Urdu

ایک اعلیٰ امریکی سفارت کار نے نے کہا ہے کہ واشنگٹن حکومت جوہری پروگرام کے حوالے سے رواں برس کے اختتام تک کی شمالی کوریائی ڈیڈ لائن کو تسلیم نہیں کرتی۔ واضح رہے کہ شمالی کوریا نے امریکہ سے کہہ رکھا ہے کہ رواں سال اکتیس دسمبر تک اس کے خلاف عائد شدہ پابندیوں میں نرمی کی جائے۔ یہ ڈیڈ لائن اس کمیونسٹ ملک کی حکومت نے اپنے طور پر طے کی تھی۔ خیال رہے کہ اس ڈیڈ لائن کو تسلیم نہ کرنے کا اعلان شمالی کوریا کے لیے خصوصی امریکی مندوب اسٹیفن بنگن نے جنوبی کوریا پہنچنے پر کیا۔ انہوں نے کہا کہ وہ اس امکان سے بھی آگاہ ہیں کہ شمالی کوریا اگلے دنوں میں شدید اشتعال انگیزی کی کوشش کر سکتا ہے اور یہ بات جزیرہ نما کوریا میں امن کی کوششوں کے لیے نقصان دہ ہو گی۔...

امریکہ اور کینیڈا کے بعد اب برطانیہ نے بھی اپنے شہریوں کو بھارت کے ہنگاموں سے متاثرہ  علاقوں میں جانے سے محتاط رہنے کا مشورہ دیا ہے۔ واضح رہے کہ بھارت میں شہریت کے متنازع بل کی منظوری کے بعد سے بڑے پیمانے پر مظاہرے جاری ہیں جن میں اب تک 6 افراد ہلاک اور درجنوں زخمی ہو چکے ہیں ۔ بھارتی پولیس کی جانب سے نئی دہلی کی جامعہ ملیہ یونیورسٹی میں لڑکیوں اور لڑکوں کے ہاسٹل پر حملہ کیا گیا اور یونیورسٹی مسجد کے پیش امام کو بھی زدوکوب کیا گیا۔ اس پر تشدد صورت حال کو دیکھتے ہوئے برطانیہ نے اپنے شہریوں کو سفری ہدایات جاری کرتے ہوئے کہا ہے کہ برطانوی شہری بھارت کے شمال مشرقی علاقوں کے سفر سے گریز کریں۔ علاوہ ازیں  اسرائیل اور سنگاپور نے بھی اپنے شہریوں کو بھارت کے افراتفری کا شکار علاقوں میں سفر کرنے سے گریز کا مشورہ دیتے ہوئے محتاط رہنے کا کہا ہے...

امریکہ نے ستمبر میں دوچینی سفارت کاروں کو خفیہ طور پر ملک بدر کردیا تھا۔ان پر الزام تھا کہ چینی سفارت خانے کے یہ دونوں اہلکار ورجینیا میں واقع ایک حساس فوجی اڈے پر جا پہنچے تھے۔ اخبار نیویارک ٹائمز نے مزید لکھا ہے کہ گذشتہ تیس سال میں یہ پہلا موقع ہے کہ امریکہ نے دو چینی سفارت کاروں کو جاسوسی کے الزام میں بے دخل کر کے واپس بھیجا ہے۔ان میں ایک سفارت کار کے بارے میں خیال کیا جاتا ہے کہ وہ انٹیلی جنس افسر تھا اور سفارت کار کے روپ میں کام کررہا تھا۔ نیویارک ٹائمز لکھتا ہے کہ یہ دونوں چینی سفارت کار اپنی بیویوں کے ہمراہ کار چلاتے ہوئے ریاست ورجینیا میں واقع ایک سکیورٹی چیک پوائنٹ پر جا پہنچے تھے۔ یہ نورفولک کے نزدیک واقع ایک حساس تنصیب کے داخلی دروازے پر قائم تھی۔اس حساس جگہ پر امریکہ کی خصوصی آپریشن فورسز کے دفاتر اور اڈا واقع ہے۔چیک پوائنٹ پر متعیّن محافظوں نے چینی سفارت کاروں کے کاغذات...

اگر امریکہ نے معاشی پابندیاں عائد کیں تو ترکی میں امریکی سٹرٹیجک فوجی اڈے بند کر دین گے ۔ غیر ملکی خبررساں ادارے کے مطابق اردگان نے یہ دھمکی انقرہ کے خلاف امریکی پابندیوں کے امکان کے تناظر میں دی ۔ یاد رہے کہ امریکہ اور ترکی کے درمیان کچھ عرصے سے تعلقات میں کافی اختلاف پایا جاتا ہے ۔ اس اختلاف کی سب سے بڑی وجہ انقرہ کی طرف سے روس سے ایس 400 طرز کے فضائی دفاعی میزائل خریدنا ہے۔ واضح رہے کہ امریکی صدر ڈونلڈ ٹرمپ ترکی کو ماسکو سے ایس ۔400 طرز کے مزید میزائل سسٹم حاصل کرنے سے روکنے کے لیے کئی مرتبہ پابندیوں کی دھمکیاں دے چکے ہیں ۔ اس کے برعکس ترک حکومت کا موقف ہے کہ کسی بھی طرح اپنے روس کے ساتھ طے کردہ معاہدے سے پیچھے نہیں ہٹنا ہے۔ صدراردگان نے ایک ٹیلی ویژن انٹرویو میں کہا کہ اگر امریکہ نے انقرہ کے خلاف کسی بھی قسم کی پابندیاں عائد کرنے کا فیصلہ کیا تو ترکی اپنی سرزمین اِنچرلِک او...

 بھارت میں متنازع شہریت ترمیمی بل کے نفاذ کے بعد امن و امان کی بگڑتی ہوئی صورتحال پر چینی اخبار ساؤتھ چائنا مارننگ پوسٹ نے تبصرہ کرتے ہوئے کہا ہے کہ بھارتی وزیر اعظم مودی نے شہریت ترمیمی بل کے ذریعے خود اپنے ملک کے خلاف ہی جنگ چھیڑ دی ہے۔ ساؤتھ چائنا مارننگ پوسٹ کے مطابق بھارت کی معیشت مسلسل زوال پذیر ہے۔ اسے سنبھالا دینے کی بجائے مودی حکومت نے شہریت ترمیمی بل کے ذریعے ایسا اقدام کیا ہے جو سیکولر ازم پر مبنی بھارتی آئین کے یکسر منافی اور جرمنی میں نازی دور کی کارروائیوں سے مشابہ ہے۔ یہی وجہ ہے کہ نہ صرف آسام اور متعدد شمال مشرقی ریاستوں میں عوام کے احتجاج میں مسلسل اضافہ ہو رہا ہے بلکہ تین ریاستوں پنجاب، بنگال اور کیرالہ نے متنازع ترمیمی بل پر عملدرآمد سے انکار کر دیا ہے۔ چینی اخبار کے مطابق عالمی ریٹنگ ایجنسی سٹینڈرڈ اینڈ پوور نے خبردار کیا ہے کہ اگر بھارت کی معیشت میں بہتری کے...

امریکی وزیر خزانہ اسٹیفن منوچن نے کہا ہے کہ چند ماہ قبل سعودی عرب کی پٹرولیم کمپنی 'آرامکو' کی تنصیبات پرایران کی طرف سے کیے گئے حملوں کا ہدف عالمی معیشت کو تباہ کرنا تھا۔ عرب خبررساں ادارے کے مطابق ہفتے کے روز ایک بیان میں امریکی وزیر دفاع نے کہا کہ سعودی عرب میں تعینات کی گئی امریکی فوج صرف دفاعی مقاصد کے لیے ہے۔ ان کا کہنا تھا کہ اگر ایران نے ضروری شرائط پوری کردیں تو اس پرعاید کی گئی تمام اقتصادی پابندیاں اٹھا دی جائیں گی۔ ان کا کہنا تھا کہ سعودی عرب کی تیل کی تنصیبات پرحملوں میں ایران کے سوا اور کوئی ملوث نہیں۔ امریکہ ان حملوں میں تہران کی تردید کے باوجود ایران کو قصور وار ٹھہراتا ہے۔ رپورٹ میں ذرائع کے حوالے سے بتایا گیا ہے کہ 14 ستمبر کو سعودی عرب میں تیل کی تینصیبات پرحملوں کے لیے منصوبہ ایرانی پاسداران انقلاب کی طرف سے تیار کیا گیا اور اس پرعمل درآمد کی منظوری سپریم لیڈر آی...

امریکی ائیر فورس نے تین ماہ سے بھی کم وقت میں بلیسٹک میزائل کا ایک اور تجربہ کیا ہے ۔ امریکی نیو کلیئر میزائل فورس کا یہ اپنی نوعیت کا دوسرا تجربہ ہے ۔ بلیسٹک میزائل کیلیفورنیا میں وینڈن برگ ائیر فورس بیس سے فائر کیا گیا جس نے بحر الکاہل میں اپنے ہدف کوکامیابی سے نشانہ بنایا۔ امریکی خبررساں ادارے کے مطابق امریکی حکام کی جانب سے اس بلیسٹک میزائل کے تجربے کی کوئی وجہ نہیں بتائی گئی تاہم اسے امریکی نیوکلیئر میزائل ڈیفنس سسٹم کی آپریشنل صلاحیت کے اظہار کے طور پر دیکھا جا رہا ہے۔ واضح رہے کہ  2 اکتوبر کو بھی امریکی ائیر فورس نے بین البراعظمی بیلسٹک میزائل کا تجربہ کیا تھا۔...

نیوزی لینڈ کے وائٹ آئی لینڈ میں آتش فشاں پھٹنے کے نتیجے میں سولہ افراد ہلاک ہوگئے ہیں جن میں سے 6 کی لاشیں نکال لی گئی ہیں۔ غیر ملکی خبر رساں ادارے کے مطابق  چند روز قبل نیوزی لینڈ کے شہر  ویلنگٹن کے وائٹ آئی لینڈ میں آتش فشاں پھٹنے کا واقعہ پیش آیا تھا جس میں 16 سیاح ہلاک اور 34 زخمی ہوئے تھے۔ریسکیو ٹیموں نے آتش فشاں پھٹنے کے نتیجے میں ہلاک ہونے والے 6 سیاحوں کی لاشوں کو نکال لیا ہے جب کہ دیگر کی تلاش کا کام جاری ہے۔ پولیس حکام کے مطابق حادثے کے وقت آتش فشاں کے قریب 50 کے قریب سیاح موجود تھے اور حکام نے خدشہ ظاہر کیا تھا کہ جزیرے پر کسی کا بھی زندہ رہنا مشکل ہے۔ واقعے کے بعد نیوزی لینڈ کی وزیر اعظم جیسنڈا آرڈن نے مرنے والے افراد کے لواحقین سے گہرے دکھ کا اظہار کیا تھا۔...

اسرائیل میں اکثریتی اتحاد قائم نہ ہونے کی وجہ سے ایک سال میں تیسرے انتخابات کا اعلان کر دیا گیا۔ منتخب سیاسی رہنما اکثریتی اتحاد تشکیل دینے کی ڈیڈ لائن سے قبل حکومت سازی کرنے میں ناکام رہے ہیں ۔ اپوزیشن لیڈر اور سابق آرمی چیف بینی گینٹز کا کہنا تھا کہ ان کی حکومت بنانے کی کوششیں ناکام ہو گئی ہیں، انہوں نے رواں سال تیسرے انتخابات کا اشارہ دیا تھا۔ واضح رہے کہ رواں سال ستمبر میں ہونے والے انتخابات میں وزیراعظم نیتن یاہو اور ان کے حریف بینی گینٹز میں سخت مقابلہ ہوا تھا تاہم الیکشن کے بعد ڈیڈ لائن ختم ہونے کے باوجود دونوں رہنما حکومت سازی کا اعلان کرنے میں ناکام رہے تھے۔ جس کے بعد تیسرے عام انتخابات کے انعقاد کا اعلان کر دیا گیا ہے۔ آئندہ عام انتخابات دو مارچ کو منعقد ہونے کی توقع کی جا رہی ہے۔...

ترکی نے امریکی سینٹ کی طرف سے جمعرات کے روز آرمینی باشندوں کے قتل عام سے متعلق ایک بل کی منظوری پر سخت رد عمل ظاہرکرتے ہوئے کہا ہے کہ امریکی سینٹ کی قرارداد سے واشنگٹن اور انقرہ کے درمیان تعلقات خطرے سے دوچار ہوگئے ہیں۔ ترکی کے ایوان صدر کے ڈائریکٹراطلاعات فخرالدین الٹن نے ایک بیان میں کہا ہے کہ امریکی کانگریس کے کچھ ارکان کے رویے کے باعث ترک - امریکہ تعلقات کے مستقبل کو خطرہ لاحق ہوگیا ہے۔انہوں نے مزید کہا کہ اس فیصلے پر ووٹ ڈالنے والے سیاستدانوں کو تاریخ میں ان عہدیداروں کے طور پر یاد رکھاجائے گا جنہوں نے ترکی اور امریکہ کے مابین تعلقات کو خطرات سے دوچار کیا۔ واضح رہے کہ تقریباً 30 ممالک آرمینی نسل کشی کو تسلیم کرتے ہیں۔ ان کے مطابق سلطنت عثمانیہ کی افواج نے پہلی جنگ عظیم کے دوران آرمینیا میں 12 سے 15 لاکھ کے درمیان افراد کو قتل کردیا تھا۔ اس وقت آرمینیا جرمنی اورہنگری کا اتحادی ...