Author: خبری

اقوام متحدہ نے دریائے اردن کے مقبوضہ مغربی کنارے میں اسرائیل کی تعمیر کردہ یہودی بستیوں میں کام کرنے والی 112 کمپنیوں کی ایک فہرست جاری کی ہے۔ یاد رہے کہ بین الاقوامی قوانینن کے تحت اسرائیلی مقبوضہ غربِ اردن میں یہ تمام یہودی بستیاں غیرقانونی ہیں۔اقوام متحدہ نے یہ رپورٹ 2016ء میں انسانی حقوق کونسل کی ایک قرارداد پر عمل درآمد کرتے ہوئے جاری کی ہے جس میں مقبوضہ فلسطینی علاقے میں اسرائیلی بستیوں میں تمام کاروباری داروں اور کمپنیوں کا ڈیٹا فراہم کرنے کا مطالبہ کیا گیا تھا۔ اسرائیلی حکام نے خدشہ ظاہر کیا ہے کہ اس فہرست کے اجراء سے یہودی بستیوں میں کام کرنے والی فرموں کا بائیکاٹ کیا جاسکتا ہے۔ان یہودی بستیوں میں جو کمپنیاں کام کررہی ہیں، ان میں ائیر بی این بی،آلسٹم ، بُکنگ ڈاٹ کام اور موٹرولا سولوشنز ایسی بڑی بین الاقوامی فرمیں بھی شامل ہیں۔ اقوام متحدہ کی انسانی حقوق کی کمشنر میشیل بیشلیٹ...

ایران نے اسرائیل کو خطے میں اپنے مفادات کے منافی اقدامات پر سخت ردعمل کی دھمکی دی ہے۔ایرانی وزارت خارجہ کے ترجمان عباس موسوی نے بدھ کے روز اپنے ایک بیان میں کہا ہے کہ ’’اگر اسرائیلی رجیم نے شام اور خطے میں ہمارے ملک کے مفادات کے منافی کسی قسم کا جارحانہ یا احمقانہ اقدام کیا تو اس کو تباہ کن ردعمل کا سامنا کرنا پڑے گا۔‘‘ ایرانی حکام نے اسرائیل پر شام میں تہران کی اتحادی فورسز پر فضائی حملوں کا الزام عاید کیا ہے۔اسرائیل نے گذشتہ ہفتے شام کے دارالحکومت دمشق اور سرحدی صوبہ القنیطرہ میں ایران اور اس کی اتحادی ملیشیاؤں کو اپنے فضائی حملوں میں نشانہ بنایا تھا۔ یاد رہے کہ اسرائیل شام میں گذشتہ نوسال سے جاری خانہ جنگی کے دوران میں ایران اور اس کی اتحادی حزب اللہ اور دوسری ملیشیاؤں پر بیسیوں فضائی حملے کرچکا ہے اور ان میں دسیوں ایرانی فوجی افسر اور سیکڑوں جنگجو ہلاک ہوچکے ہیں۔...

روسی سرمایہ کاری بورڈ کی طرف سے جاری ایک بیان میں کہا گیا ہے کہ سعودی عرب اور روس کی سرمایہ کار کمپنیاں مشترکہ سرمایہ کاری کے معاملے پر بات چیت کر رہی ہیں۔ اورتوقع ہے کہ دونوں‌ ملکوں کے درمیان دو طرفہ سرمایہ کاری کا حجم 10 ارب ڈالر سے تجاوز کر جائے گا۔ واضح رہے کہ روس اور سعودی سرمایہ کار کمپنیوں‌ کے درمیان دو طرفہ سرمایہ کاری پر مذاکرات ایک ایسے وقت میں ہوئے ہیں جب دوسری طرف روس تیل پیدا کرنے والے ممالک کی تنظیم 'اوپیک' کے ارکان کے ساتھ عالمی منڈی میں تیل کے مشترکہ منصوبوں اور دیگر سرمایہ کاری منصوبوں‌ پر مذاکرات اور معاہدے کر رہا ہے۔ سعودی عرب اوپیک کے رکن ملک کی حیثیت سے روس سمیت دوسرے ممالک کوبھی تیل کی پیداوار میں کمی اور متبادل توانائی کے منصوبوں پر سرمایہ کاری پر قائل کرنے کے لیے کوشاں‌ ہے۔ روسی سرمایہ کاری بورڈ کے حکام کا کہنا ہے کہ جلد ہی سعودی سرمایہ کار کمپنیوں کے عہدیدار ...

ترک صدر رجب طیب اردگان نے کہا ہے کہ ترک فورسز پر دوبارہ حملہ ہوا تو شام کی حکومتی فورسز پر پورے ملک میں ہر جگہ حملے کیے جائیں گے۔ انقرہ میں خطاب کرتے ہوئے ترک صدر رجب طیب اردوان نے کہا ہے کہ مزید کسی ترک فوجی کو نشانہ بنایا گیا تو ترکی شام کی سرکاری فورسز پر جگہ فضائی یا زمینی حملے کرے گا۔ انہوں نے شام کو خبردار کرتے ہوئے کہا کہ شمال مغربی ادلب میں فروری کے آخر تک شامی فورسز ترک پوسٹوں سے دور ہو جائیں۔ روسی نیوز ایجنسی کے مطابق ترک اور روسی صدور نے اس بات اتفاق کیا ہے کہ شام کے معاملے پر دونوں ممالک رابطے میں رہیں گے۔...

سینیٹر برنی سینڈرزنے ڈیموکریٹک صدارتی امیدوار بننے کی دوڑمیں صدر ٹرمپ کو پیچھے چھوڑ دیا۔ نیوہمپشائرکے پرائمری انتخابات جیتنے کے بعد برنی سینڈرز کا کہنا تھا کہ یہ فتح ٹرمپ کے اقتدارکے خاتمے کا آغاز ہے۔ جبکہ امریکی صدر ٹڑمپ نے کہا ہے کہ وہ برنی کے بجائے مائیک بلوم برگ سے صدراتی انتخاب لڑنا پسند کریں گے۔  بائیں بازو کے ڈیموکریٹک سینیٹر برنی سینڈرز نے نیو ہمپشائر کے پرائمری انتخاب میں 26 فیصد ووٹ حاصل کرکے مقابلہ جیتا، ان کے قریب ترین رہنے والے پیٹ بوٹے جیج نے 24 فیصد ووٹ حاصل کیے۔تیسرے نمبر پر آنے والی ایمی کلوبوچر نے 19 فیصد ووٹ حاصل کیے، سابق صدر جوبائیڈن کو صرف 8 فیصد ووٹ پڑے۔ سینیٹر برنی نے جیت کے بعد اپنے حامیوں سے خطاب کرتے ہوئے کہا کہ یہ فتح ٹرمپ کے خاتمے کا آغاز ہے۔...

جاپان کے ساحل سے کچھ دور لنگر انداز پرتعیش بحری جہاز ’ڈائمنڈ پرنسز‘ میں مزید 39 افراد میں کورونا وائرس کی موجودگی کی تصدیق ہوئی ہے۔ اس طرح جہاز میں موجود کورونا وائرس سے متاثرہ افراد کی تعداد ایک قرنطینہ افسرسمیت 175 تک پہنچ گئی ہے ۔برطانوی خبر رساں ایجنسی رائٹرز کے مطابق ان میں سے 4 افراد کی حالت بہت نازک ہے۔ وزارت صحت کے مطابق جن 39 افراد میں وائرس کی تصدیق ہوئی ہے ان میں 10 جاپانی شہری شامل ہیں جبکہ دیگر افراد کا تعلق امریکہ اور چین سمیت 11 ممالک سے ہے۔ ذرائع کے مطابق جس افسر میں وائرس کی تشخیص ہوئی ہے وہ جہاز میں موجود متاثرہ افراد کی صحت کا خیال رکھ رہا تھا وہ دوران فیس ماسک اور دستانے تو پہنتا تھا مگر اس سے بچاؤ کے کپڑے نہیں پہنے تھے۔ واضح رہے کہ اس بحری جہاز میں سوار ایک شخص ہانگ کانگ میں اتر گیا تھا جس میں کورونا وائرس کی تشخیص ہوئی جس کے بعد 3 فروری کو ڈائمنڈ پرنسز کو یو...

امریکی اخبار واشنگٹن پوسٹ، جرمن نشریاتی ادارے زیڈ ڈی ایف اور سوئس چینل ایس آر ایف کی ایک مشترکہ تحقیقاتی رپورٹ میں کہا گیا ہے کہ امریکی اور جرمن خفیہ اداروں کی جانب سے کوڈنگ مشیوں کے ذریعے کئی سالوں تک پاکستان ، ایران اور بھارت سمیت متعدد ممالک کی خفیہ معلومات چرائی جاتی رہی ہیں ۔ رپورٹ کے مطابق خفیہ پیغامات بھیجنے کے لیے کوڈنگ مشینیں بنانے والی سوئٹزر لینڈ کی معروف کمپنی ’کرپٹو  اے جی‘ دراصل امریکی خفیہ ایجنسی سی آئی اے کی ملکیت تھی اور سی آئی اے کا اس وقت کے مغربی جرمنی کی انٹیلی جنس ایجنسی بی این ڈی سے بھی اشتراک تھا۔سوئس کمپنی کرپٹو اے جی نے جنگ عظیم دوم سے لے کر سن 2000ء تک 120 ممالک کو کوڈنگ ڈیوائسز فراہم کیں جسے ان ممالک کے جاسوس، فوجی اور سفارت کار خفیہ پیغامات بھیجنے کے لیے استعمال کرتے رہے ۔رپورٹ میں بتایا گیا ہے کہ جیسے ہی کسی ملک سے پیغام جاری ہوتا وہ امریکی اور جرمن خفیہ اد...

بھارتی وزیر اعظم نریندر مودی کی ہندو قوم پرست جماعت بھارتیہ جنتا پارٹی نئی دہلی کے ریاستی انتخابات میں بد ترین شکست کا سامنا کرنا پڑا ہے۔ بھارتیہ جنتا پارٹی نے انتخابی مہم میں شہریت سے متعلق قانون میں متنازعہ ترامیم پر عوام کی حمایت حاصل کرنے کی کوشش کی تھی اس کے علاوہ مقبوضہ کشمیر کے حوالے سے آرٹیکل370 کی منسوخی کو بھی ہندو انتہا پسندوں کی نظر میں حکومت کا ایک اہم کارنامہ اور ووٹ بینک بڑھانے کا اہم ذریعہ سمجھا جا رہا تھا لیکن عوامی رائے نے حکومت کے ان دونوں اقدامات کو مسترد کر دیا ہے۔ ان انتخابات میں عام آدمی پارٹی نے کُل 70 میں سے 62 نشستوں پر کامیابی حاصل کی اور اس طرح اروند کیجریوال دوسرے مدت کے لیے نئی دہلی کے وزیر اعلیٰ منتخب ہو جائیں گے۔ مودی نے اس کامیابی پر عام آدمی پارٹی کو مبارکباد دی ہے۔ دوسری جانب نتائج کے اعلان سے قبل بھارتیہ جنتا پارٹی کی کامیابی کے دعوے کرنے والے رہنماؤ...

چین میں کورونا وائرس سے متاثرہ مزید 97 افراد ہلاک ہوگئے جس کے بعد ہلاکتوں کی تعداد 900 سے تجاوز کر گئی۔ ہیلتھ کمیشن کے مطابق چین میں کورونا وائرس سے اموات کی تعداد 908 ہو گئی ہے۔چین کے نیشنل ہیلتھ کمیشن کے مطابق کورونا وائرس کے مزید 3 ہزار 62 کیسز رپورٹ ہوئے ہیں جس کے بعد متاثرہ افراد کی تعداد 40 ہزار 171 ہو گئی ہے۔ عالمی ادارہ صحت کے ماہرین کی ایک ٹیم چین کے دارالحکومت بیجنگ روانہ کر دی گئی ہے جو کورونا وائرس کے پھیلاؤ کی وجوہات کی تحقیقات کرے گی۔جاپان میں لنگرانداز بحری جہاز میں کورونا وائرس کے مزید 6 کیسز رپورٹ ہوئے ہیں جس کے بعد مریضوں کی تعداد 69 ہو گئی ہے۔ مختلف ممالک چین سے اپنے لوگوں کو نکالنے کی مسلسل کوشش میں ہیں ۔ امریکہ کی دو پروازیں ووہان سے امریکی شہریوں کو لےکر امریکہ پہنچ گئی ہیں۔ترجمان امریکی محکمہ خارجہ کا اس حوالے سے کہنا ہے کہ چین سے 800 سے زائد امریکیوں کو نکالا ...

ايران کے سپریم لیڈر آیت اللہ علی خامنہ ای نے اس بات پر زور دیا ہےکہ اسلامی جمہوریہ ایران کو ’’دشمنوں کی چالوں‘‘ اور جنگ سے بچنے کے لیے خود کو مضبوط بنانا چاہیے۔دشمن ایران کے اندر بھی سازشوں کے جال پھیلا رہے ہیں ایران کو ان سے بھی چوکنا رہنے کی ضرورت ہے ۔انھوں نے مزید کہا کہ ایران اپنی ایٹمی صلاحیت کو بڑھانے کی ہر ممکن کوشش کرے گا ۔ ہفتے کے روز ایرانی فضائیہ کے عملے اور کمانڈرز سے خطاب میں آیت اللہ خامنہ ای نے کہا کہ ایرانی انقلاب کے بعد سے امریکہ کے دباؤ اور پابندیوں کے باوجود ایران کے پاس ایک مضبوط ایئر فورس موجود ہے۔ واضح رہے کہ پچھلے ماہ جنوری میں بغداد میں ایک امریکی ڈرون حملے میں ایرانی جنرل قاسم سلیمانی کی ہلاکت کے بعد سے واشنگٹن اور تہران کے درمیان کشیدگی میں اضافہ ہوگیا تھا۔...