Author: خبری

امریکی نائب معاون وزیرخارجہ نے کہا ہے کہ چین مختلف ممالک کو ایسے معاہدے کرنے پر مجبور کررہا ہے جو ان کےمفاد میں نہیں۔ چائنا پاکستان اقتصادی راہداری (سی پیک) منصوبہ بھی ان میں سے ایک ہے اور اگر چین اس بڑے منصوبے کو جاری رکھتا ہے تو اس سے پاکستان کی معیشت کو طویل مدتی نقصانات ہوں گے کیوں کہ اس منصوبے سے پاکستان کو کم چین کو زیادہ فائدہ ہے۔ پاکستان کو چین سے اقتصادی راہداری (سی پیک) منصوبے کی شفافیت کے متعلق سخت سوالات کرنے ہوں گے۔ ان کا مزید کہنا تھا کہ امریکا نے پاکستان کو اس سے بہتر ماڈل کی پیشکش کی تھی۔ دوسری جانب پاک چائنا انسٹیٹیوٹ کے پانچویں میڈیا فورم سے خطاب کرتے ہوئے چینی سفیر یاؤ جنگ نے امریکی بیان کو مسترد کرتے ہوئے کہا کہ سی پیک کے پہلے مرحلے میں میں بنیادی ڈھانچے کی ترقی اورتوانائی سمیت شاہراہوں کی تعمیر پر توجہ دی گئی۔ دونوں ممالک کے تعاون سے یہ منصوبہ کامیابی کے راستے ...

غیر ملکی خبر ایجنسی کے مطابق امریکہ نے ایران کے وزیر اطلاعات جواد آذری پر پابندیاں عائد کر دیں۔امریکی وزارت خارجہ کی جانب سے جاری بیان میں کہا گیا ہے کہ ایران کے وزیر اطلاعات پر پابندی انٹرنیٹ سنسر شپ کے باعث لگائی گئی ہے۔ ؤاضح رہے کہ ایران میں گزشتہ دنوں پٹرول کی قیمتوں میں اضافے کے خلاف مظاہرے اور مختلف شہروں میں جھڑپیں ہوئی تھیں۔ جن میں 100 سے زائد افراد کی ہلاکت کی خبریں بھی سامنے آئی تھیں۔ان مظاہروں کے دوران ایرانی وزیر اطلاعات کی جانب سے انٹرنیٹ پر پابندی عائد کر دی گئی تھی۔ امریکی وزارت خزانہ کی جانب سے لگائی گئی پابندیوں کے تحت جواد آذری کی امریکہ میں جائیداد اور اکاؤنٹ منجمد کر دیئے گئے ہیں اور امریکیوں کو ایرانی وزیر اطلاعات سے کسی قسم کی لین دین رکھنے سے منع کیا گیا ہے۔ امریکی وزیر خزانہ اسٹیون منوچن نے پابندیوں کی وجہ بتاتے ہوئے کہا کہ ایرانی وزیر اطلاعات نے مظاہروں ک...

غیر ملکی خبر رساں ادارے رائٹرز کے مطابق چینی صدر شی جنگ پنگ نے امریکہ کے ساتھ تجارتی ڈیل پر رضا مندی ظاہر کر تے ہوئے خبردار کیا کہ ہم تجارتی جنگ سے خوفزدہ نہیں ہیں اوراگرضرورت پڑیی تو تجارتی جنگ سے پیچھے بھی نہیں ہٹیں گے۔ ۔ ایک عالمی فورم پر خطاب کرتے ہوئے چینی صدر نے کہا کہ چین امریکہ کے ساتھ معاملات بہتربنانے کے لیےتجارتی جنگ کو نظر انداز کرنے کی کوشش کررہا ہے ۔ انھوں نے کہا کہ ہم امریکہ کے ساتھ ابتدائی طور پر ایک تجارتی معاہدہ چاہتے ہیں لیکن ہم امریکہ کے ساتھ پہلے مرحلے میں کام کے لیے باہمی احترام اور برابری کی بنیاد پر معاہدہ چاہتے ہیں۔ رائٹرز کے مطابق وائٹ ہاؤس کے ساتھ قریبی مراسم رکھنے والے ماہرین تجارت کا کہنا ہےکہ چین کے ساتھ پہلے مرحلے کی ڈیل آئندہ سال تک مؤخر کی جاسکتی ہے کیونکہ چین وائٹ ہاؤس سے ایک بڑے ٹیرف کو واپس لینے کا مطالبہ کررہا ہے جب کہ اس کے برعکس واشنگٹن اپنے مط...

اسرائیلی وزیراعظم بن یامین نیتن یاہو پر کرپشن کے الزامات کی وجہ سے گیرا تنگ ہو گیا۔ان پر کرپشن، دھوکہ دہی اور اعتماد کو ٹھیس پہنچانے سے متعلق فرد جرم عائد کر دی گئی۔ واضح رہے کہ اسرائیلی وزیراعظم بن یامین نیتن یاہو پر الزام ہے کہ انہوں نے دولت مند تاجروں سے رشوت لے کر انہیں بڑے پیمانے پر فائدے پہنچائے اورایک بڑے اخبار سے خفیہ معاہدہ کر کے اپنے حوالے سے مثبت رپورٹنگ کرائی جبکہ اخبار مالک کو پیشکش کی کہ وہ ایسے قوانین کی حمایت کریں گے جس سے اخبار کے حریف کمزور پڑ جائیں۔ اس مقدمے میں اخبار کے پبلشر پر بھی فردجرم عائد ہو چکی ہے ۔دوسری جانب اسرائیلی وزیراعظم نے ان تمام الزامات کو مسترد کرتے ہوئے کہا ہے کہ وہ اپنے عہدے سے مستعفی نہیں ہوں گے اور نہ ہی انہیں قانون ایسا کرنے پر مجبور کرسکتا ہے۔ اس کے علاوہ اخبار کے پبلشر نے بھی اپنے خلاف لگنے والے الزامات کوتسلیم کرنے سے انکار کردیا ہے...

امریکی حکام مبینہ طور پر اس بات کی تحقیقات کر رہے ہیں کہ آیا سویڈن کے سب سے بڑے قرض دہندہ سویڈش بینک نے روس کو نشانہ بنانے والی امریکی پابندیوں کی خلاف ورزی کی ہے کیوں کہ اس نے روسی اسلحہ بنانے والی کمپنی کلاشنکوف اور اس کے امریکہ میں معروف ناموں کے مابین لین دین کی اجازت دی ہے۔ سویڈن کے پبلک براڈکاسٹر ایس وی ٹی نے دعویٰ کیا ہے کہ روس میں قائم اسلحہ ساز کمپنی "کلاشنکوف" کے "بڑے شیئر ہولڈرز" ، جسے 2014 میں امریکی پابندیوں کا نشانہ بنایا گیا تھا ، نے اپنے ہم منصب کو فلوریڈا کے پومپانو بیچ میں واقع صدر دفتر کو رقم بھیجی۔ مؤخر الذکر روسی ڈیزائنوں پر مبنی بندوقیں تیار کرتا ہے ، لیکن اس کے کچھ حصے امریکہ کی جانب سے کمپنی کو بلیک لسٹنگ سے بچنے میں مدد فراہم کرنے والے ممالک کی طرف سے تیار کیے گئے ہیں۔ ایس وی ٹی نے کہا کہ سویڈش بینک نے "روسی کلاشنکوف مالکان" کے امریکہ میں مقیم اسلحہ بنانے وا...

برطانوی شہزادے اینڈریوکو بدنام زمانہ جیفری ایپسٹین سے دوستی کی بنا پر شاہی ذمہ داریوں سے سبکدوش کر دیا گیا ہے۔ برطانوی شاہی خاندان کی جانب سے جاری کردہ ایک بیان میں کہا گیا ہے کہ پرنس اینڈریو کو کمسن لڑکی سے ناجائز تعلقات کے الزامات کا سامنا کرنے والے جیفری ایپسٹین سے دوستی کے الزام میں سبکدوش کیا گیا ہے۔ واضح رہے کہ برطانوی شہزادہ اینڈریو کو امریکی خاتون ورجینیا رابرٹس کی طرف سے بھی جنسی ہراسانی کے الزامات کا سامنا ہے ۔ جبکہ شہزادہ اینڈریو اپنے اوپر لگنے والے ان الزامات کو رد کر چکے ہیں۔ عوامی عہدے سے سبکدوشی کے بعد شہزادہ اینڈریو دو لاکھ انچاس ہزار پاؤنڈ تنخواہ سے بھی محروم ہو چکے ہیں۔...

شام کے صدر بشارالاسد نے امریکہ پر الزام عائد کیا ہےکہ وہ شام کا ’تیل چراتا ہے ۔  واضح رہے کہ  صدر بشارالاسد نے یہ الزام امریکی صدر ڈونلڈ ٹرمپ کے ایک اعلان کے بعد کیا جس میں صدر ٹرمپ نے کہا کہ جب تک امریکی فوج شام میں موجود ہے تب تک شام کے تیل کے کنوؤں سے حاصل ہونے والی ماہانہ کروڑوں ڈالرز کی آمدنی کا امریکہ کو فائدہ حاصل ہونا چاہیے۔ جبکہ شام کے اتحادی روس نے اس امریکی اعلان کو ایک ’بین الاقوامی لوٹ مار‘ قرار دیا ہے۔ خیال رہے کہ امریکہ نے اکتوبر میں شمالی شام سے اپنی فوج کے انخلا کا اعلان کیا تھا ۔ پھر کہا کہ تقریباً 500 فوجیوں کو شام میں رکھا جائے گا تاکہ وہ کردش فورسز کے ساتھ مل کر تیل کی پیداوار کی تنصیبات کی حفاظت کر سکیں جواس وقت اس تیل کا سب سے زیادہ فائدہ اٹھا رہے ہیں۔امریکی وزیرِ دفاع مارک ایسپر کا دعویٰ ہے کہ امریکی فوجی تیل کی تنصیات کو نہ صرف دولتِ اسلامیہ سے بچائیں...

فلسطینی علاقوں میں یہودی بستیوں کے قیام کو قانونی قراردینے کے امریکی فیصلے کو مسترد کرتے ہوئے یورپی یونین نے کہا کہ ٹرمپ انتظامیہ کی پالیسی خطے میں پائیدار امن کے امکانات کو ختم کر دے گی۔ یورپی یونین کی خارجہ پالیسی کی سربراہ فیڈریکا موگرینی نے کہا ہےکہ مقبوضہ فلسطینی علاقوں میں یہودی بستیوں کی تعمیر کے حوالے سے یورپی یونین کا مو قف تبدیل نہیں ہو گا۔ انہوں نے کہا عالمی قوانین کے تحت غرب اردن کے فلسطینی علاقہ میں یہودی بستیوں کی تعمیر مکمل طور پر غیر قانونی ہے۔ ان بستیوں کی تعمیر پر امریکی پالیسی تنازع کے دو ریاستی حل اور پائیدار امن کے امکانات ختم کر دے گی۔ انہوں نے زور دے کر کہاکہ اسرائیل قیام امن کیلئے اپنی ذمہ داریاں پوری کرتے ہوئے یہودی بستیوں کی تعمیر فوری روک دے۔ ادھر فلسطینیوں نے بھی غرب اردن میں یہودی بستیوں کے قیام کے حوالے سے امریکی بیان کی مذمت کرتے ہوئے اسے انٹر نیشنل قوا...

اطلاعات کے مطابق اسرائیل نے شام میں ایسے درجنوں اہداف کو نشانہ بنانے کا دعویٰ کیا ہے جو شامی حکومت اور اس کی اتحادی ایرانی فورسز کی ملکیت تھے۔ بدھ کے روز اسرائیلی فوج نےدعویٰ کیا کہ ایک ایرانی یونٹ کے راکٹ حملے کے جواب میں انھوں نے شام میں ’وسیع پیمانے پر فضائی حملے‘ کیے ہیں۔ دوسری طرف شام نے کہا ہے کہ ان حملوں میں دو شہری ہلاک ہو گئے ہیں۔ اور یہ بھی دعویٰ کیا ہے کہ شامی فضائی فورس نے شام کے دارالحکومت کی طرف آتے زیادہ تر میزائل مار گرائے ہیں۔مقامی اطلاعات کے مطابق شہر میں بلند آواز میں دھماکے سنے گئے ہیں۔ سوشل میڈیا فوٹیج میں بہت جگہ آگ لگی دکھائی دی۔ یاد رہے کہ منگل کی صبح اسرائیلی فوج نے کہا تھا کہ انھوں نے شام کی طرف سے اسرائیل میں آنے والے چار راکٹ مار گرائے ہیں جو ان کی زمین پر نہیں گرے۔بدھ کو اسرائیلی دفاعی فورسز نےاپنے ٹویٹ میں کہا کہ فضائی حملوں سے ایران کی قدس فورس اور شا...

غیر ملکی میڈیا کے مطابق افغانستان میں امریکی ہیلی کاپٹر تباہ ہونے کے نتیجے میں 2 امریکی اہلکار ہلاک ہو گئے۔افغان طالبان نے ہیلی کاپٹر کو تباہ کرنے کی ذمہ داری قبول کرتے ہوئے بتایا ہے کہ ہیلی کاپٹر افغانستان کے صوبے لوگر میں تباہ کیا گیا۔طالبان کےترجمان ذبیح اللہ مجاہد نے سوشل میڈیا پر جاری بیان میں بتایا کہ امریکہ کے چنوک ہیلی کاپٹر کو گزشتہ رات لوگر کے علاقے پنگرام میں تباہ کیا گیا۔ امریکی فورسز نے ہیلی کاپٹر کے تباہ ہونے کی تصدیق کرتے ہوئے بتایا کہ حادثے کی وجوہات جاننے کے لیے تحقیقات شروع کر دی ہیں لیکن ابتدائی طور پر ایسے کوئی شواہد نہیں ملے جن سے لگتا ہو کہ ہیلی کاپٹر کو طالبان نے تباہ کیا ہے۔ دوسری طرف افغانستان کی وزارت دفاع کی جانب سے بھی اس حوالے سے جاری بیان میں کہا گیا ہے کہ ابتدائی طور پر ایسے کوئی شواہد نہیں ملے ہیں کہ ہیلی کاپٹر کو طبالبان نے تباہ کیا ہو اور نا ہی ہیلی...