news

ایشین مارکیٹ میں خام تیل کے نرخوں میں کمی کا سلسلہ جاری رہا۔سنگاپور میں پیر کے روز ویسٹ ٹیکساس انٹرمیڈیٹ کے وقفے سے قبل نرخ 5.5 فیصد کم ہوکر 30 ڈالر فی بیرل کے قریب رہے۔برنٹ نارتھ سی کروڈ کے سودے 2.9 فیصد کمی کے ساتھ 32.82 ڈالر فی بیرل طے پائے۔ واضح رہے کہ گذشتہ ہفتے ویانا میں سعودی عرب، روس اور دیگر اوپیک ممالک کے مابین تیل کی پیداوار میں کمی کے لیے ایک میٹنگ ہوئی تھی جس میں کورونا وائرس کے اثر کی وجہ سے تیل کی پیداوار کو کم کرنے پر غور کیا گیا تھا تاکہ خام تیل کی قیمتوں پر قابو پایا جا سکے۔اُس وقت خام تیل کی قیمت 50 ڈالر فی بیرل تھا۔ سعودی عرب نے خام تیل کی پیداوار میں کمی کی تجویز پیش کی لیکن روس نے انکار کردیا، جس کی وجہ سے تیل کی قیمتوں میں مزید کمی واقع ہوئی۔ اِس وقت خام تیل کی قیمت فی بیرل 33 ڈالر سے کم ہے۔...

جرمنی کی ایک فارماسیوٹیکل کمپنی نے کرونا وائرس کی ویکسین کی تیاری کا دعویٰ کر دیا ہے تاہم کپمنی نے اپنی ٹیکنا لوجی کسی بھی ملک کو فروخت کرنے کی تردید کی ہے۔ جرمنی کے ہفتہ وار اخبار 'ویلٹ ام زونٹاگ‘ کے مطابق جرمنی کی دوا ساز کمپنی  'کیور ویک نے کورونا وائرس سے نمٹنے کے لیے ایک  ویکسین تیار کرنے کا دعویٰ کیا ہے جس کے بعد جرمن حکومت اور امریکہ کے درمیان رسہ کشی چل رہی ہے۔ اخبار کے مطابق امریکی صدر ڈونلڈ ٹرمپ اس ویکسین پر کام کرنے والے جرمن سائنسدانوں کو اس ویکسین کے حصول کے لیے بڑی رقومات دینے کی پیشکش کر رہے تھے اور اس کے بدلے میں وہ اس دوا کے خصوصی حقوق حاصل کرنا چاہتے تھے۔لیکن کمپنی نے اس سے متعلق ایک پریس ریلیز میں ممکنہ طور پر کمپنی یا اس کی ٹیکنالوجی کی فروخت کے دعووں  کو مسترد کر دیا۔ کمپنی نے اپنے ایک بیان میں کہا کہ ''کیور ویک ایم آر این اے پر مبنی ایک ایسا ٹیکہ بنانے پر ...

اسرائیلی صدر ریوین ریولین , سابق فوجی سربراہ اور بیلو اینڈ وائٹ پارٹی کے رہنما بینی گینٹس کو نئی حکومت بنانے کے لیے باضابطہ دعوت دیں گے ۔ اس پیش رفت کو موجودہ وزیر اعظم بینجمن نیتن یاہو کے لیے بڑا دھچکا قرا ردیا جارہا ہے۔ سیاسی عدم استحکام سے دوچار اسرائیل میں ایک برس سے کم عرصے میں حکومت سازی کی یہ تیسری کوشش ہے جہاں اس وقت کورونا وائرس کی وبا سے نمٹنے کے لیے ایک 'ایمرجنسی‘ حکومت کی مانگ خاصی زور پکڑ گئی ہے۔اسرائیلی صدر ریولین کے دفتر سے جاری ایک بیان میں کہا گیا ہے کہ صدر،کچول لاوان (بلیو اینڈ وائٹ پارٹی) کے سربراہ بینی گینٹس کو حکومت سازی کی ذمہ داری سونپیں گے۔" واضح رہے کہ اسرائیلی صدر نے بینی گینٹس کو حکومت سازی کے لیے مدعو کرنے کا فیصلہ اس وقت کیا جب متعدد اراکین پارلیمان نے انہیں بینجمن نیتن یاہو کے حریف بلیو اینڈ وائٹ پارٹی کے سربراہ کی حمایت کرنے کی یقین دہانی کرائی۔ اسرائیل...

کورونا وائرس ہرنئے دن کے ساتھ شدت اختیار کرتا جا رہا ہے ۔ جان لیوا کرونا وائرس کے خاتمے کے لیے بین الاقوامی مالیاتی فنڈ نےایک ٹریلین ڈالر دینے کی حامی بھر لی ہے بین الاقوامی مالیاتی فنڈ کا کہنا ہے کہ وہ کورونا وائرس کی نئی قسم سے متاثرہ ممالک کی مدد کے لیے ایک ٹریلین ڈالر کے قرضے دینے کو تیار ہے۔ آئی ایم ایف کی مینیجنگ ڈائریکٹر کرسٹالینا گیورگیوا نے اپنی ایک بلاگ پوسٹ میں لکھا ہے کہ جو ممالک کورونا وائرس کے خلاف جدوجہد میں مصروف عمل ہیں ان ممالک کی ایک مشترکہ لائحہ عمل کے تحت مالیاتی مدد کی جانا چاہیے۔ انہوں نے حکومتوں سے کہا کہ وہ وائرس سے متاثرہ افراد اور کاروباری اداروں کی مدد کے لیے ضروری اقدامات کریں تاکہ اس جان لیوا بیماری پر قابو پایا جا سکے ۔...

امریکہ کی جان ہاپکنس یونیورسٹی کے میڈیکل پروفیسر ڈاکٹر مارٹی مکارے کا کہنا ہے کہ امریکہ میں کورونا کے کیسز کی تعداد 50 ہزار سے 5 لاکھ تک ہو سکتی ہے جبکہ امریکہ کے محکمہ برائے امراض قابو اور بچاؤ کی جانب سے رپورٹ کیے گئے کیسز کی تعداد 1600سے کچھ زیادہ ہے۔ انہوں نے خبردار کرتے ہوئےکہا کہ بتائی گئی تعداد پر بھروسہ نہ کریں کیونکہ 1600 کے ٹیسٹ مثبت آنے کا یہ مطلب نہیں کہ صرف 1600 افراد ہی اس مرض میں مبتلا ہیں بلکہ امکان ہے کہ ایک تصدیق شدہ مریض کے ساتھ 25 سے 50 افراد متاثر ہیں۔ امریکہ کے اسپتالوں میں بڑی تعداد میں کورونا وائرس کے مریض موجود ہیں جہاں ان کے لیے پہلے سے ہی انتہائی نگہداشت یونٹ اور تمام سہولیات کی گنجائش ہے۔ ان کا کہنا تھا کہ امریکا کے اسپتالوں میں 1 لاکھ آئی سی یو بستر دستیاب ہیں جب کہ دیکھا گیا ہے کہ 2 لاکھ نئے مریضوں کو انتہائی نگہداشت کی ضرورت ہو سکتی ہے۔اعداد و شمار کے م...

مقبوضہ کشمیر میں قابض بھارتی فوج کے مظالم کا سلسلہ جاری ہے اور آج بھی 4 نوجوانوں کو فائرنگ کرکے شہید کردیا  گیا۔ کشمیر میڈیا سروس کے مطابق قابض بھارتی فوج نے ضلع اسلام آباد کے علاقے وتریگام کا محاصرہ کیا اور اس دوران پورے علاقے کو گھیرے میں لے کر گھر گھر تلاشی لی۔ جیو نیوز کی رپورٹ کے مطابق محاصرے کے دوران بھارتی فوج نے ریاستی دہشت گردی کا مظاہرہ کرتے ہوئے 4 کشمیری نوجوانوں کو شہید کردیا جب کہ ایک کشمیری کے گھر کو مسمار بھی کیا۔شہید ہونے والے 4 نوجوانوں کی شناخت طارق، مظفر، عمر اور سجاد کے نام سے ہوئی ہے۔ دوسری جانب بھارت کی خصوصی عدالت ٹاڈا نے جموں و کشمیر لبریشن فرنٹ کے چیئرمین یاسین ملک اور دیگر افراد پر 30 سال قبل درج کیے گئے ایک جھوٹے مقدمے میں فرد جرم عائد کردی۔اس دوران عدالت نے حریت پسند رہنمااور ان کے ساتھیوں کو آزادانہ طریقے سے مقدمے کا دفاع کرنے کا موقع بھی فراہم نہیں کی...

اسرائیلی اورآسٹریلوی سائنسدانوں نے دعویٰ کیا ہے کہ انہوں نے دنیا بھر میں پھیلنے والی عالمی وبا کورونا  کی ویکسین تیار کرلی ہے۔ آسٹریلیا میں ایس اسپائک نامی ویکسین تیار کرنے کا کارنامہ کوئنز لینڈ یونیورسٹی کے تین سائنسدانوں نے انجام دیا ہے جسے آزمائشی مرحلے میں چوہوں پر آزمایا جا رہا ہے جب کہ  اگلے مرحلے میں انسانوں پر آزمایا جائے گا۔  طبی ماہرین کے مطابق ویکسین کی تیاری پر 20 سے 30 لاکھ ڈالر لاگت آئے گی جبکہ بڑے پیمانے پر اس کی پیداواربھی مشکل ہوسکتی ہے ۔آسٹریلوی سائنسدانوں کے مطابق مذکورہ ویکسین کی  طبی آزمائش میں ابھی چند مہینے درکار ہیں۔  اسرائیل کے وزیر برائے سائنس و ٹیکنالوجی اوفیر اکونیس نے بھی کورونا وائرس سے بچاؤ کی ویکسین تیار کرنےمیں کامیابی ملنے کا دعویٰ کیا ہے اور کہا ہےکہ آئندہ 3 ماہ میں ویکسین کو انسانوں پر استعمال کیلئے تیار کرلیا جائے گا...

غیر ملکی خبر رساں ادارے کے مطابق امریکہ میں وائرس کی روک تھام کے لیے اٹھائے گئے اقدامات کے تحت ملک بھر میں کئی کالجز اور یونیورسٹیوں میں طلبہ کی کلاسوں میں حاضری فی الحال ختم کرکے کورسز کو آن لائن کردیا گیا ہے۔ کلاسیں ختم کرنے اور آن لائن کورس شفٹنگ کا فیصلہ امریکہ کی وائرس سے سب سے زیادہ متاثر ہونے والی ریاستوں میں کیاگیا ہے جن میں ریاست کیلی فورنیا، نیویارک اور واشنگٹن شامل ہیں۔ امریکہ کی ہارورڈ یونیورسٹی اور میساچیوسٹس نے آئندہ ہفتے سے طلبہ کو کیمپس میں نہ آنے کی ہدایت کی ہے اور 23 مارچ سے آن لائن کلاسز کے آغاز کا اعلان کیا ہے۔اس کے علاوہ کولمبیا یونیورسٹی، پرنسٹن، اسٹین فورڈ، اوہائیو اسٹیٹ، جنوبی کیلیفورنیا اور یونیورسٹی آف واشنگٹن کی جانب سے بھی سماجی رابطے کم کرنے کے لیےاہم اقدامات کا اعلان کیا گیا ہے۔ پرنسٹن اور نیو جرسی یونیورسٹی نے تمام لیکچرز، کورس اور سیمینارز کو آئندہ ہفتے س...

چینی حکومت نے اہم صنعتی اداروں کو ووہان میں کاروباری سرگرمیاں دوبارہ شروع کرنے کی اجازت دے دی ہے۔واضح رہے کہ کرونا وائرس کی ہلاکت خیزیوں کے باعث چینی حکومت نے ملک کے وسطی شہر ووہان میں اہم صنعتوں کو کام کرنے سے روخ دیا تھا ۔اب جبکہ مقامی سطح پر کرونا وائرس پر کافی حد تک کنٹرول حاصل کر لیا گیا ہے تو چینی حکومت نےصنعتیں کھولنے کی اجازت دے دی ہے۔ صوبہ ہوبائی کے حکام کے مطابق صوبائی دارالحکومت ووہان سمیت اس صوبے میں روز مرہ استعمال کی اشیاء اور میڈیکل سپلائی تیار کرنے والے ادارے اور پبلک ٹرانسپورٹ دوبارہ سے کام شروع کر سکتے ہیں۔ اس کے علاوہ ملکی یا بین الاقوامی سطح پر اہم مصنوعات تیار کرنے والی صنعتیں بھی اجازت نامہ حاصل کر کے کام کا آغاز کر سکتی ہیں۔ ووہان شہر میں ہی پہلی بار کورونا وائرس سامنے آیا تھا۔...

اقوام متحدہ کی سلامتی کونسل نے امریکہ اور افغان طالبان کے درمیان قطر میں ہونے والے امن معاہدے کی توثیق کر دی ہے۔ یاد رہے کہ امریکہ نے اقوام متحدہ کی سلامتی کونسل سے امن معاہدے کی توثیق کے لیے قرارداد جمع کرائی تھی جسے متفقہ طور پر منظور کر لیا گیا ہے۔قرارداد میں امن معاہدے کو کامیاب بنانے کے لیے افغان متحارب گروپوں کے عزم اور جامع سیز فائر کے اقدامات کو سراہتے ہوئے اس قرارداد میں امن عمل یقینی بنانے کے لیے انٹرا افغان مذاکرات پر بھی زور دیا گیا ہے۔ یاد رہے کہ افغانستان میں امریکی فوج کے ترجمان نے بھی اس بات کی تصدیق کر دی ہے کہ افغانستان سے امریکی فوج کے انخلاء کا آغاز ہو گیا ہے۔ اس سے پہلےافغان صدر اشرف غنی نے طالبان قیدیوں کی رہائی سے انکار کر دیا تھا جبکہ تازہ ترین اطلاعات کے مطابق اب صدر غنی نے 1500 طالبان قیدیوں کی رہائی کے پروانے پر دستخط کر دیئے ہیں۔واضح رہے کہ افغان طالبان نے...