Author: مخبر

روسی محکمہ مالی احتساب کے سربراہ الیکسے کردن نے ملکی معیشت کے بارے میں ایک پروگرام میں گفتگو کرتے ہوئے کہا ہے کہ کووڈ-19 کے اثرات کھل کر سامنے آنا شروع ہو گئے ہیں، ملکی پیداوار میں 4 اعشاریہ 5 فیصد کی گراوٹ ہوئی ہے جبکہ غرباء کی تعداد میں مزید 10 لاکھ کا اضافہ ہوا ہے۔ روسی حکومتی اہلکار کا کہنا تھا کہ انہیں آئندہ ایک سال میں بھی حالات کے بہتر ہونے کی امید نہیں، اس لیے غرباء کی دیکھ بھال کے لیے حکومت کو منصوبے بنانا ہوںگے۔ کردن کا مزید کہنا تھا کہ گزشتہ پانچ سالوں میں ملک کے بڑے شہروں کے علاوہ بیشتر علاقوں میں لوگوں کے رہن سہن کے معیار میں کمی آئی ہے، اور کووڈ-19 نے اس رفتار کو مزید بڑھا دیا ہے۔ سابق وزیر خزانہ نے ملکی معیشت میں 4 اعشاریہ 5 فیصد کی گراوٹ کا انکشاف کرتے ہوئے کہا کہ یہ مغربی یورپ کے متعدد ممالک کی نسبت کم ضرور ہے لیکن روسی معاشرے کے لیے اس کے دیر پا اثرات ہوں گے۔ ب...

نائیجیریا کی عدالت عالیہ نے شیل کمپنی کی 467 ملین ڈالر ہرجانے کی سزا ختم کرنے کی درخواست مسترد کرتے ہوئے پہلے فیصلے کو برقرار رکھنے کا فیصلہ سنا دیا ہے۔ یاد رہے کہ 50 سال قبل ایجاما ایبوبو نامی دریائی شہر میں شیل کے بحری ٹینکر سے تیل کے بہاؤ کے باعث مقامی آبادی کو شدید نقصان پہنچا تھا، جس کے خلاف ہرجانے کی درخواست دی گئی پر نصف صدی گزر جانے کے باوجود مقامی آبادی کو کسی قسم کا ہرجانہ ادا نہیں ہوا اور نہ ہی علاقے کی بہبود کے لیے کچھ کیا گیا۔ سن 1970 میں ہونے والے حادثے کے خلاف مقامی آبادی نے درخواست دی کہ شیل کے تیل ٹینکر لیک کے باعث انکا علاقہ آلودہ ہو گیا ہے اور پانی استعمال کے قابل نہیں رہا، تاہم کمپنی کا مؤقف ہے کہ اس نے علاقے کی صفائی کروا دی تھی، اور اب وہ ہرجانہ ادا کرنے کی روادار نہیں ہے، لیکن عدالت نے ماحولیاتی رپورٹوں پر انحصار کرتے ہوئے کمپنی کے مؤقف کو مسترد کرتے ہوئے کمپن...

چین نے ایٹمی توانائی کا مکمل طور پر مقامی اور نئے طرز کا بجلی گھر بنا لیا ہے۔ ملک کے جنوب مشرقی صوبے فوجیان میں ہوالونگ ٹیکنالوجی سے تیار کردہ ملک کے پہلے مقامی ساختہ بجلی گھر کو بروز جمعہ قومی گرڈ سے جوڑا گیا۔ چین اگلے قدم پر ٹیکنالوجی کو دنیا بھر میں فروخت کرنے کا منصوبہ بنا رہا ہے، منصوبے کے سربراہ کے مطابق کچھ تجربات کے بعد جلد ٹیکنالوجی کو تجارتی پیمانے پر متعارف کروا دیا جائے گا۔ چین کے قومی ادارہ برائے ایٹمی توانائی تعاون کے مطابق نئی ٹیکنالوجی سے تیار کردہ بجلی گھر 60 سال تک بلا تعطل بجلی پیدا کر سکتا ہے اور یہ دنیا کی محفوظ ترین ٹیکنالوجی ہے۔ منصوبے کا آغاز 2015 میں کیا گیا تھا، اور اب اس کے 6 منصوبے چین کے دیگر شہروں میں جاری ہیں۔ اس ماہ کے آغاز پر ہوالونگ ٹیکنالوجی کو یورپی یونین کے متعلقہ ادارے سے بھی محفوظ ہونے کا سرٹیفکیٹ مل گیا ہے، جس کے بعد امید کی جا رہی ہے کہ جل...

ایرانی ایٹمی منصوبے کے بانی اور معروف سائنسدان محسن فخری زادہ ماہاوادی تہران میں ایک قاتلانہ حملے میں جاں بحق ہو گئے ہیں۔ پروفیسر ڈاکٹر محسن فخری زادہ ماہاوادی ایرانی وزارت دفاع کے مطابق حملہ تہران سے باہر ایٹمی سائنسدان کی کار پر ہوا جس کے نتیجے میں فخری ذادہ شدید زخمی ہو گئے اور انہیں ہیلی کاپٹر سے اسپتال پہنچایا گیا لیکن وہ زخموں کی تاب نہ لاتے ہوئے خالق حقیقی سے جا ملے۔ پولیس کے مطابق جائے وقوعہ پر بم دھماکہ بھی ہوا ہے تاہم ابھی تفصیلی رپورٹ سامنے آنا باقی ہے۔ ایرانی ایٹمی ایجنسی کے ترجمان نے پہلے فخری ذادہ کی ہلاکت کی تردید کی اور کہا کہ انکے تمام سائنسدان محفوظ ہیں تاہم بعد میں وزارت دفاع اور وزیر خارجہ نے شدید غم و غصے میں ہلاکت کی تصدیق کرتے ہوئے مقبوضہ فلسطین پر قابض صیہونی انتظامیہ کو حملے کا ذمہ دار ٹھہراتے ہوئے یورپی اتحادیوں سے مذمت کا مطالبہ کیا ہے۔ https:/...

آسٹریلیا میں شراب خانے میں ماسک کے بغیر داخل ہونے پر سکیورٹی گارڈ نے گاہک کا گلا دبا کر بے ہوش کر دیا، گھسیٹ کر باہر پھینک دیا۔ واقع کی دنیا بھر میں سخت مذمت کی جا رہی ہے۔ https://youtu.be/l7BB8DCd3Cc

یورپ میں گزشتہ ایک سال کے دوران نفرت پر مبنی رویے کے خلاف 6649 شکایات درج کی گئیں۔ ان میں سب سے زیادہ شکایات نسلی تعصب اور مہاجرین سے نفرت کے اظہار کے واقعات پر مبنی تھیں۔ فہرست میں دوسرے نمبر پر یہودیوں کے خلاف نفرت جبکہ تیسرے نمبر پر جنسی تفریق کی شکایات درج ہوئیں۔ یورپی تحقیقاتی اداروں کی مرتب کردہ رپورٹ کے مطابق ایک سال کے دورانیے میں مجموعی طور پر 6694 شکایات میں سے 3033 نسلی تعصب اور مہاجرین کے خلاف تعصب کے واقعات پر مبنی تھیں جبکہ 1704 یورپ میں یہودیوں کے ہولو کاسٹ یا ان سے نفرت کے حوالے سے درج کروائی گئیں۔ جنسی تفریق کے خلاف اور دیگر اقلیتوں کے خلاف متعصبانہ رویوں کی شکایات بالترتیب تیسرے اور چوتھے نمبر پر تھیں۔ تحقیق میں 39 ممالک کو شامل کیا گیا۔ رپورٹ کے مطابق سب سے زیادہ شکایات فرانس اور جرمنی میں نسل پرست گروہوں کے خلاف درج ہوئیں، جن میں سے خصوصاً کورونا کے پھیلاؤ میں مہا...