشان ملے ہیں۔ پولیس کے مطابق سانور نکائو نامی مبینہ خاتون سفارتکار کے پاس سے ایک شناختی کارڈ ملا ہے جو اسے امریکی سفارتی عملے کا حصہ بتاتا ہے تاہم سفارت خانے کی ویب سائٹ پر اس کی کسی قسم کی تفصیل درج نہیں۔ مقامی انتظامیہ کا کہنا ہے کہ ممکنہ طور پر کارڈ پر درست نام درج نہیں، سفارت خانے سے رابطہ کر لیا گیا ہے۔ اور واقعے کی مجرمانہ تحقیقات بھی شروع کر دی گئی ہیں۔ پولیس کا کہنا ہے کہ یہ بھی ممکن ہے کہ خاتون کسی حادثے کا شکار ہو گئی ہو، کیونکہ اسکی لاش ریلوے لائن سے انتہائی نزدیک ملی ہے۔ اور اسکے کانوں میں موبائل ہیڈ فون لگے تھے۔ یعنی شاید خاتون سفارت کار میوزک سنتے ہوئے ریل کو آتے بھانپ نہ سکی، ا...